Racfaanka PCA

Read this in

Waxaa qoray

Education for Justice

Markii ugu dambeysay ee wax la soo geliyey

06/2026

Try our Quiz

After you're done reading this page, take a short quiz to test what you've learned!

Warqadan xogta aruursan ahi waxa ay ka hadashaa sidda racfaan loo qaato haddii laguu diido haynta (PCA) ama haddii saacadahaaga la jaro.

Ogow: Waaxda Adeegyadda Bulshada ee Minnesota (Minnesota Department of Human Services) (DHS) waxa ay ka bedeshay magacii barnaamijka oo horey u ahaa Barnaamijka Gargaarka Daryeelka ee Shakhsiyanka ah (PCA) oo waxaa loo bixiyey Barnaammjika Gargaaradda Koowaad ee Beesha iyo Adeegyadda. CFSS waxa uu leeyahay adeegyo la mid ah kuwii PCA laakiin waxa uu leeyahay oo kale xulasho iyo adeegyo ka badan kuwii hore. Xaquuqahaaga racfaanku waa isla siddii hore. Gargaarahaaga daryeelka shakhsiyanka ahi wali waxaa la yiraa PCA. Wixii akhbaar ah ee kale ee ku saabsan barnaamijka CFSS, ka eeg warqadayadda xogta aruursan ee Siddee ayaan uga heli karaa qof i haya oo PCA ah barnamaijka Gargaaradda Koowaad ee Beesha iyo Adeegyadda (CFSS).

Haddii aad Hesho Diidmo ah barnaamijka CFSS

Sidee ayaan ku bilaabaa racfaanka?

Haddii aad leedahay ceymiska maareynta caafimaadka

Si toos ah ula xiriir ceymiska, ama faakis ama iimeyl ugu soo dir waraaqda. Lambarka telefoonka, faakis lambarka, iyo cinwaanka loo soo dirayo racfaanka waxa uu la socdaa ogeysiiska ceymiska caaafimaadka. Telefoonkooda waxa sidoo kale ku qoran yahay kaarka caafimaadka iyo warqadaha kale ee ceymisku kuu soo diro. Waxa aad u sheegtaa in aad dooneyso in aad racfaan ka qaadato.

Waa in aad racfaan ku qaadataa 60 maalmood gudahood laga bilaabo taariikhga ogeysiiska qiimeynta.
Haddii aad dooneyso in aad heysato saacadaha CFSS/PCA ee lagu ogolaaday, waa in aad ku cadeysaa racfaankaaga oo aad racfaan ka qaadataa
1. toban cisho gudahood ka dib marka uu ku soo gaaro ogeysiiska.
2. Ka hor taariikhda ay ku eg tahay saacadaha CFSS/PCA oo ay joogsanayaan ama la yareeyo (hadba kan dambeeya).

Haddii aad ku guuleysato racfaanka oo ceymiska caafimaadka ay bedelaan go’aankooda, wax dheeraad ah in aad sameyso lagaama doonayo. Waa fikrad wanaagsan in hay’adda CFSS/PCA da kuu ah aad wargeliso in aad ku guuleysatay racfaanka waana in ay wargeliyaan ceymiska caafimaadka.

Haddii aadan ku guuleysan, talaabada xigta waa in aad racfaan u qaadato gobolka. Akhri “Sidee racfaan loogu qaataa gobolka” ee hoos ku xusan.

Waa in aad racfaan ugu qaadataa gobolka 120 cisho gudahood laga bilaabo taariikhda ku qoran warqadda go’aanka ceymiska.
Haddii aad dooneyso in aad isticmaasho saacadaha PCAga ah mudada aad sugeyso racfaanka gobolka, waa in aad ku cadeysaa racfaankaaga oo aad racfaankaaga ku soo gudbiso 10 cisho ka dib marka ay ku soo gaarto warqadda go’aanka ceymiska. Haddii aadan racfaan ku qaadan 10 cisho gudahood, ma aad sii haysan doontid saacadihii hore ee aad haysatay intii aan la yareyn.

Haddii aadan heysan ceymiska maareynta caafimaadka:

Si toos ah racfaan ugu qaado gobolka si laguugu qabto dhageysiga racfaanka DHS ee Qaaliga Adeegga dadweynaha. Racfaankaaga waa in aad qoraal ahaan ugu soo gudbisaa bogooda internetka. Akhri “Sidee racfaan loogu qaataa gobolka ?” ee hoos ku xusan.

Waa in aad racfaan ku qaadataa 30 maalmood gudahood ee taariikhda ogeysiiska. Laakiin waxa aad racfaan ka qaadan kartaa ilaa 90 maalmood haddii ay jirto “sabab macquul ah” (sabab wanaagsan) oo aad ula daahday racfaanka. 90 cisho ka dib suurogal ma aha in aad racfaan qaadato.
Haddii aad dooneyso in aad heysato saacadaha CFSS/PCA ee laguu ogolaaday, waa in aad ku cadeysaa racfaankaaga oo aad racfaan ka qaadataa
1. toban cisho gudahood ka dib marka uu ku soo gaaro ogeysiiska.
2. Ka hor taariikhda ay ku eg tahay saacadaha CFSS/PCA oo ay joogsanayaan ama la yareeyo (hadba kan dambeeya).

Sidee ayaan racfaan ugu qaataa gobolka?

