Zam Tus Nqi them ua Ntaub Ntawv Immigration

Thaum koj xa ib daim ntawv thov mus rau lub chaw immigration, feem ntau muaj ib qho nqi koj yuav tsum tau them ua daim ntawv. Qee rooj, koj yeej nug tau kom zam tus nqi “fee waiver.” Yog hais tias lub chaw immigration pom zoo rau daim ntawv thov kom zam qhov nqi, koj tsis tas them tus nqi ua cov ntaub ntawv. Tabsis yog hais tias zam tus nqi uas ntaub ntawv, tejzaum koj tseem yuav tau them lwm tus nqi ntxiv.

Yuav kom tau kev zam rau qhov nqi nov koj yuav tau nug los mus sau daim ntawv thov kom zam hu ua Form I-912, “Request for a Fee Waiver”. Tabsis koj kuj yuav tsum qhia kom lub chaw immigration pom tias koj yeej them tsis taus qhov nqi. Koj yuav tsum muaj tsawg kawg yog 1 los ntawm 3 yam khoom povthawj no.

1. Koj tau kev pab los ntawm tsoom fwv xws li pab nyiaj them nqi tsev, tau nyiaj muas noj, MFIP, SSI, los yog MA.
        los yog
2. Qhov nyiaj koj khwv tau mas tsawg dhau lawm
        los yog
3. Koj muaj teeb meem txog nyiaj txiag li them tej qho nuj nqis loj, los yog poob koj txoj hauj lwm los yog koj lub tsev

Nco Ntsoov: Koj yeej qhia tau tias koj muaj ntau tshaj qhov laj thawj no yog tias koj muaj pov thawj rau tag nrho cov laj thawj ntawd. Tiamsis nws yuav yoojyim dua kom zam tus nqi yog koj xaiv ib qho xwb.

Qhov no yog ib co kev es koj yuav qhia tau tias koj yuav tsum tau kev zam ntawm qhov nqi:

• Yog hais tias koj sau rau daim ntawv tias koj tau nyiaj pab los ntawm tsoom fwv, xa ib daim ntawv los ntawm lub Nroog lossis Social Security Administration hais tias koj tau txais kev pab. Cov kev pab yuav tsum yog rau koj lossis tus thawj coj hauv tsev neeg. Tsis yog rau lwm tus neeg hauv koj tsev neeg lossis cov menyuam. Daim ntawv koj xa mus yuav tau qhia hais tias koj tau kev pab tamsis no, ces ua zoo xyuas kom nws qhia tej yam xws li hom kev pab, hnub tau kev pab, hnub xaus, thiab/lossis hnub rov qab thov dua. Tsis txhob luam a daim muaj cov naj npawb nyob ntawm daim ntawv vim USCIS yuav tsis to taub.
   
• Yog hais tias koj sau rau daim ntawv tias koj khwv tau nyiaj tsawg, xa ib daim se luam uas nyuam qhuav ua tag. Yog koj tsis tau ua se lossis yog koj cov nyiaj khws tau los hloov txij thaum koj ua se yav tas lawm, xa koj cov twv tshev luam lub hli tag los mus rau lawv.
   
• Yog hais tias koj sau rau daim ntawv tias muaj teeb meem txoj nyiaj txiag, xa cov pov thawj mus. Piv txwv, luam cov nuj nqis loj, luam ib daim ntawv qhia koj raug tshem tawm hauj lwm lawm, los yog muaj pov thawj tias koj poob koj lub tsev. Ntxiv mus tag nrho koj cov nqi them txhua hli mus thiab.

Tsis tau, koj yuav siv tsis tau qhov zam nqi them rau txhua daim ntawv thov rau immigration.

Koj siv tau rau cov ntawv thov xws li:

• Daim Ntawv I-90 thov (Replace Permanent Resident Card) Hloov Daim Npav Ntsuab
   
• Daim Ntawv I-765 thov (Employment Authorization) kom tso cai ua hauj lwm (tsis yog rau daim DACA)
   
• Daim Ntawv thov I-751 (Remove Conditions on Residence) Tshem Tawm Cov Kev nyob Teb Chaws no.
   
