Koj tus Neeg Txiav Txim Kev Kho Mob txog koj txoj kev kho mob yuav tsum muaj 18 lub xyoos los yog laus dua. Xaiv ib tug neeg koj paub zoo, tus uas yuav ua raws koj txoj kev ntshaw, ua tej yam kom zoo rau koj thiab tus neeg es muaj sij hawm khoom tham nrog tus kws kho mob. Ib tug neeg twg yeej ua tau koj tus Neeg Txiav Txim Kev Kho Mob, tsuas txhob yog koj tus kws kho mob los yog tus neeg ua hauj lwm muaj kev tu saib xyuas koj, tsuas yog koj ho txheeb ze tus neeg ntawd los ntawm roj ntshav, sib yuav, muaj ntaub ntawv ceev cia tias yog txij nkawm los yog coj los tu (adoption).
Koj yeej hais tau rau hauv Daim Ntawv Muab Cai Txiav Txim Kev Kho Mob tias vim li cas koj thiaj li xav tau tus neeg ntawd los ua koj tus tus Neeg Txiav Txim Kev Kho Mob.
Nws tseem ceeb heev qhov nrog tus neeg koj xaiv los ua koj tus neeg txiav txim kev kho mob tham kom paub tseeb tias lawv kam txiav txim siab rau koj thaum lub sij hawm yuav tsum tau ua. Koj yuav tsum kom lawv paub tseeb tias koj qhov kev ntshaw yog dabtsi txog txoj kev kho koj.