Muab Rau Lwm Tus Los Sawv Cev Txiav Txim

Muab cai rau lwm tus los sawv cev txiav txim yog daim ntawv sau cia muab cai rau lwm tus los lis ntiag tug lossis nyiaj txiag rau koj, raws li koj siab nyiam.  Hauv daim ntawv muab cai rau lwm tus los sawv cev txiav txim, koj hu uas tus (principal) “tus neeg muab cai”.  “Tus neeg lis haujlwm rau koj hu uas tus (attorney-in-fact) “kws lij choj-sawv-cev.” Tus neeg no tsis tas yog ib tug kws lij choj.

Yog tus kws lij choj-sawv-cev ua ntaub ntawv raws cai siv koj lub npe, ces nws zoo tib yam li koj ua koj tus kheej. Rau qhov muab cai rau lwm tus los sawv cev txiav txim, koj tseem ua tau rau koj tus kheej yog tias koj xav, tabsis tus kws lij choj-sawv-cev kuj ua tau rau koj thiab. Lawv tsis tas qhia koj ua ntej lawv ua. 

Tus kws lij choj-sawv-cev tsis yog tus saib xyuas koj. Tsuas yog koj meej pem, yuam tsis tau kom koj tsiv. Koj tsis poob txoj cai tswj khoom ntiag tug lossis nyiaj txiag. Koj tsis xaim txoj cai los txiav txim txog koj lub neej xws li koj nyob qhov twg thiab siv koj sijhawm ua dabtsi. Koj rov thim (muab rov qab) qhov muab cai rau lwm tus los sawv cev txiav txim thaum twg los tau.  

Feem ntau, koj muab txoj cai rau lwm tus los sawv cev txiav txim kom ib tus neeg thiaj xee npe tau rau cov ntaub ntawv txog ntiag tug thiab nyiaj txiag.  Txwv tau txoj kev tso cai, xws li muag tsev, lossis hais kom dav heev, xws li kom lis tagnrho tej ntiag tug lossis nyiaj txiag. Nyob ntawm seb koj sau li cas rau hauv daim ntawv muab cai rau lwm tus los sawv cev txiav txim.

Ib tug neeg muaj peevxwm ua muaj hnub nyoog dhau 18 xyoo ua tau koj tus kws lij choj-sawv-cev. Qhov no suav cov neeg hauv tsev neeg. Coob leej xaiv nws tus pojniam/txiv lossis tus menyuam. Tseem ceeb koj xaiv ib tug kom koj ntseeg siab heev. Nco tsoov, lawv yuav muaj cai mus rau koj cov khoom xws li cov askhauj tom tsev ceev nyiaj lossis ntiag tug.

Koj xaiv tau tshaj ib tug kws lij choj-sawv-cev. Tabsis nco ntsoov, ib leegtwg muaj feem ua tau khoom siv koj lub npe tsis tas sib nug tus tod, tsuas yog tshe koj sau tias koj xav kom txawv li cas.

Koj kuj xaiv tau tus “kws lij choj-sawv-cev lawv qab.” Tus no yog tus yuav ua tauj mus yog tus xub thawj ua tsis tau lossis tsis kam ua ntxiv lawm.

Yog tus kws lij choj-sawv-cev luag haujlwm los khaws ntaub ntawv rau tagnrho cov haujlwm nws ua rau koj.  Qhov no yog hu ua “khaws ntaub ntawv.”  Hais kom muab cov ntaub ntawv no rau koj saib thaum twg koj nug.  Txawm yog tias koj ntseeg ib tug siab, nws yog ib qho zoo kom muab ntaub ntawv rau koj saib 3 hli twg lossis txhua hli yog ib qho zoo tswv yim.  Nws kuj yog ib qhov zoo tswv yim yog tias koj kom muab ntaub ntawv mus rau koj THIAB lwm tus neeg, xws li ib tug hauv tsev neeg lossis tus phoojywg uas pab saib xyuas tej no thiab.