• Daim Ntawv thov N-400 Naturalization (xeem xam xaj) Daim Form N-400 cia qee tus neeg them tus nqi ua ntaub ntawv qis dua yog lawv tsis tsim nyog tau txais kev zam tus nqi.
   
• Daim Ntawv thov N-600 (Certificate of Citizenship) (Daim Ntawv Pov Thawj ua Xam Xaj)
   
• Daim Ntawv thov N-336 (Request for Hearing on a Decision in Naturalization Procedures Under Section 336 of the Act) Thov Rov Hais Dua vim Qhov Kev Txiav Txim ua Xam Xaj Nyob Hauv Kem 336 ntawm Txoj Cai (ntawm no mus rov hais dua vim tsis kam ua xam xaj).
   
• Daim Ntawv thov I-485 kom tau Daim Npav Ntsuab los yog Hloov Qhov Xwm Txheej (Register Permanent Residence or Adjust Status). Daim ntawv no yog thov kom tau daim npav ntsuab. Koj kuj thov tau kev zam ntawm tej qee rooj, tsis yog rau txhua rooj. Pivtxwv: koj muaj feem tau qho kev zam nqi yog koj yog ib tug neeg khiav rog. Nco cia: Yog koj yog lossis yav tas yog ib tug neeg raug ua phem rau, thov raws li daim U Visa, T Visa, lossis Special immigrant Status, nws tsis muaj ib tug nqi lawm.
   
• Daim Ntawv thov I-290B Kom Muaj Kev Tawm Tsam los yog Thov Hais Dua. Tej thaum koj kuj nug tau kev zam qhov nuj nqi rau daim ntawv thov no. 

Xav kom paub ntau dua thiab kom pom tag nrho cov npe teev tseg ntawm cov ntaub ntawv thov koj kuj thov tau kev zam tus nqi rau, mus saib hauv: https://www.uscis.gov/sites/default/files/document/forms/i-912instr.pdf.

Thaum lub Xya Hli 2025, muaj ib txoj cai tshiab hloov cov nqi rau ntau cov ntawv thov. Rau ib co ntawv thov, txoj cai yuam ib qho ib tug nqi tshiab ntxiv nrog rau tus nqi ua ntaub ntawv. Txawm hais tias koj tsim nyog tau txais kev zam tus nqi ua ntaub ntawv, los koj yeej tseem yuav tau them tus nqi ntxiv no.

Tamsim no nws muaj tus nqi $100 rau ua cov ntaub ntawv thov “asylum” kev tiv thaiv. Tus nqi no zam tsis tau li. Tsis tas li ntawd xwb, cov neeg thov kev tiv thaiv yuav tsum tau them $100 txhua xyoo nws daim ntawv thov tos.

Xav paub ntxiv txog tus nqi ua ntaub ntawv thiab tus nqi them ntxiv rau cov ntaub ntawv immigration online mus ntawm https://uscis.gov/g-1055.

Mus thov kom tau kev zam ntawm tus nqi them, ua kom tiav daim ntawv Form I-912.

Koj kuj tau daim ntawv no los ntawm USCIS yog hu rau tus xov tooj kom tau daim ntawv ntawm at 1-800-870-3676.

• Mus sau daim ntawv Form I-912 hauv online thiab muab luam tawm, LOS YOG
   
• Sau kom tiav daim ntawv Form I-912 KOM TIB ZOO siv tes sau thiab siv tus mem xim dub

Xa daim ntawv Form I-912 hauv pais xab nis. Xa cov ntawv pov thawj es vim li cas koj thiaj li yuav tsum tau zam qhov nqi ntaub ntawv no nrog koj daim ntawv es koj ua tiav mus thov (I-90, N-400 lwm yam). Tsis txhob xa nyias mus nyias! Xa daim ntawv thov, daim ntawv thov kom zam tus nqi thiab cov ntaub ntawv ua pov thawj rau ntawm lub chaw nyob es muaj nyob ntawm qhov kev cob qhia hu ua “Where to File” ntawm daim ntawv thov immigration los yog daim ntawv ua mus thov.

Yog hais tias lub chaw immigration pom zoo rau qhov zam tus nqi nov, lawv yuav xa ib daim ntawv ceeb toom (tau txais) muaj tus nqi sau rau yog $0. Daim ntawv ceeb toom no kuj sau tias, tus nqi zam lawm “fee waiver approval.”

