Cov Neeg Raug Ntaus/Ua Phem Rau Hauv Tsev, Thab Zes, lossis Quab Yuam Deev: Koj Cov Cai Xaus Koj Daim Ntawm Xauj Tsev

Cov tibneeg xauj tsev hauv MN uas yog tus neeg khiav dim raug ntaus/ua phem rau hauv tsev, thab zes, lossis quab yuam deev thiab TSIS nyob rau cov tsev tseemfwv pab them ces muaj feem xaus tau nws daim ntawv xauj tsev mus nrhiav chaw nyabxeeb. Muaj cov kauj ruam koj yuavtsum ua raws. Txhua kauj ruam yuavtsum ua kom yog, yog tias koj xav xaus koj daim ntawv xauj tsev.

Yog koj nyob rau:

• Tseemfwv Cov Tsev Luam
• Cov Tsev Xauj Tseemfwv Pab Them
• USDA Cov Tsev Xauj Nyob Deb Nroog
• Cov Tsev Xauj Rau Neeg Nyiaj Tsawg Ntawm Cov Se (Kem 42)

               LOSSIS

• Muaj Ntawv Section 8

muaj ntau hom cai tseemfwv uas tiv thaiv koj cov cai uas yog ib tug neeg khiav dim raug ntaus/ua phem rau hauv tsev thiab/lossis raug quab yuam deev. Koj muaj feem xaus koj daim ntawv xauj tsev thiab muaj kev tiv thaiv ntau tshaj li cov cai hauv xeev Minnesota uas muaj nyob rau daim ntawv qhia tseeb no. 

Yog koj nyob cov tsev xauj uas tseemfwv pab them, mus saib peb daim ntawv qhia tseeb Cov Cai Pab Them Nqi Tsev rau Cov Neeg Raug Ua Phem Rau Hauv Tsev thiab Yuam Deev kom paub ntau ntxiv ua ntej yuav rhais ruam xaus koj daim ntawv xauj tsev.

Cim Cia: cov kauj ruam koj yuav tau los ua mus xaus koj daim ntawv xauj tsev yuav txawv ib lub khoos kas xauj tsev mus rau ib lub. Nrog ib tug neeg ua haujlwm sawv cev pab cov neeg raug ntaus/ua phem rau tham lossis hu rau koj lub zos lub hoobkas kevcai lij choj legal aid muab kev pab.

Muab kom tau IB hom ntaub ntawv ntawm no yog tias koj yuavtsum xaus koj daim ntawv xauj tsev. Koj tsuas yuavtsum muaj 1:

• Ib Tsab Ntawv Tswj Kev Tiv Thaiv (OFP)
       LOSSIS
• Ib Tsab Ntawv Txwv Tsis Pub Tiv Tauj
       LOSSIS
• Ib Tsab Ntawv Txwv Tsis Pub Tiv Tauj Vim Raug Ntaus/Ua Phem Rau Hauv Neeg (DANCO)
       LOSSIS
• yam uas sau npe los ntawm ib tug Kws Haujlwm Hauv Tsev Hais Plaub. Ib tug kws haujlwm hauv tsev hais plaub muaj feem yog tau ib tug kws txiav txim plaub, kws mloog plaub ntug, kws khiav ntaub ntawv, kws lijchoj rau lub nroog, lossis kws ceevxwm saib neeg raug txim. Tej zaum yog daim ntawv tsev hais plaub txiav txim, ib tsab ntawv los ntawm qhov chaw ceevxwm saib xyuas neeg raug txim, lossis ib tsab ntawv los ntawm kws lijchoj hauv lub nroog. Nws yuavtsum hais rau hauv tias koj yog ib tug neeg raug ntaus/ua phem rau hauv tsev, thab zes lossis raug quab yuam deev. Nws yuavtsum muaj tus neeg ntaus koj lossis ua phem lub npe yog tias koj paub THIAB yog tias nyabxeeb rau koj qhia nws npe.
       LOSSIS
• Ib yam sau npe los ntawm lub zos, lub nroog, lub xeev lossis ib pawg neeg nyob kws ceevxwm uas hais qhia tias koj yog ib tug neeg raug ntaus/ua phem rau hauv tsev, thab zes lossis raug quab yuam deev. Nws muaj feem yog tau ib yam xws li tsab ntawv tub ceevxwm sau, tsab ntawv qhia lossis lwm hom ntaub ntawv sau npe los ntawm kws ceevxwm. Daim ntawv yuavtsum muaj tus neeg ntaus koj lossis ua phem lub npe yog tias koj paub THIAB yog tias nyabxeeb rau koj qhia nws npe.
       LOSSIS
• Ib nqe lus los ntawm ib “tus neeg sab nraud uas muaj feem”. Ib tug neeg sab nraud uas muaj feem yog:
  • Ib tug neeg muaj ntaub ntawv ua haujlwm txog kev noj qab haus huv uas saib xyuas txog koj vim txoj kev raug ntaus (xws li kws kho mob lossis kws kuaj mob)  
     
  • Ib tug neeg ua haujlwm tom ib lub chaw neeg muaj teeb meem xwm txheej thiab muaj kev kawm los ua haujlwm nrog cov neeg raug quab yuam deev.  
     
  • Ib tug neeg ua haujlwm sawv cev pab cov neeg raug ntaus hauv tsev uas ua haujlwm rau cov chaw hauv zej zog-cov pojniam raug ntaus lub tsev nkaum lossis cov kev pabcuam neeg raug ntaus/ua phem rau hauv tsev muab ntaub ntawv, kev txhawb, kev tiv thaiv, chaw so thaum xwmtxheej ceev, lossis kev txhawb cov neeg raug ntaus/ua phem rau hauv tsev.

