Kev Zov Me Nyuam Tom Qab Tawm MFIP (MFIP Xyoo Hloov Zov Menyuam)

Transition Year Child Care “Xyoo Hloov Qhov Zov Menyuam” yog Kev Pab Zov Menyuam koj muaj feem tau tom qab koj tsis tau MFIP lawm. Txawm hais tias qhov no hu ua Transition Year Child Care “Xyoo Hloov Qhov Zov Menyuam” los koj yeej siv tau qhov kev pab cuam no txog tau ib qhov chaw qhib rau hauv lub khoomkas them nyiaj tsawg. Koj muaj feem tau Transition Year Child Care “Xyoo Hloov Qhov Zov Menyuam” yog:

• Koj txais MFIP los sis DWP yam tsawg kawg 1 lub hli ntawm 6 lub hli yav tas thiab

• Koj ua hauj lawm 20 teev ib lub lim tiam los sis tshaj thiab khwv tau qhov nyiaj yam tsawg kawg nkaus li teem.  Los sis koj tab tom nrhiav hauj lwm.  Hauv ib tsev neeg muaj ib khub txij nkawm, ob leeg yuav tsum ua hauj lwm tsawg kawg los 20 teev ib lim tiam ntawm ib tug.

• Yog koj muaj kev pab zov menyuam tam sim no, hu rau koj tus saib xyuas ua hauj lwm zov menyuam thiab hais rau tias koj xav tau Kev Pab Zov Menyuam thaum koj tsis muaj MFIP lawm.

• Yog koj tsis muaj Kev Pab Zov Menyuam (Child Care Assistance) tam sim no, nug koj tuav ntaub ntawv muab nyial pab los sis tus kws pab nrhiav hauj lwm seb ua ntaub ntawv thov li cas.

• Tsis tas yuav tsum “ua tej yam” kom tawm MFIP thiaj li tau Kev Pab Zov Menyuam rau Xyoo Hloov.  Koj muaj feem txias tau Kev Pab Zov Menyuam rau Xyoo Hloov thaum koj tawm MFIP txawm li cas los kav liam tsuas yog tsis raug txiav vim kev dag kom tau nyiaj.

Tau.  Qhov Kev Pab Zov Menyuam rau Xyoo Hloov them zov menyuam thaum koj mus kawm ntawv los sis ib qho kev kawm hauj lwm. Xws li, suav cov hoob GED, hoob ESL, thiab kawm ntawv qib siab.  Muaj kev tau Pab Zov Menyuam rau cov sij hawm koj kawm ntawv, xyaum ua hauj lawm los sis kawm ntawv koj tus kheej, thiab mus thiab los tom tsev kawm ntawv. Rau kawm ntawv teem ob (high school), koj muaj feem txias tau kev pab zov menyuam rau cov sij hawm koj saib ntawv.

Tau.  Qhov Kev Pab Zov Menyuam rau Xyoo Hloov mas li them neeg zov menyuam thaum koj nrhiav hauj lwm – Yog koj qhia rau koj tus neeg tuav ntaub ntawv tias koj nrhiav hauj lwm.  Nws muaj sij hawm txwv Kev Thov Pab Zov Menyuam thaum koj nrhiav hauj lwm.

Qhov Kev Pab Zov Menyuam rau Xyoo Hloov them raws cov nyiaj koj tsev neeg khwv tau los.  Qhov kev siv los laij them zoo ib yam li MFIP Child Care Zov Menyuam.  Ib yam li MFIP, yog koj siv ib tug neeg zov menyuam ua tus nqi tshaj qhov lub xeeb pab tau, koj yuav raug them qhov nqi tshaj ntawd.  Nws yeej tsis muaj nqi nce thaum koj pauv ntawm MFIP Zov Menyuam mus rau Kev Pab Zov Menyuam rau Xyoo Hloov.

Cov tsev neeg ua tau Kev Pab Zov Menyuam rau Xyoo Hloov muaj feem txais tau qhov kev txuas ntxiv Kev Pab Zov Menyuam rau Xyoo Hloov yog muaj daim ntawv tos rau “Basic Sliding Fee Child Care” Kev Zov Manyuam Raws li Tau Nyiaj thaum xyoo kawg.

Yog koj tsis tau txais Kev Pab Zov Menyuam rau Xyoo Hloov, tej zaum koj yuav raug nyob tos kom lawv muab koj rau qhov Basic Sliding Fee Program.