Yog hais tias lub chaw immigration tsis kam zam qhov nqi nov pub rau koj, lawv yuav xa ib daim ntawv ceeb toom rau koj es nug kom koj muaj ntawv pov thawj ntxiv qhia tias vim li cas koj thiaj li tsis taus qhov nqi. Lawv yuav rov qab xa tag nrho koj cov ntaub ntawv thov thiab tag nrho cov ntaub ntawv es koj xa rau lawv rov qab tuaj rau koj. Koj muaj 2 txoj hauv kev xaiv:

1. Koj kuj rov qab xa tau daim ntawv thov kom zam tus nqi nrog rau cov ntaub ntawv pov thawj es lawv nug kom koj xa mus, nrog rau daim ntawv thov thiab lwm cov ntaub ntawv, los yog
2. Koj cia li xa daim ntawv thov thiab xa qhov nqi them rov mus rau lawv.

Yog hais tias muaj tej yam ntawm daim ntawv es tsis muaj feem xyuam dabtsi txog koj ces sau "N/A" (Not Appliacable) Tsis Raug Kuv rau qhov chaw ntawd tshwj tsis yog tias qhov kev cob qhia kom koj sau lwm yam. Yog tias koj lo lus teb tsis muaj, ces sau "None" tsis muaj.

Yog hais tias koj xav tau chaw ntxiv los sau koj cov lus teb, siv kem ntawv tom qab hu ua “additional information” ntawm daim ntawv thov no los yog muab sau rau ib daim ntawv tshiab es tsis nyob rau daim ntawv thov no. Saum toj ntawm daim ntawv no, sau koj lub npe thiab koj tus lej cim (Alien Registration Number) Npav Ntsuab (A-Number), yog hais tias koj muaj ib tug. Thiab yuav tsum tau sau tias koj teb lus kem naj npawb twg thiab nqi twg.

Khij qhov kev xaiv muaj qhia rau koj tias vim li cas thov thiaj li nug koj tau kev zam tus nqi them. Koj tsuas xaiv ib qho xwb, yog hais lwm qhov nqi lus ho raug rau koj thiab no los koj kuj xaiv tau ntau tshaj ib qho. Yog hais tias koj xaiv tshaj ib qho, koj yuav tau nrhiav pov thawj rau txhua qho twg es koj xaiv. 

Xaiv qhov 1 yog tias koj taus nyiaj pab los ntawm tsoom fwv (hu ua “means-tested benefit” xws li MFIP, SSI, MA etc.) Yog koj tus txij nkawm, khub, lossis niam/ txiv tau kev pab, koj xaiv qhov no tau. Koj yuav tsis tsim nyog rau kev pab yog hais tias tsuas yog koj cov menyuam tau txais kev pab los ntawm tsoom fwv xwb. Koj yuav tau xav cov ntaub ntawv mus ua pov thawj tias koj (los yog koj tus txij nkawm/khub) yeej tau kev pab los ntawm tsoom fwv. Ib daim ntawv nyuam qhuav xa tuaj rau koj los ntawm lub nroog los yog the Social Security Administration es qhia kom pom tias koj (los yog lawv) tau nyiaj npaum li cas txhua lub hlis ces zoo lawm.

Xaiv qhov 2 yog hais tias koj tsis tau kev pab los ntawm tsoom fwv tabsis cov nyiaj khwv tau los ntawm tsev neeg tau tib yam li los yog qis tshaj 150% ntawm qhov nyiaj khwv tau rau cov neeg es txom nyem tshaj plaws es tau teev tseg los ntawm tsoom fwv. Koj yuav tsum tau xa koj cov ntaub ntawv ua se zaum kawg mus ua povthawj. Yog hais tias koj tsis tau ua se lossis koj qhov nyiaj khwv tau los hloov lawm, koj muaj feem xa tau koj cov tw chev pem haujlwm lossis lwm yam povthawj. Federal Poverty Guidelines mus saib hauv: https://www.uscis.gov/forms/filing-fees/poverty-guidelines. Nias qhov chaw es hais tias I-912P. Nias tus xib xub hauv qab rau koj lub xeev. Nco cim: txhua lub xeev tsuas tshwj li Alaska thiab Hawaii thiaj li yog lub thib ib.

