Cov Rooj Plaub Ntawm Kev Dag Noj Tsoom Fwv Nyiaj

Yog lub koomhaum nroog xav tias koj dag lossis tsis muab cov ntaub ntawv lawv toobkas los muab tsoomfwv nyiaj thiab cov kev pab rau koj, tej zaum lawv yuav liam tias koj dag tsoomfwv nyiaj thiab kev pab.  Cov tsoomfwv kev pab pe xeem yog:   

• Minnesota Khooskas Pab Tsev Neeg -- MFIP (Minnesota Family Investment Program) 

• Pab nrhiav haujlwm -- DWP (Diversionary Work Program) 

• Pab nyiaj muas noj -- SNAP (Supplemental Nutrition Assistance Program) (food stamps) 

• Pab them zov menyuam -- Childcare assistance 

• Pab rau lwm yam -- GA (General Assistance) 

• Pab them nqi tsev -- Housing Support (lub npe qub hu uas Group Residential Housing) 

• Pab nyiaj rau neeg laus tau SSI -- MSA (Minnesota Supplemental Aid) 

• Pab rau xwm ceev -- Emergency Assistance (EA) 

• Pab rau lwm yam xwm ceev -- Emergency General Assistance (EGA)  

• thiab lwm yam –and others 

Dag kuj yog muag lossis sim muag cov kev pab SNAP lossis cov nyiaj muas noj EBT(Electronic Benefit Transfer).  Lossis sim yuav luam yeeb lossis cawv nrog daim EBT.   

Feem ntau zoo dua yog tsis txhob hais dabtsi li.  Txhua yam koj hais rau lub nroog tus neeg tsoomfwv tshawb xyuas dag nyiaj thiab kev pab lossis hauv rooj plaub ADH (saib hauv qab) siv rov foob koj tom qab tau.  Yog koj hais lossis xee dabtsi, siv tau rov qab foob koj.  Yog koj teb lus nug dabtsi, txhua yam koj hais siv rov qab foob koj tau.  

Tabsis, raws li txoj cai 5th Amendment rau U.S. Constitution, koj muaj txoj cai tsis teb cov lus nug! Txoj cai 5th Amendment txhais tau tias koj tsis tas nrog lub nroog tus neeg tshawb xyuas dag tsoomfwv nyiaj thiab kev pab tham.  Tsis tas koj hais lus povthawj rov foob koj tus kheej hauv ib rooj plaub txhaum txim lossis rooj plaub ADH.  Tej zaum yuav pab yog tias koj nrog ib tug kws lij choj tham txog qhov teebmeem no.   

Yog lub nroog liam tias koj dag tsoomfwv nyiaj thiab kev pab, lawv yuav ua ntawv foob koj, lossis hais rooj plaub muab tsis tsim nyog (ADH), lossis ob qho tibsi. Qhov ADH yog ib rooj plaub los txiav txim seb koj puas tau dag tsoomfwv nyiaj thiab kev pab, lossis sim muag koj cov kev pab, lossis siv lawv los yuav cawv lossis khoom yuam yeeb. Yog koj muaj feem xyuam tau kev pab, koj muaj txoj cai txais lawv mus txog thaum tus kws txiav txim plaub phua txim tom qab hais koj rooj plaub.

Nyob rau hauv ADH, lub nroog yuav tsum muaj povthawj qhia kom meej thiab txaus ntseeg tias muaj kev dag tsoomfwv nyiaj thiab kev pab lawm. Qhov no txhais tau tias lawv yuav tsum muab kom tau povthawj tias koj tau txhob txwm ua lossis hais dabtsi kom tau dabtsi los ntawm lub nroog uas koj yuav tsum tsis txhob tau. Nws yuav tsum tsis yog kev dag yog hais tias koj tsis totaub cov kev cai lossis yog koj ua yuam kev.

