“Lacagta u soo Noqonaysa Kiraystaha” Lacagta Canshuurta Guryaha ka soo Noqota

Qaar badan oo ka mid ah kirystayaasha iyo mulkiilayaasha guryaha lehi waxa ay heli karaan lacag uga soo noqota sannad walba gobolka Minnesota. Cadadka lacagta ah ee kuu soo noqonayaa waxa uu ku xiran yahay:

• inta ay ahayd kirada ama canshuurta guryaha ee aad bixisay
• dakhligaaga iyo
• inta qof ee aad mas’uulka ka tahay

Waxa aad heli kartaa lacag kuu soo noqota hadii:

• Aad guri kiro ah ku jirtay dakhliga guud ee qoyskaaga ee sannadka 2023 uu ka yaraa $73,270 (xaq u yeeladka dakhliga ku xiran kor buu sii aadaa mar walba ay sii korodho dadka canshuurta lagu xareystaa) 

                        AMA

•   Aad adigu guriga aad ku jirto aad leedahay dakhligaaga guud ee qoyskaaguna sannadka 2023 uu ka yaraa $135,410 (xaq u yeeladka dakhliga ku xiran kor buu sii aadaa mar walba ay sii korodho dadka canshuurta lagu xaraystaa) iyo 
• Aadan ahayn qof uu canshuurta-celinta dowlada dhexe uu ku xaraystay qof kale sannadkii 2023, iyo 
• Aad 2023 sannadka oo dhan ama sannad qaybtii aad deganayn Minnesota iyo 
• Aad kiro ka bixisay dhisme la canshuuray AMA aad gurigaaga aad adigu leedahay.  

Ogow: Hadii aad guri leedahay waa KHASAB inaad leedahay lambar sooshal sakuurati (social security) oo sax ah si aad u hesho lacagta canshuurta guryaha ka soo noqota. Haddii aad tahay kireyste, waa khasab inaad haysato lambar sooshal sakuurati oo shaqeynaya (social security) ama lambar aqoonsi canshuur oo shakhsiyan ah oo shaqeynaya (ITIN).

• Hadii guriga aad ku jirtaa uu kiro yahay, qolada guriga iska lehi waa khasab inay ku siiyaan Warqad ay ku qoran Kirada la Bixiyey (CRP) ugu dambayn bisha Janaayo 31, 2024. Hadii aad guriga adigu leedahay, isticmaal Oraahdaada Canshuurta Dhulka.  
   
• Hel foomka canshuurta ee la yiraa foomka 2022 M-1PR  (2022 Form M-1PR), Lacagta Canshuurta Dhulka la Degan yahay ka soo Noqota (dadka guriga leh) iyo kan Kiraystaha Lacagta Canshuurta Guriga ugu soo Noqonaysa. Waxa aadna ka heli kartaa foomamkaa maktabadaha, wac khadka (651) 296-3781, ama warqad ugu dir ciwaanka ah: (MN Tax Forms, Mail Station 1421, St. Paul, MN 55146-1421).
  
  Sidoo kale waxa aad ka heli kartaa foomamka oo dhan iyo akhbaarta la xaraysanayo shabakada (online) www.revenue.state.mn.us.
   

• Waa inaad ku hesho lacagtaada kuu soo noqota 60 cisho gudahood ka dib kolka aad xareyso ama haddii aad kireyste tahay ka dib bisha August 15 iyo ka dib bisha Sebtembar 30, haddii aad mulkiile guri tahay hadba tii dambaysa.    
   
• Waxa aad ku heli kartaa lacagtaada kuu soo noqonaysa 30 cisho ka sii hor haddii aad:  
  • Kumbuyuutarka ku xareysato 
     
  • Aad doorto in lacagtaada toos loogu soo diro. Taa maccnaheedu waa lacagta si toos ah ayaa akoonkaaga bangiga loogu soo ridi.   
  • Ku dar dhamaan qoraaladda loo baahan yahay. Kuwaa waxaa ku jira warqadda la yiraa CRP haddii aad guri kiro ah ku jirto.  

Ilaa iyo 1 sanno waa aad la soo daahi kartaa xareysigan warqadaha.  Si aad u sheegato lacagta canshuurta kirada ku soo noqota ee 2023, waxa aad haysataa ilaa iyo bisha Ogoosto 15, 2025 si aad u xareysato.   

• Wac qolada guriga kana codso warqada. Hadii ay taasi shaqeyn waydo, warqad u qor qolada guriga aad ku waydiisanayso ugana sheeg iyaga warqada in loo ganaaxi karo $100 warqad (CRP) kasta oo lacagta kirada ka soo noqoto lagu dalbado oo aysan bixin. Ugu sheeg warqada lacagta kirada ah ee aad bixisay sannadkii 2023. Nuqul kala har warqada aad dirayso. 
   
• Hadii qolada guriga aad uga jirtaa aysan wali ku siin waydo warqada lacagta kirada ka soo noqoto lagu dalbado (CRP), kolkaa ka wac Waaxda Canshuuraha (Department of Revenue) khadka ah (651) 296-3781. Ka dib waydiiso inay la xiriiraan qolada guriga ayna ganaaxaan hadii qolada gurigu ay kuu soo diri waydo warqada adiga.  
   
• Waaxda Canshuuraha (Department of Revenue) waxa ay ku siin kartaa adiga Foomka Dhaarta Kirada la Bixiyey ah (Rent Paid Affidavit) si aad u buuxiso intii aad sugi lahayd warqada (CRP). Waxa aad u baahan tahay rasiidyo ama wax kale oo cadeyn ah oo ku saabsan inta ay ahayd kirada aad bixisay. Hadii aadan rasiidyo haysan isticmaal hesiishka liiska guriga, warqado guriga kuugu soo dhacay, ama wax kale oo cadeynaya inaad halkaa ku noolayd aadna kiro bixin jirtay. Hadii aad cadeyn karto inaad halkaa ku noolayd, iyo waxa cadadka lacagtu uu ahaa, ku mudac in gobolku uu ka soo qaado in kirada la bixin jiray.   

Hadii aad uu dakhligaagu hooseeyo, ama aad naafo tahay, ama aad tahay waayeel, waxa aad heli kartaa caawmaad lacag la’aan ah. Si aad u hesho rug caawimaad fidisa oo kuu dhow, ka wac Waaxda Canshuuraha (Department of Revenue), khadka ah (651) 297-3724 ama ka wac hay’ada United Way, lambarkeeda gobolka oo dhan ah, ee ah 2-1-1.