Xaiv qhov 3 yog tias ob qho saum no yeej tsis raug koj li tabsis koj muaj kev txom nyem muaj teeb meem txog nyiaj txiag vim yog muaj lwm yam nuj nqis xws li nqi kho mob, tsis muaj hauj lwm ua, raug ntiab tawm tsev los yog tsis muaj tsev nyob. Koj yuav tau xa ntaub ntawv mus ua pov thawj tias yeej muaj tseeb. Piv txwv: luam cov nqi kho mob, daim ntawv tom hauj lwm es qhia tias tsis muaj hauj lwm ua es koj rau rho tawm lawm, los yog pov thawj tias koj yeej poob koj lub tsev lawm.

Sau cov ntaub ntawv qhia txog koj, yog tias koj yog tus neeg es xav tau kev zam ntawm qhov nqi them no. Yog hais tias koj muaj cov neeg es koj yug es yog ib feem ntawm daim ntawv thov, sau lawv cov ntaub ntawv qhia rau ntu 3.

Yog hais tias koj muaj 2 lub xeem, saub tag nrho ob lub xeem rau lub npov hu ua “Family Name.” 

Rau kab lus nug 8 txog seb puas muaj txij nkawm, kev sib yuav es tsuas yog los ntawm kev ntseeg los yog kev sib yuav raws kab li kev cai es tsis lees paub los ntawm tsoom fwv ntawm koj lub teb chaws ces tsis xam tias sib yuav. 

Yog hais tias koj tsuas nug koj zam qhov nqi them rau ib daim ntawv thov rau koj tus kheej xwb, ces tsuas sau rau kab es nyob ntawm lub npov es qhia txog koj tus kheej. Yog hais tias koj ua ntaub ntawv thov nyob rau koj cov menyuam los yog koj tus txij nkawm ua ib ke thiab xav kom zam qhov nqi them rau lawv daim ntawv thov thiab, ces sau rau kab es nyob ntawm lub npov ntawm ib tug neeg twg es muaj daim ntawv thov. Yog hais ib tug neeg ntawm koj tsev neeg tsis ua ntawv thov ua ke nrog koj, koj tsis tas sau lawv cov npe rau nov. 

Piv txwv, yog koj thaib koj tus menyuam neb ob leeg ua ntawv thov kom tau nyob teb chaws no kom tas mus li ua ib ke ces yuav tsum sau ntawm txoj kab ntawm lub npov es qhia txoj koj tus kheej thiab kab ntawm lub npov es qhia txog koj tus menyuam. Qhov es tag nrho muaj pes tsawg daim ntawv thov nyob hauv qab ntawm lub npov yuav tsum muaj ntau ib yam li daim ntawv thov koj xa mus rau lub chaw immigration yog tias koj xav kom lawv zam tag nrho cov nqi them rau cov ntawv thov. 

Yog hais tias koj khij “1” ntawm Ntu 1, es nug koj tau kev zam qhov nqi them vim yog koj tau nyiaj pab los ntawm tsoom fwv (hu ua “means-tested benefit” ib yam li MFIP, SSI, MA lwm yam) ces koj yuav tsum tau sau kem no. Yog hais tias koj tsis khij “1” ntawm Ntu 1, HLA kem no txhob ua. 

Ua kom tiav ib kab rau daim ntawv rau ib tug neeg twg uas tau nyiaj pab los ntawm tsoom fwv. Thaum sau tiav lawm, nws yuav zoo li no:

Ami Ahmed | Self | Hennepin County | MA | 03/17/2013 | 11/15/2017

Saib cov ntawv es kom muaj tuaj ntawm lub khoos kas es muab nyiaj pab koj kom koj paub txog cov ntaub ntawv qhia nov. Tej zaum koj yuav tau nug tus neeg ua hauj lwm tswj koj cov ntaub ntawv kom tau cov ntaub ntawv los yog tau daim ntawv es qhia cov kev pab rau koj. 