Raws li txoj cai, tus kws lij choj-sawv-cev yuav tsum ua txhua yam uas zoo rau koj xwb.

Muab cia rau lwm tus los sawv cev txiav txim yuav tsum muab sau cia rau ntaub ntawv, sau hnub tim, thiab xee npe rau tus muaj cai ntaus thwj pom.  Yog koj xav kom qhov tso cai rau lwm tus los sawv cev txiav txim xaus thaum ib lub sijhawm teem tseg, sau hnub tim, hli, thiab xyoo thaum nws xaus.

Tseem ceeb: ntawv ua tus kws lij choj sawv cev pib ua haujlwm thaum koj kos npe rau tag. Nws muab cai rau tus kws lij choj-sawv-cev tamsim ntawd—tsis yog thaum koj muaj mob lossis ua tsis tau lawm.    

Daim ntawv muab cai rau lwm tus los sawv cev txiav txim yog tshiab thaum lub Ib Hli 2014 lawm.  Daim ntawv tamsim no muaj lus qhia thiab ceebtoom ntau dua txog txoj haujlwm thiab luag haujlwm ntawm tus Kws Lij Choj-Sawv-Cev lawm.

Yog koj ua daim ntawv muab cai rau lwm tus los sawv cev txiav txim yav tas los nws tseem siv tau.  Tsis tas koj yuav ua daim tshiab.  Yog koj yuav ua daim ntawv muab cai rau lwm tus los sawv cev txiav txim tamsim no, siv daim ntawv txuas nrog daim no. Ua zoo nyeem phaj “Lus Qhia Tseem Ceeb rau Tus Neeg Muab Cai” tom qab daim ntawv.  Koj yuav tsum xee npe qhia tias koj nyeem nws lawm thiab khaws nws nrog daim ntawv. 

Lossis ua daim ntawv muab cai rau lwm tus los sawv cev txiav txim hauv online ntawm Forms (lus Askiv xwb)

• Saib hauv qab “Health Care and Power of Attorney”
• Nias rau “Power of Attorney”

Qhov no yog lus nug ib kauj ruam zuj zus uas cia koj luam tawm daim ntawv thaum ua tiav lawm. 

Koj lub hlwb yuav tsum meej pem thiab muaj peevxwm txiav txim siab rau koj tus kheej.  Hlwb meej pem txhais tau tias “tseem meej pem.”  Tej zaum tej co neeg kuaj tau tias tsis nco qab lossis lwm yam xiam oob qhab tej zaum lub hlwb tseem meej pem txawm yog tias kuaj tau li ntawd.  Yog muaj lus nug tias puas tseem meej pem, nrog koj tus kws kho mob lossis chaw kuaj mob tham ua ntej xee npe rau daim ntawv tso cai rau lwm tus los sawv cev txiav txim.

Yog tus neeg lub hlwb tsis meej pem, lossis ua tsis taus lawm, lig rau qhov ua daim ntawv muab cai rau lwm tus los sawv cev txiav txim lawm.  Yog zoo li ntawd, tej zaum yuav tau kom tsev hais plaub taws tus los txiav tim siab xyuas (guardianship) lossis tus los lis tej ntiag tug thiab nyiaj txiag (conservatorship).

Yog xav paub ntxiv txog ob co no, saib peb daim ntawv qhia, Saib xyuas thiab Txiav txim txhua yam rau.

“Durable” txhais tias muaj cai txiav txim dav.  Tiag mas, yog koj lub hlwb tsis meej pem, ces siv tsis tau daim ntawv muab cai rau lwm tus los sawv cev txiav txim.  Tabsis yog koj sau tias koj xav kom uas raws li daim ntawv muab cai txawm hais tias koj ua tsis taus lawm. Ces qhov no hu ua kev tso cai rau lwm tus los sawv cev txiav txim dav.  Yog koj hais rau hauv tias “Tsis pub kev cuam tshuam rau txoj kev muab cai rau lwm tus los sawv cev txiav txim txawm hais tias kuv ua tsis tau lawm” ces nws yog qhov muab cai rau lwm tus los sawv cev txiav txim dav.

