Su’aalaha Inta Badan La iska Waydiiyo Dardaaranka

Dardaaranku waa qoraal aad qortay oo aad ku sheegaysid waxa hantidaada laga yeelayo marka aad geeriyootid. Hantida waxaa ku jirta alaabta iyo lacagta aad ka tagto. Dadka aad hantida u dardaarmaysid waxaa la yiraahdaa dhaxlayaasha. Dardaarankaaga waxaad ku daraysaa qof aad doonaysid inuu hantidaada sida aad doonaysid u maamulo ama u qaybiyo. Qofkaa waxaa loogu yeeraa qofkii adiga wakiilka kaa ahaa, hadii aadan adigu qof magacaabin Maxkamadda Dhaxalka ayaa qof kuu magacaabaysa. Qofka wakiilka kaa ah mararka qaarkood waxaa loogu yeeraa hawl fuliye.

Hadii aad geeriyootid adigoon dardaaran qorin, waxa jira sharci gobolka u yaala oo qeexaya sida hantidaada loo qaybinayo. Qoyskaaga ayaa loo qaybinayaan iyadoo la raacayo sida sharciga gobolku dhigayo.

Dadka qaarkii ayaa waxay ka walwalaan in gobolku hantidooda qaato hadii ay geeriyoodaan iyagoon dardaaran qorin. Inay arrintani dhacdaa aad ayay u yar tahay. Gobolku wuxuu hantidaada qaadan karaa keliya hadii:

• Aad geeriyootid iyadoo hantida magacaaga keliya ahi ku qoran yahay, iyo

• Hadii uuna jirin qof nool oo aad dhalasho wadaagtaan ama dad aad soo korsateen oo sidaa aad qaraabo ku noqoteen

Dardaaran ayaad u baahan tahay hadii aad doonaysid:

• Inaad hantidaada uga tagtid qof aad saaxiib tihiin ama aad sadaqaysatid intii aad qoyskaaga uga tegi lahayd

• Inaad hantidaada uga tagtid dad uuna sharciga gobolku waxba hantidaada ka siinayn marka la qaybiyo. Waxaa jira jadwalka dhaxalka ee MN kaa soo laga helayo barta internetka ee xeer ilaaliyaha guud ee gobolka MN jadwalkani wuxuu tusayaa sida sharciga gobolku dhaxalka u qaybiyay.

• Aad doonaysid inaad alaabooyin cayiman siisid dad gaar ah 

• Inaad qof dhaxalkaaga wax kule marka sharciga gobolka la fiiriyo aad qadisid

•  Inaad si aan sinayn hantidaada ugu qaybisid dadka dhaxalkaaga leh

• Inaad ilmo aan qaan gaadh ahayn u magacawdid qofka mas’uulka ka noqonaya

• inaad ka hor tagtid in qoyskaagu dhexdiisu hantida ku dagaalamaan

Dardaaran uma baahnid hadii:

• Aadan haysan hanti dhul iyo guryo ah oo magacaaga keliya ahi ku qoran yahay. Hantida dhulka iyo guryaha ah ee aad leedahay waa mid aad la wadaagto hal qof ama dad ka badan ama guri aad deganaanayso inta aad nooshahay.

• Aad haysatid hanti dhul iyo guryo ah oo magacaga keliya ahi ku qoran yahay, laakiin aad magacawday hal qof ama ka badan oo hantidaada lagu wareejinayo hadii aad geeriyootid kuwaas oo aad ka diiwaaangashan xafiiska hantida ma guurtada ah ee degmada. Akhri xogtan kooban halkan ka gal Wareejinta Hantida Geerida Ka Dib.

• Aad leedahay qof hadii aad geeriyootid ku dhaxlaya oo ku qoran warqadaada mulkiyadda oo la wareegaya hantidaada sida,xisaabta bangiga kuu taala,iyo lacagta suuqa ganacsiga kuugu jirta.