Koj yuav tsum tau xa cov ntaub ntawv uas pov thawj tias hom nyiaj pab twg yog hom koj tau thiab koj tau pes tsawg. Ib daim ntawv nyuam qhuav xa tuaj rau koj los ntawm lub nroog los yog lub Social Security Administration es qhia koj nyiaj npaum li cas pab ces zoo lawm.

Yog hais tias koj tsuas nug kev zam tus nqi them vim yog koj tau nyiaj pab los ntawm tsoom fwv, ces koj hla mus rau ntu 7.

Yog hais tias koj khij “B” ntawm Ntu 1, nug koj tau kev zam qhov nqi vim yog koj khwv tau nyiaj tsawg ces koj yuav sau kem no. Yog hais tias koj tsis khij “B” ntawm Ntu 1, HLA kem no txhob ua.

Cov kab lus nug no nug txog tias koj khwv tau nyiaj li cas thiab leej twg nyob nrog koj.

Ntawm kab lus nug 2, “nyiaj poob hauj lwm” txhais tau tias ib daim nyiaj tshev es tuaj ntawm lub Xeev tuaj koj tau. Rau qhov thov nyiaj poob hauj lwm, koj yuav tsum tau mus ntawm cov chaw nrhiav hauj lwm thiab ntsib nrog ib tug neeg ua hauj lwm pab nrhiav hauj lwm. Yog hais tias koj tsis muaj ib txoj hauj lwm ua tabsis koj ho tsis tau txais qhov nyiaj poob hauj lwm los yog ntsib ib tug neeg pab koj nrhiav hauj lwm ces khij “no”.

Rau nqe lus nug 3, qhia koj tus kheej, koj tus txij nkawm (yog lawv nrog koj nyob), cov menyuam uas nrog koj nyob (yog tsis tau muaj 21 xyoo thiab tsis tau yuav txij nkawm lossis cov menyuam kawm ntawv “fulltime” tsis tau muaj 24 xyoo thiab tsis tau yuav txij nkawm), koj niam thiab txiv yog lawv nyob nrog koj, thiab lwm cov neeg koj yug noj haus uas sau rau hauv koj cov se. Yog hais tias koj tsis yog tus thawj hauv tsev neeg, qhia tus thawj hauv tsev neeg (tus tib neeg uas sau koj uas tus neeg nws yug noj haus hauv nws cov ntaub ntawv ua se lossis tus ua tau nyiaj ntau tshaj). Saib cov lus qhia hauv daim ntawv lossis nrog ib tug kws lijchoj tham yog koj tsis paub yuav suav leejtwg rau hauv daim ntawv teb no.

Nqe lus nug 7 nug txog cov nyiaj tau los ntawm txhua tus tswv cuab hauv tsev uas suav hais tias yog koj tsev neeg nyob uake.

Koj yuav tsum tau xa koj daim ntawv ua se zaum kawg thiab tejzaum cov tw chev ua haujlwm uas qhia koj cov nyiaj khwv tau los. Yog hais tias muaj tej yam hloov txij thaum koj ua se tag los, qhia rau lawv. Tej yam hloov kuj yog: koj poob hauj lwm, koj tau txoj hauj lwm tshiab es khwv tau nyiaj tsawg dua, koj muaj ib tug menyuam ntxiv, koj sib nrauj lawm, koj sib yuav lawm, koj tau txoj hauj lwm khwv tau nyiaj ntau dua. Sau txog qhov muaj dabtsi tshwm sim ntawm qhov chaw hauv qab ntawm kab lus nug 9. 

Saib seb koj puas tsim nyob tau kev zam ntawm tus nqi thaum kom muab tag nrho cov nyiaj los sib ntxiv ua ke. Mus tshawb fawb ntawm tsoom fwv qhov kev teeb txog cov neeg khwv nyiaj tau tsawg Federal Poverty Guidelines, mus saib hauv: https://www.uscis.gov/forms/filing-fees/poverty-guidelines. Nias qhov es hais tias I-912P. Saib ntawm qhov nyiaj es rau cov pes tsawg leej neeg ntawm ib tsev neeg twg thiab muab piv rau koj qhov nyiaj. Yog tias koj qhov nyiaj siab dua, ces tej zaum koj yuav tsis tau kev zam ntawm tus nqi. Koj kuj yuav tsum tau ntxiv cov ntaub ntawv qhia txog kev txom nyem txog nyiaj txiag, thiab khij “3” ntawm Ntu 1.