Feem ntau, koj yuav poob koj cov kev pab rau 1 xyoo thawj zaug koj ua txhaum, 2 xyoo yog ua txhaum zaum ob thiab tas mus li yog ua txhaum zaum peb.  Yog muab koj tsis tsim nyog tau  MFIP, ces koj kuj poob SNAP thiab.  Yog tus kws txiav txim pom tau tias koj tau cov kev pab SNAP nyob rau tshaj ib lub xeev rau tib lub sijhawm, tej zaum koj yuav poob SNAP tau 10 xyoo.  Muab koj kaw qhov taub tsis tau hauv ADH, tabsis siv tau cov lus koj hais lossis lub nroog nrhiav tau hauv ADH rov qab los foob koj yog tias lawv ua ntawv foob koj tau ua txhaum txim.  Koj kuj muaj cai ua ntawv kom rov hais dua hauv District Court.  Ua zoo saib seb thaum twg sijhawm tag rau ua ntawv rov hais dua.  Saib peb daim ntawv qhia Rov Mus Hais Dua hauv Tsev Hais Plaub Loj Txog Tsoom Fwv Kev Pab.  

Tsis txhob ua li ntawd! Tshwj yog tias koj yuav lees tias koj tau ua lawm thiab npaj txais yuav cov txim. Tej zaum lub nroog yuav kom koj xee ib daim ntawv tias tsis tas hais rooj plaub. Hu rau legal aid pab muab tswvyim tso ua ntej koj xee! Daim ntawv no muaj ob peb txoj kev xaiv, ces zoo dua mus nrog ib tug kws lij choj tham ua ntej koj yuav ua dabtsi. Yog tias koj xee, koj tso tseg koj txoj cai mus hais rooj plaub. Koj kuj poob koj cov kev pab txawm hais tias koj tsis tau lees tias tau ua li lub nroog hais tias koj tau ua. Yog koj xee daim ntawv, hu rau legal aid yog koj muaj lus nug ntawm 1-(877) 696-6529. Koj muaj feem hloov siab ua ntej qhov tsis tsim nyog tau pib lossis tsis pub dhau 30 hnub, seb qhov twg sai dua.

Tau.  Lub nroog foob tau koj hauv ADH thiab rau txim txhaum raug kaw tibsi.

Yog li ntawd koj yuav tsum hais kom lawv tshem tawm lossis ncua rooj plaub ADH. Thiab koj yuav tsum nrog ib tug kws lij choj fab txim txhaum raug kaw tham sai li sai tau! Tej zaum koj yuav muaj feem tau tus kws lij choj tsoomfwv dawb. Tiv tauj koj lub nroog County Court Administration Office los nug seb yuav ua ntawv thov ib tug kws lij choj tsoomfwv dawb li cas 

Muab tau daim ntawv thov ntawd nrog rau rooj plaub dag hauv ADH uake tau. Nrhiav kev lij choj pab sai li sai tau. Rooj plaub yuav cov nyom heev, vim qhov lub nroog yuav tsum muaj povthawj txawv rau qhov txiav koj cov kev pab thiab qhov muaj povthawj tias muaj kev dag. Lub nroog tsuas toobkas muaj povthawj hais tias feem ntau muaj tseeb li lawv tog xwb ces txiav lossis txo tau koj cov kev pab lawm. Tabsis lawv toobkas povthawj meej thiab txaus ntseeg los mus qhia tias koj tau dag lawm.  

Yog pom tau tias koj txhaum lub txim dag nyiaj tsoomfwv thiab kev pab, ces koj poob koj cov kev pab.  Yog txiav txim tias koj txhaum, ces tej zaum koj tau mus nyob qhov taub lossis nraug nplua lossis ob qho tibsi.  

Yog lub ADH pom tau tias koj tau dag lossis yog tias tau txiav txim tias koj txaum, koj yuav tsum them cov kev pab koj tau rov qab.  Koj kuj poob koj cov kev pab 1 xyoos thawj zaug ua txhaum, 2 xyoos txhaum zaum ob thiab tas mus li rau txhaum zaum peb.  Qhov no yeej muaj tseeb txawm yog tias koj nyob hauv lub khooskas diversion lossis tsev hais plaub muab lub txim ncua lossis koj raug saib xyuas (probation).  

Yog koj tsis yog neeg xam xaj U.S., mus nrog ib tug kws lij choj tham sai li sai tau.  Tej zaum raug txim rau dag tsoomfwv nyiaj thiab kev pab yuav cuam tshuam koj txojkev nyob tebchaws no.