Tej zaum koj yuav muaj feem txais tau kev pab tagnrho ntawm Khooskas Kev Pab Ntxiv yog koj cov nyiaj tauj xyoo thiab lwm tej kev pab koj tau yog tsawg dua cov nram no:
- Ib tug neeg: nyiaj tau los tsawg tshaj $20,385 thiab lwm cov kev pab los tsawg tshaj $15,510
- Muaj txij nkawm nyob ua ke thiab tsis muaj lwm tus nrog nyob: tau nyiaj tsawg tshaj $27,465 thiab lwm cov kev pab los tsawg tshaj $30,950
Yog koj tau tsawg dua li qhov teem rau ib qho kev tau los pab koj (nyiaj tau lossis lwm cov kev pab), koj yuav txais tsis tau tagnrho txoj kev pab no, tiam sis tej zaum koj yuav tau lwm qhov kev pab. Yog li koj yuav tsum ua ntawv thov.
Cov uas yuav tsis suav tias yog lwm cov kev pab yog koj lub tsev, tsheb, tej cuab yeej cuab tam hauv vaj tse, chaw yuav faus neeg, nyiaj npaj cia rau ntees tuag thiab thaj av faus txog li $1,500 rau ib tug neeg, lossis cov isalas rau txoj sia.
Qhov teem rau nyiaj tau los thiab kev pab lwm yam hloov txhua xyoo. Cov lej nyob hauv daim ntawv qhia no yog rau xyoo 2022. Cov lej tshiab yuav tshwm tuaj rau lub caij nplooj ntoos hlav xyoo 2023. Qhov chaw yuav qhia tau tseeb txog cov txheej txheem tshiab yog hauv online ntawm: www.medicare.gov lossis https://www.ssa.gov/medicare/part-d-extra-help. Lossis hu rau 1-800-MEDICARE.