Qhov Kev Zov Menyuam Raws li Tau Nyiaj pab cov tsev neeg ua tau nyiaj tsawg thiab tsis tau MFIP.  Qhov nyiaj lawv them yog seb tsev neeg tau nyiaj li cas- zoo ib yam li qhov Kev Pab Zov Menyuam rau Xyoo Hloov thiab MFIP Zov Menyuam.

Cov tsev neeg yuav tsum tau “rov thov” kev pab zov me nyuam (Child Care Assistance) txhua 12 lub hli. Tab sis muaj qee yam yuav tsum qhia thaum tshim sim kiag.  Koj tos tsis tau thaum  txog caij rov thov dua, koj mam li qhia.

Muaj 10 hnub qhia txog cov kev hloov ntawm koj:

• Chaw nyob
• Cov neeg nyob rau hauv tsev neeg-yog muaj ib tug tawm tsev, los sis yog muaj ib tug los tshiab
• menyuam nrog leej twg nyob los sis teem sij hawm mus xyuas menyuam
• Xam xaj los sis xwm txheej nyob teb chaws no
• Xwm Txheej ntawm tsev neeg- sib yuav los sis sib nrauj los sis muaj me nyuam tshiab
• Hloov ntawm menyuam tsev kawm ntawv los sis sij hawm kawm ntawv
• Neeg zov menyuam

Thaum koj pauv neeg zov menyuam, koj yuav tsum tau qhia tsis pub dhau 15 hnub ua ntej qhov pauv.

Muaj ib co cai los tswj kev qhia txog nyiaj los sis hauj lwm los sis sij hawm pem hauj lwm los sis kawm ntawv pauv.

Koj cov nyiaj tau (Income): Cov tsev neeg yuav tsum qhia yog lawv tau nyiaj ntxiv los uas muab lawv tau tshaj 85% ntawm State Median Income (SMI) Lub Xeev Cov Nyiaj Tau Los Nruab Nrab.  Cov nyiaj npaum li cas nyob seb hauv tsev neeg muaj pes tsawg leej.  Koj mus nrhiav tau daim ntawv ntsuas tam sim no (lus Askiv xwb) ntawm www.dhs.state.mn.us

• Nias lub npov “How do I”
• Hauv qab “Find” nias “edocs and forms”
• Ntau 6413 rau hauv npov tshawb
• Nias rau ntawm qhov ntawv

Koj tsis tas yuav qhia txog lwm yam pauv ntawm koj cov nyiaj tau los.  Tab sis, koj tej zaum yuav xav qhia yog koj cov nyiaj tau los poob qis yuav pab txo koj qhov feem them Pab Zov Menyuam.

Hauj lwm thiab sij hawm kawm ntawv:  Koj yuav tsum tau qhia yog muaj neeg tsis ua hauj lwm los sis tsis kawm ntawv ntxiv lawm.  Lwm yam sij hawm pauv rau hauj lwm los sis kawm ntawv tsuas toob kas qhia vim:

1. tsev neeg ua muaj kev pab zov menyuam uas muaj ntau tshaj ib tug menyuam neeg zov rau ib tug menyuam

2. cov tsev neeg ua tau Kev Pab Zov Menyuam los ntawm ib neeg ua tsis muaj ntawv tso cai zov menyuam, xws li ib tug neeg txheeb ze los sis phooj ywg, thiab

3. cov tsev neeg ua muaj ib tug niam txiv ua hauj lwm rau DHS-muaj daim ntawv tso cai  rau qhov chaw zov menyuam los sis ib tug tsis-zoo Medicaid-tso npe kws kho mob. 

Rau lwm tsev neeg, nce sij hawm ua haujlwm los sis kawm ntawv ntawm tsev neeg kuj qhia tau, thiab tej zaum yuav pab ntxiv sij hawm rau qhov kev pab zov menyuam.

Muaj feem tau:

• Medical Assistance (MA), raws cov nyiaj tau los.

• Nyiaj muas noj, raws cov nyiaj tau los.

• Yog koj muaj teeb meem tom qab koj tawm MFIP, tej zaum koj muaj feem tau Kev Pab Xwm Ceev Emergency Assistance (EA).

Minnesota muaj ib qhov “Child Care Resource” Chaw Qhia Zov Menyuam thiab “Referral Network” Chaw Xa Mus rau txhua cheeb tsam hauv lub xeev.  Koj mus muab tau cov ntaub ntawv thov zov menyuam, daim ntawv muaj cov chaw zov menyuam, thiab lwm cov kev pab yog hu rau tus xov tooj qhia lus ntawm 1-888-291-9811.