Yog koj raug mob tom haujlwm lossis muaj ib tug kabmob los lossis tus mob huam tuaj vim txoj haujlwm, koj yuav tsum tau raug them los ntawm Nyiaj Raug Mob Haujlwm lossis “Workers’ Comp.” “Workers’ Comp” nyiaj rau mob tom haujlwm yog ib hom isalas uas koj qhov chaw ua haujlwm yuav tau them nyab tsam leeg twg tom haujlwm hos raug mob.
Minnesota tsab cai txog nyiaj raug mob haujlwm tswj tias txhua lub chaw haujlwm yuav tsum them nyiaj mus rau qhov isalas nyiaj raug mob haujlwm lossis yuav isalas rau tus kheej. Qhov nyiaj raug mob haujlwm no muab nyiaj rau koj yog tias koj raug mob lossis muaj mob los ntawm txoj haujlwm. Nws tuav txog cov kev raug mob lossis muaj mob uas tshwm sim lossis huam tuaj vim txoj haujlwm lossis lub chaw haujlwm.
Nyiaj raug mob haujlwm them rau:
- cov nqi kho mob uas yog los ntawm tus mob, tsuav tsim nyog thiab yuav tsum tau kho
- kev poob nyiaj haujlwm rau ib feem ntawm koj cov nyiaj haujlwm uas tau tu ncua lawm
- nyiaj them rau kev piamsij rau lub cev txoj kev ua haujlwm
- them rau koj cov neeg koj saib xyuas yog tias koj tas sim neej vim raug mob los ntawm haujlwm
- kev mus kho lub cev rov qab xyaum ua ib yam dabtsi dua yog tias koj rov tsis tau rau koj txoj haujlwm lossis rau lub chaw haujlwm uas koj muaj ua ntej koj raug mob
- cov nyiaj them kev mus los kom mus kho tau tus kheej thiab/lossis tej kev rov qab xyaum ua ib yam dabtsi dua.
Mloog daim ntawv qhia tseeb no