Hauv daim ntawv txuas nrog daim no, xaiv “Siv tau daim ntawv muab cai rau lwm tus los sawv cev txiav txim yog tias kuv ua tsis taus lawm lossis tsis meej pem” muab daim ntawv ua “dav” lawm.

Yog koj lub hlwb tsis meej pem lawm, ces tus neeg muab cai los sawv cev txiav txim dav tsuas xaus tau yog tsev hais plaub taw ib neeg los saib xyuas xwb. 

Tsis tas.  Tabsis zoo tswv yim yog siv tus kws lij choj.  Cov tsev hais plaub saib xyuas tej yam cov neeg tsev hais plaub taw saib xyuas (guardianship) lossis tus los lis tej ntiag tug thiab nyiaj txiag (conservatorship) ua, tabsis lawv tsis saib yam tus kws lij choj-sawv-cev ua.  Tej zaum tus kws lij choj-sawv-cev yuav siv koj.  Ib tug kws lij choj yuav pab koj sau tej yam tsis pub tus kws lij choj-sawv-cev ua rau hauv koj daim ntawv muab cai rau lwm tus tus los sawv cev txiav txim lossis kom lawv yuav tsum qhia seb lawv ua/siv dabtsi rau cov nyiaj thiab ntiag tug.

Ob leeg tus neeg muab cai thiab rau tus kws lij choj-sawv-cev yuav tsum tau ib daim.  Yog koj muab cai rau muag av, koj yuav tsum xee daim ntawv tseem coj mus rau tim nroog lub hoobkas zwm npe. Yog tso rau nws lis txog nyiaj txiag, muab ib daim ntawv rau tom tsev ceev nyiaj yog koj xav kom koj tus kws lijchoj-sawv-cev rau koj muaj cai sawv cev rau koj.

Thaum tus kws lij choj-sawv-cev sawv cev rau koj, nws xee nws lub npe thiab sau:

            (nws lub npe) raws Yog tus kws lij choj-sawv-cev rau (koj lub npe)

Tau.  Tus neeg meej pem rov thim (muab rov qab) txoj kev muab cai rau lwm tus los sawv cev txiav txim thaum twg los tau.  Koj yuav tsum muab sau tias koj rov thim daim ntawv muab cai rau lwm tus los sawv cev txiav txim, thiab xee npe thiab hnub tim rau tus ntaus thwj pom.  Muab luam xa rau tus kws lij choj-sawv-cev thiab rau lwm cov neeg, hoobkas lossis tuam txhab ceev nyiaj uas tus kws lij choj-sawv-cev lis haujlwm rau koj.  Yog koj tsis luam daim ntawv thim rov qab xa mus rau cov lag luam, ces cov lag luam tsis paub, thiab koj tus kws lij choj-sawv-cev tseem yuav sim siv koj lub npe ua haujlwm nrog lawv. 

Koj yuav tsum mus muab kom tau daim ntawv muab cai rau lwm tus los sawv cev txiav txim tseem rov qab.

Muaj daim ntawv Rov Thim Daim Ntawv Muab Cai Rau Lwm Tus Los Sawv Cev Txiav Txim txuas nrog daim no.

Lossis koj mus ua tau Daim Ntawv Thim Muab Cai Rau Lwm Tus Los Sawv Cev Txiav Txim hauv online ntawm Forms. (lus Askiv xwb)

• Nias rau “Health Care and Other Powers”
• Nias rau “Power of Attorney Revocation”

Qhov no yog lus nug ib kauj ruam zuj zus uas cia koj luam daim ntawv tawm thaum ua tiav lawm.

SAU CIA: Qhov maub cai rau lwm tus los sawv cev txiav txim xaus thaum tus neeg tso cai tas sim neej.  Yog koj muab cai rau lwm tus los sawv cev txiav txim rau koj tus txiv/pojniam, nws cia li xaus thaum neb ib tug pib ua ntawv sib nrauj, sib cais, lossis tshem tawm tsis sib yuav.