Waa in aad buuxisaa foomka ama waraaq ku soo qortaa racfaankaaga. Telefoon aad u soo dirto kuma filna in aad ku bilowdo racfaan aad qaadato oo gobolka ah. Waxaa jira habab kala duwan oo aad racfaankaaga ku soo gaarsiin karto gobolka.

Shabakadda internetka:
Waxa aad buxin kartaa foomka oo aad racfaankaaga ku soo gudbin karto barta internetka ee Waaxda Adeegga Dadweynaha (DHS).

Boosta soo dhig ama faakis ku soo dir:
Waxa foomka oo maran aad ka daabacan kartaa bogga DHS ama aad ka qaadan degmada. Haddii aadan dooneyn in aad isticmasho foomka dhib kuma jiro haddii aad waraaq ku soo qorto oo aad boostada soo dhigto ama aad faakis ugu soo dirto gobolka.

Ha hilmaamin in aad warqadaada ku soo darto waxyaabahan:

In aad racfaan ka qaaadaneyso saacadaha CFSS/PCA oo lagaa yareeyey iyo sababta.
Weydiiso in aan lagaa joojin oo laguu sii wado mudada aad sugeyso racfaanka.
Haddii aad dooneyso in aad shaqsi ahaan ka qeyb qaadato dhageysiga, ku caddee racfaanka. Haddii aadan codsan in aad shaqsi ahaan ka qeyb qaadato, telefoonka ayaa lagu dhageysanayaa.
Haddii aad dooneyso turjubaan, codso oo sheeg luqadda aad dooneyso.

Ha hilmaan in aad ku qorto warqadda lambarka dacwadda iyo taariikhda. Nuqul ka sameyso. Warqadda gaarsii shaqaalaha degmada iyo boostada soo dhig ama faakis ku soo dir.

Minnesota Department of Human Services Appeals Office
PO Box 64941
St. Paul, MN 55164-0941

Telefoonka: 651-431-3600
Faakis: 651-431-7523

Heyso cadeynta muujineysa in aad soo dirtay. Warqadda faakiska ee cadeyneysa in la diray.

Sidee ayaan isugu diyaarin karaa Dhageysiga Racfaanka?

Waxaa laguu soo dirayaa ogeysiiska taariikhda dhageysiga ee Qaaliga Adegga Dadweynaha. Haddii aad dooneyso waqti dheeraad ah oo aad isku diyaariso, ama adan iman karin taariikhda laguu qabtay, qaaliga weydiiso inuu “dib u dhigo.” Dib u dhigiddu waxa ay ka dhigan tahay in qaaligu maalin kale kuu qabto dhageysiga. Telefoon lambarka lagala xiriiri karo DHS oo aad ku codsan karto in dib loo dhigo dhageysiga waxaa aad kaheleysaa ogeysiiska.

Ka soo qaado warbixintii ugu dambeysay ee diiwaanka caafimaadka dhakhtarkaaga iyo cisbitaalada, gurmadka degdegga ah iyo goobohii caafimaadka ee aad dhawaanta tagtay. Degmada iyo maareynta daryeelka caafimaadka ayaa bixinaya lacagta aad ku heleyso diiwaanka diiwaanka caafimaadka. Waxa kale oo aad weydiisan kartaa dhakhtarkaaga inuu qoro waraaq ku saabsan xaaladaada iyo sababta aad ugu baahan in CFSS/PCA ku caawiyo.

Haddii aad racfaanka u qaadaneyso saacadaha CFSS/PCA oo lagaa yareeyey, soo diyaarso qiimeyntii hore ee PCAga. Haddii aad leedahay ceymiska caafimaadka, weydiiso ceymiska caafimaadka in ay kuu soo diraan qiimeyntii hore. Waxa kale oo aad weydiisan kartaa hayadda CFSS/PCAga kuu ah ama degmada.

Waxa aad keeni kartaa mardhkaatiyaal dhinacaaga ah dhageysiga. Adiga, gargaarahaaga shakhsiyanka ah, iyo dadka kale ee la socda xaaladaada iyo sababta aad ugu baahan tahay caawinaadda PCAga oo aad ka hadli kara dhageysiga. Qaaligu waxa uu doonayaa inuu ogaado magacyada markhaatiyaasha iyo telefoon lambarkooda ka hor dacwo qaadida.

Boostada ku soo dir ama faakis qoraalada iyo macluumaadka markhaatiyaasha dhageysiga ka hor. Sidoo kale nuqulka ama koobiyada dhamaan waxyaabaha aad ka hesho ceymiska ama degmada. Haddii dhageysiga qof ahaan aad kaga qeyb geleyso warqadaha waxa aad keeni kartaa dhageysiga.

Maxaa xiga dhageysiga racfaanka ee DHS ka dib?

Dhageysiga ka dib, qaaliga ayaa kuu soo diraya go’aan qoraal ah. Haddii uu go’aan qaaliga mid aadan ku guuleysan, waxa aad DHS weydiisan kartaa in ay “dib u eegaan,” ama waxa aad racfaan uga qaadan kartaa Gobolka Maxkamadda Degmada aad degan tahay. Go’aanka qaaligu gaaro ee qoraalka ah waxaa la socda sida racfaan looga qaato, waxa kale oo aad ka akhrin kartaa xogta urursan ee Racfaan Uga Qaadashada Macaashka Dadaweynaha Maxkamadda Degmada.

Faahfaahin ku saabsan dhageysiga ama sida racfaan looga qaato go’aanka dhageysiga DHS, ka akhri Su’aalaha inta badan la is weydiin karo (FAQs) ee bogga internetka ee DHS.