Tau MFIP Tom Qab 5-Xyoo Ciaj Ciam: Txuas Ntxiv Vim Muaj Kev Txom Nyem

Feem ntau, txhua leej txhua tus muaj feem tau nyiaj ntsuab (MFIP) mus txog 5 xyoo (60 lub hli) hauv lub neej laus.  Yog koj qhov sij hawm tau MFIP tshuav luv tshaj 1 xyoo, koj yuav tsum tau pib npaj tam sim no.  Tej zaum koj yuav qhov “hardship extension” kev txuas ntxiv vim kev txom nyem.  Txhais tau tias koj qhov MFIP yuav tau MFIP ntev zog. 

Muab koj nplua tsis tau ntawm koj 60 lub hli tas los yog koj xav kom txuas ntxiv. Hu nrog koj tus kws nrhiav hauj lwm tham kom meej rau qhov kev raug nplua.  Xav tau kev pab hu rau Legal Aid. 

Txhob tos kom koj qhov MFIP xaus!  Tsawg kawg, 3 lub hli ua ntej koj qhov MFIP yuav tag, nrog koj tus neeg ua hauj lwm hauv MFIP los sis kws nrhiav hauj lwm tham txog qhov kev txuas txom nyem.  Yog lawv tsis kam, muab qhov xwm txheej coj los hais dua tam sim ntawd.  Hu rau legal aid kom tau kev pab.

Koj thov kev txuas tau yog hais tias ib yam khoom nyob haiv daim ntawv no muaj tseeb.  

Yog koj ua hauj lwm tab sis tsis ua nyiaj txaus rau koj tawm tau MFIP, thov kev txuas ntxiv.

Tsev neeg muaj ib leej niam los txiv xwb muaj feem tau kev txuas ntxiv yog:

• Ua hauj lwm yam tsawg kawg nkaus 30 teev ib lim tiam

• Ua hauj lwm yam tsawg kawg nkaus 25 teev ib lim tiam thiab ua ub no txog hauj lwm 5 teev tshaj

Khub niam txiv ua muaj ob leeg muaj feem tau kev txuas ntxiv yog:

• Ua hauj lwm yam tsawg kawg nkaus 55 teev ib lim tiam, los sis

• Ua hauj lwm yam tsawg kawg nkaus 45 teev ib lmi tiam thiab ua ub no txog hauj lwm 10 teev tshaj

“Ua ub no txog hauj lwm” (Work activity) yog tej yam xws li nrhiav hauj lwm, kawm hauj lwm los sis kawm ntawv, ua hauj lwm pub dawb, pab zej zog, los sis kawm ntawv ESL.  Tej yam ua yuav suav nrog yog nrhiav kev pab ntuas los sis kev kho pab koj txoj hauj lwm, los sis lwm yam teev tseg ntawm koj daim ntawv qhov hauv kev npaj nrhiav hauj lwm Employment Plan (EP).

Yog koj ua tsis tau hauj lwm raws li qhov teev tseg vim koj muaj mob los sis xiam oob qhab, koj tus kws kho mob muaj feem sau ntawv tuaj ntxiv sij hawm tau rau koj.  Yog yuav siv txoj kev txuas txom nyem no, koj yuav tsum tsis txhob raug nplua 10 lub hli ua ntej xyoo kawg ntawm 12 hli nyob MFIP yav tas.

Yog koj muaj teeb meem ua hauj lwm, thiab tsis paub yog vim li cas, nug koj tus kws nrhiav hauj lwm kom pab koj.  Yuav pab xa koj mus soj ntsuam xyuas seb vim li cas koj tsis tau los sis tuav tsis tau ib txoj hauj lwm.  Yog koj xav tias koj muaj ib qhov kev kawm tsis tau ntawv los sis IQ qis, nug seb lawv muab koj xeem.  Yog koj xav tias koj muaj mob hlwb los sis kev ntxhov siab ua tsis tau hauj lwm, nug kom xa koj mus ntsib ib tug kws kuaj hlwb los sis kws nyuaj siab.

Thov kev txuas ntxiv thiab mus xeem.  Koj yuav txais tau MFIP ntev zog yog koj mus xeem thiab ntsib ib tus kws kawm txawj nrhiav hauj lwm (work expert) los sis lub khoos kas hauv nroog pom tias koj ua tsis tau hauj lwm raws li ib qhov nram no:

• Koj muaj ib qho kawm ntawv tsis tau. Tus kws kawm txawj nrhiav hauj lwm hais tias koj qhov kev kawm tsis tau ntawv txwv koj ua tsis tau tej yam hauj lwm.  Los sis txwv tsis pub koj ua hauj lwm ntau tshaj 20 teev ib lub lim tiam.

            LOS SIS

• Koj qhov IQ qis txog 80.  Tus kws kawm txawj nrhiav hauj lwm hais tias koj qhov IQ qis txwv yam hauj lwm koj ua tau los sis txwv tsis pub koj ua hauj lwm ntau dhau 20 teev los tshaj ib lub lim tiam.

Nug koj tus kws kho mob, kws kuaj hlwb, kws nyuaj siab, kom sau ib daim ntawv pov thawj.  Yog koj xiam oob qhab, koj muaj feem mus thov Social Security.

Daim ntawv teev yuav tsum hais tias koj muaj mob, raug mob, los sis xiam oob qhav uas:

• yuav kam ntev tshaj 30 hnub thiab

• txwv tsis pub koj ua hauj lwm los sis tsis pub koj ua hauj lwm tshaj 20 teev ib lim tiam

Yog muaj ib tug hauv koj tsev neeg muaj mob, puas hlwb los sis xiam oob qhab, coj lawv mus cuag kws kho mob, kws kuaj hlwb, los sis kws nyuaj siab.  Yog koj ua tsis tau hauj lwm vim koj tau tu nws, nug lawv tus kws kho mob kom tau ib daim ntawv teev hais li.  Koj nug kom tus kws kho mob tso cai neeg tu hauv tsev los sis muab ib teev rau ib tug neeg tuaj tu tom tsev (PCA).

Muab ib daim ntawv ntawm lawv tus kws kho mob teev tias:

• Yuav tsum tau koj nyob hauv tsev tu lawv, thiab

• Lawv qhov mob los sis xiam oob qhab yuav kav ntev tshaj 30 hnub.

Muab ib daim ntawv ntawm tus kws kho mob los sis qhov chaw tuaj pab tu hauv tsev teev tias koj tus neeg:

• Txais kev pab tu hauv tsev,

• Txais kev pab cuam hauv tsev thiab ntawm zej zog,

• Muaj kev ntxhov siab loj, los sis

• Muaj mob loj thiab puas hlwb.

Koj yuav tsum tau daim ntawv zam raug ua phem/ntaus hauv tsev neeg (Family Violence Waiver) rau hauv koj Hau Kev Npaj Nrhiav Hauj lwm (EP).  Koj, ib tug sawv cev rau ntawm kev raug ua phem/ntaus hauv tsev neeg, thiab koj tus kws nrhiav hauj lwm mam ua qhov no ua ke.  Saib peb daim ntawv MFIP thiab FSS rau Cov Tib Neeg Raug Tsim Txom hauv Tsev Neeg.