• Aadan lahayn wax dhul ah ama guryo ah oo magacaaga keliya ahi ku qoran yahay isla markaana warqadda mulkiyadda ee hantidaadana uuna ku qoray (qof ku dhaxlayaa) qiimaha hantidaaduna tahay $75,000 ama ka yar tahay. Haday arrintu sidaas tahay qoyskaagu waxay u baahan yihiin in markhaatiyo cadaynaya cida ay yihiin ay warqad u qoraan ka dibna ay nootaayo ku dhuftaan intaa ka dib iyagoon maxkamadda dhaxalka tegin ayay magacoodu ku soo wareejin karaa warqadda mulkiyadda. Eeg warqadayada xogta aruursan ah Su’aalaha Ku Saabsan Dhaxalka.

• Aad doonaysid in hantidaada loogu qaybiyo qoyskaaga sida sharciga gobolku dhigayo (Akhri macluumaadka kor ku qoran). Tusaale, hadii hooyo ninkeedii dhintay oo laba caruur ah haystaa ay geeriyooto sharciga gobolku labada ilmood si is le’eg ayuu ugu qaybinayaa hantida. Haday marka hooyadu doonayso in sidaa caruurta wax loogu qaybiyo uma baahna inay dardaaran qorto, laakiin waxaa loo baahanayaa in maxkamadda dhaxalku ay soo dhex gasho.

Maya. ma qaban karo dardaarankaagu wuxuu dhaqan gelayaa keliya markaad geeriyootid ka dib. Hadii aad doonaysid in qof wakiilka kaa ahi  uu hawlahaaga qabto, hadii aad naafo noqotid ama qof aan arrintiisa maamuli Karin waa inaad siisid awood sharci ah oo qoraal ah oo uu ku maamuli karo dhaqaalahaaga isla markaana uu xaaladaada caafimaad go’aan kuugu gaari karo.

Akhri xogtan kooban, Dardaaranka Caafimaadka, Wakiil Ka Noqosho Si Sharci Ah​​​​​​​. 

Qofka aad wakiilatay wuxuu ilaalinayaa hantidaada inta ay biilkaaga bixinayaan. Ka dib marka biilasha laga bixiyo lacagtaada, waxay hantidaada u qaybinayaan dadka dhaxalkaaga leh waxayna ugu qaybinayaan sidii uu dardaarankaagu ahaa. Sidoo kale waxay hubinayaan sidii loo heli lahaa lacagta caymiskii nolosha eed ku jirtay iyo lacagtaadii hawlgabka la siinayay. Wakiilnimadu waa shaqo aad muhiim u ah.  Hubi in qofka aad doonaysid inaad wakiilataa inuu rabo inuu hawshan qabto iyo in kale.

 Hadii qofka aad wakiilatay u baahdo amar maxkamadeed uu ku badalo warqadii mulkiyadda ee hantidaada ama dardaaranka khilaaf ka yimaado waxay dacwo dardaarankaaga ku saabsan ka furayaan maxkamadda dhaxalka.

Maxkamadda dhaxalku waxay go’aamisa inuu dardaaranku mid sax ah yahay iyo in kale,waxaa kale ooy kala xukuntaa muranka ka dhasha dardaaranada, sidoo kale waxay bixisaa amar lagu kala wareejinayo warqadaha mulkiyadda sida dhulka ,guryaha, gawaarida iyo hantida kale ee warqadda mulkiyada ah leh. Hadii aadan dardaarankaaga ku darin qof wakiil kaa ah maxkamadda ayaa wakiil kuu magacaabaysa. Hadii hantidaada qiimaheedu ka hooseeyo $75,000 waxaa laga yaabaa in dardaarankaagu aanu u baahnayn inuu soo maro maxkamadda dhaxalka. Akhri xogtan kooban, Su’aalaha Ku Saabsan Dhaxalka.  