Yog hais tias koj tsuas nug kev zam tus nqi them vim yog koj khwv tau nyiaj tsawg, ces koj hla mus rau ntu 7.

Yog hais tias koj khij “3” ntawm Ntu 1, nug koj kev zam qhov nqi vim yog koj khwv tau nyiaj tsawg ces koj yuav tau sau kem no. Yog hais tias koj tsis khij “3” ntawm Ntu 1, HLA kem no txhob ua.

Sau qhia txog tias muaj dabtsi tshwm sim thiaj li nyuaj rau koj muaj nyiaj them xws li them tus nqi ntawm daim ntawv thov. Sau txog tias kev txom nyem nyuab siab no ua rau koj poob nyiaj thiab tej nuj nqi ntawm yog raug pes tsawg. Ib qho piv txwv yog hais tias koj tsev neeg muaj nqi kho mob them thiab tej nuj nqi loj yuav tau them. Los yog koj tus nais tom chaw ua cvo teev hauj lwm txo los yog koj poob hauj lwm lawm, piav tias muaj dabtsi tshwm sim thiab poob nyiaj ntau npaum li cas lawm. Yog hais tias koj xav tau chaw sau ntxiv, siv chov chaw ntawm nploog 11. Ntawm kab lus nug 3, sau tag nrho koj cov nuj nqis txhua rau hauv lub npov. Khij lub npov ntawm ib sab qhov nqi koj them ib txhua hli uas sau tag nrho tus nqi ua ke. Koj yuav tau xa ib co ntaub ntawv mus ua pov thawj. Xa cov ntawv xws li daim ntawv cog xauj tsev es muaj tus nqi tsev, lwm cov nuj nqi es qhia tias koj them pes tsawg, luam cov nuj nqi loj, ib daim ntawv los tom koj lub chaw ua hauj lwm es qhia tias koj raug tshem hauj lwm vim tsis muaj hauj lwm ua lawm, los yog pov thawj tias koj yuav poob koj lub tsev. 

Qhov xaiv no feem ntau yog rau cov neeg es khwv tau nyian ntau tshaj li 150% ntawm cov theem khwv tau nyiaj tsawg es tsoom fwv teev tseg tabsis tab tom ntsib kev txom nyem txog nyiaj txiag. Yog hais koj xaiv qhov no, nws tseem ceeb heev koj yuav tsum muaj pov thawj qhia tias koj yeej them tsis taus koj cov nuj nqis txhua lub hlis vim yog qhov kev txom nyem no.

Yog hais tias ib tug neeg txhais lus pab koj los yog pab ib tug neeg ntawm koj tsev neeg ces sau daim ntawv no, lawm yuav tsum tau ua kom tiav thiab kos npe rau Ntu 9. Yog hais tias koj tsis siv ib tug neeg txhais lus pab koj, koj tsis tas sau dabtsi rau ntu nov. 

Tus neeg pab ua daim ntawv thov yog ib tug neeg es tsis yog koj uas sau daim ntawv no. Nws kuj yog xws li tus kws lij choj, tabsis kuj yog tau li ib tug phooj ywg, ib tug txheeb ze, ib tug neeg “social worker”, los yog ib tug neeg twg sau cov ntaub ntawv koj qhia sau rau hauv daim ntawv thov no rau koj. Yog hais tias muaj ib tub twg pab koj sau daim ntawv thov no, lawv yuav tsum tau sau kom tiav ntu no. Yog hais tias koj sau txhua yam koj tus kheej, ces koj tsis tas yuav sau dabtsi rau ntu nov li.

Xa daim ntawv I-912 hauv pais xab nis nrog cov pov thawj toob kas thov kom zam qhov nqi them nrog rau koj daim ntawv thov mus. Tsis txhob xa nyias mus nyias! Xa mus rau ntawm qhov chaw nyob muaj nyob ntawm qhov kev cob qhia hu ua “Where to File” daim ntawv thov immigration los yog daim ntawv mus thov.