Koj siv tau daim ntawv los nrog daim ntawv qhia tseeb hu ua “Statement by a Qualified Third Party”

Cim Cia: Yog muaj tej yam nyob rau cov ntaub ntawv no uas koj tsis xav kom lwm tus pom, koj muaj feem luam cia thiab “khij” tawm yam uas koj tsis pub leej twg paub. Koj siv ib tug xaum npiv lossis cov kua dawb los tso rau kom tsis muaj leejtwg pom tau.

Piv txwv, tejzaum koj yuav xav khij tawm tej yam lus qhia txog kev raug ntaus lossis cov ntaub ntawv sau txog cov menyuam. Koj muaj feem khij tawm cov lus qhia li no yog tias nyob ib qho chaw hauv daim ntawv yeej muaj lus qhia tias koj lossis lwm tus nrog koj nyob tau raug ntaus/ua phem rau hauv tsev, thab zes lossis raug quab yuam deev.

Koj yuavtsum tau them tagnrho tus nqi xauj tsev rau lub hlis uas koj nyob hauv lub chaw ntawd. Pivtxwv, yog koj muab lus qhia rau tus tswv tsev rau Lub 8 Hli Tim 2 tias koj xav tawm ua ntej Lub 8 Hli Tim 15, koj tseem yuav tau them tagnrho tus nqi xauj tsev rau Lub 8 Hli Ntuj thaum txog caij them nqi tsev.

Khaws ntaub ntawv cia ua povthawj tias them nqi tsev tagnrho. Yog koj siv nyiaj ntsuab them ces kom lawv muab ntawv qhia tias them lawm. Yog koj them nrog tshev “money order,” muab luam cia lossis thaij duab daim tshev ntawd nrog tus tswv tsev lub npe nyob rau hauv. Khaws daim tw ntawv uas qhia tias koj tau mus yuav daim tshev ntawd.

Tsiv tawm kom raws li hnub tim uas koj tau sau ntawv qhia thiab mus rov cov yuamsij rau tus tswv tsev.

Yog koj ua raws li 3 kauj ruam saud ces koj daim ntawv xauj tsev yuav xaus rau hnub tim uas koj tsiv tawm thiab koj yuav tsis rau ris cov nqi xauj tsev rau cov hli uas tseem tshuav hauv koj daim ntawv xauj tsev. TIAMSIS, yog koj tsis ua raws nraim li cov cai hais no, koj muaj feem yuav raug ris cov nqi xauj tsev rau cov hli uas seem nyob rau ntaub ntawv xauj tsev.

Cim cia: Txawm tias koj xaus koj daim ntawv xauj tsev raws li 3 kauj ruam saum toj no lawm los koj tseem yuav tau them cov nyiaj koj tiv tus tswv tsev ua ntej lub sijhawm koj muab ntaub ntawv qhia rau nws.

TSEEMCEEB: yog tias koj xaus koj daim ntawv xauj tsev siv 3 kuaj ruam saum toj no ces koj tus tswv tsev muaj cai yuav koj qhov nyiaj cas tsev, tiamsis koj tsis tas yuav tau them lwm yam ntxiv rau tus tswv tsev kom koj muaj feem tsiv tawm tau.

Yog muaj lwm cov neeg nrog koj koom xauj tsev, lawv daim ntawv xauj tsev xaus thaum lub hlis kawg es koj tsiv tawm. Pivtxwv, yog koj sau ntawv qhia tias koj npaj yuav tsiv tawm rau Lub 3 Hlis Tim 13, lwm cov neeg xauj tsev daim ntawv xauj yuav xaus rau Lub 3 Hlis Tim 31. Lawv yuav tau tsiv tawm rau hnub tim ntawd lossis sau dua ib daim ntawv xauj tsev tshiab nrog tus tswv tsev.

Ib tug tswv tsev qhia tsis tau rau lwm tus tias koj yog ib tug neeg raug ua phem rau lossis muab ntaub ntawv qhia rau lwm tus uas yog los ntawm koj tsab ntawv sau qhia lossis tej ntaub ntawv uas koj muab nrog yog tias tsis tau kev tso cai los ntawm koj. Tib lub sijhawm tswv tsev muaj feem qhia tau ntaub ntawv uas tsis tas tau kev tso cai ces tsuas yog thaum nws yuavtsum tau muab rau tsev hais plaub kom ntiab ib tug neeg tawm lossis los tsib nqi xauj tsev lossis nyiaj los them cov khoom puas hauv qhov chaw xauj.

Tsis muaj. Tus tswv tsev muaj feem nug koj txog lub npe ntawm tus neeg uas ntaus lossis ua phem rau koj lossis tus neeg nyob hauv koj lub tsev, tiamsis tus tswv tsev tsis muaj feem yuam kom koj qhia tej ntawd. Koj tsis tas yuav qhia yog tias koj xav tias tsis nyabxeeb rau koj yog qhia tus tib neeg ntawd npe lossis yog tias koj tsis paub tus neeg ntawd npe. Koj yeej tseem xaus tau koj daim ntawv xauj tsev raws txoj cai txawv yog koj ua lwm yam.

Tsis muaj. Tus tswv tsev tsis muaj feem yuam kom koj tso tseg cov cai koj muaj raws li piav rau daim ntawv qhia tseeb no. Qhov no txhais tau tias txhua yam koj thiab koj tus tswv tsev tau pom zoo ua uas tsis raws txoj cai no, yeej tsis raws cai lawm. Txawm hais tias nyob rau hauv koj daim ntawv xauj tsev. 

Tsis muaj. Yog tias koj ua raws li cov kauj ruam sau nyob rau daim ntawv qhia tseeb no ces koj txoj kev lav ris tus tswv tsev nqi tsev xaus lawm. Koj tsis tas yuav them ntxiv los khiav dim mus rau kev nyabxeeb.