Waxa aad ka heli kartaa foom fudud qaar ka mid ah goobaha lagu gado alaabta xafiisyada, khadka (online) ka, ama buuga iskaa-isu-caawinta. Foomamkaa waxaa dhici karta inay kuu shaqeeyaan laakiin la hadal qareen si aad u hubiso in foomku uu ku haboon yahay xaaladaadda uuna u hogaansamayo sharciga gobolka. Waxaa jira xeerar ay tahay inaad raacdo si aad uga dhigto dardaaranka mid sharci ah. Xeerarka midka ugu muhiimsani waa in loo baahan in 2 qof oo makhraati ahi ay arkaan adiga oo saxiixaya dardaaranka. Iyana waxa ay u baahan yihiin inay saxiixaan. Hadii aysan jirin 2 qof oo makhaarti ahi, dardaarankaagu ma sharciyeysna. Makhraatiyaashu waa inaysan noqon cid lagu magacaabay dardaarankaaga waana in aysan noqon cid qoyskaaga ka mid ah. Makhraatiyaashu waa khasab inay noqdaan kuwa:

• Ka weyn 18
• Akhtiyaal u saxiixaya wax
• Miyirkoodu fayow yahay

Maya, Minnesota, uma baahnid inaad nootaayeyso dardaarankaaga si aad uga dhigto mid sharci ah. Laakiin Minnesota waxa ay kuu ogolaataa inaad ka dhigto dardaarankaaga “iskii-isu-cadeeye.” Haddii aad rabto inaad taa sameyso waa inaad u tago nootaayaale. Dardaaranka iskuu-isu-cadeeynayaa waxa uu caawiyaa cadeynta in dardaarankaagu uu yahay mid sharciyeysan haddii maxkamad looga mudaco arrinta dardaaranka. Waxay kaloo dedejisaa maxkamada dhaxalka waayo maxkamadu waa ay aqbali kartaa dardaarankaa iyadoon la xiriirin makhraatiyada saxiixay. 

Si aad uga dhigto dardaarankaaga iskii-isu-cadeeya, makhaartiyeyaasha iyo adigu waxa aad u baahan tihiin inaad u tagtaan nootaayaale ka dibna aad dhamaantiin saxiixdaaan warqad dhaar ah “affidavit” oo cadeynaysa cidda aad tihiin iyo in mid walba oo idinka mid ah uu ogaa inaad saxiixaysaan dardaaran. Hubi in aad dhamaantiin haysataan aqoonsiyadiina (ID) sawirka leh. Dardaaranka waxaa laga dhigi karaa mid iskii-isu-cadeeya markii la rabo.

Dardaaranku uma baahna in maxkamad laga diiwaangeliyo marka la qoro ka dib, laakiin waxaa mar walba wanaagsan inaad dhigtid meel laga heli karo markaad geeriyootid ka dib. Waa inaad dhigtid meel amaan ah. Waxaad u dhiibi kartaa qofka aad wakiilatay maadaama qofkani yahay qof aad aamintay oo aad hubtid inuu dardaarankaaga siduu yahay u fulinayo. Ugu yaraan qofka wakiilka aad ka dhigatay waa inuu ogyahay meesha dardaaranka laga heli karo. Hadii aad dhigtay qasnadda guriga kuu taala ama sanduuqaaga bangiga gaysay waa inaad hubisid inay kala soo bixi karaan.

Gobolka Minnesota, maxkamadaha dhaxalka ama xafiisyadda maamulka maxkamadaha ayaa dadka dardaaranka u hayo iyagoon wax lacag ah ka qaadaynin ama khidmad yar ka qaadanaya. Xaq baad u leedahay inaad wakhti kasto oo aad doonaysid aad la soo noqotid dardaarankaaga.

Hadii qareen kaa caawiyay qoritaanka dardaarankaaga, waxaa laga yaabaa inay kuu soo bandhigaan inay kuu hayaan dardaaranka. Marka hadii qareenku kuu hayo waa in qoyskaaga iyo qofka wakiilka kuu ahiba ay ogyihiin in qareenku dardaarankaagii hayo.