PCA Tsis Txaus Siab Rov Hais Dua

Yog tias koj qhov kev ntsuam xyuas rau kev pab cuam PCA hais tias koj tsis tsim nyog muaj ib tug PCA, lossis qhov kev ntsuam xyuas txhua xyoo txo koj cov teev tu koj, thiab koj tsis txaus siab, koj rov hais dua tau. Koj tsab ntawv yuav tsum qhia txog txoj kev yuav hais dua.

Pib qhov hais dua yog nyob ntawm seb koj muaj isalas tswj kho mob lossis tsis muaj.  Isalas tswj kho mob yog khiav los ntawm UCare, Medica thiab lwm lub.

Hu ncaj qha mus rau lub isalas, lossis xa fax lossis xa ib tsab ntawv mus rau lawv. Tus xov tooj, fax naj npawb thiab chaws nyob rau xa daim ntaub ntawv yuav rov qab hais dua yuav tsum nyob hauv daim ntawv xa tuaj ntawm lub isalas. Lawv tus xov tooj yuav tsum nyob hauv koj daim ntawv isalas thiab lwm yam ntaub ntawv kho mob lawv xa tuaj. Qhia lawv tias koj xav rov hais dua.

• Koj tsuas muaj 60 hnub rov mus hais dua tom qab koj txais daim ntawv ntsuam xyuas.
   
• Yog koj xav tau koj cov PCA teev tu li qub thaum lub sij hawm koj rov mus hais dua nrog lub isalas kho mob, koj yuav tsum qhia li ntawm rau hauv koj tsab ntawv rov hais dua thiab rov hais dua li ntawm.
  • tsis pub dhau 10 hnub tom qab isalas xa daim ntawv tuaj lossis
  • ua ntej hnub tim koj cov PCA teev tu yuav nres lossis raug txo (qhov twg tom qab).
     

Yog koj yeej qhov rov mus hais dua thiab lub isalas pauv nws qhov txiav txim, koj tsis tas yuav ua dab tsis ntxiv. Nws yog ib lub tswv yim zoo mus qhia koj lub PCA chaw ua hauj lwm paub tias koj yeej lawm thiab paub tseeb tias lawv yeej tau hnov los ntawm koj lub isalas.                                                                                 

Yog koj tsis yeej, kauj ruam tom ntej yog rov mus hais dua rau lub xeev. Saib “How do I appeal to the state” nyob hauv qab.

• koj tsuas muaj 120 hnub rov mus hais dua txij hnub tim koj txais tau daim ntawv isalas txiav txim.
   
• Yog koj xav tau koj cov PCA teev tu li qub thaum koj rov hais dua mus rau lub xeev, koj yuav tsum qhia li ntawm thaum koj rov mus hais dua thiab rov mus hais dua tsis pub dhau 10 hnub tom qab koj lub isalas xa lawv tsab ntawv txiav txim tuaj txog koj.

Rov mus hais ncaj qha rau lub xeev kom mus hais rooj plaub dua hauv DHS Appeal Hearing nrog ib tug Human Services Txiav Txim Plaub. Koj yuav tsum sau ntawv mus thov rov hais dua lossis hauv lawv lub vassab. Mus saib “How do I appeal to the state?” nyob rau hauv qab.

• Koj tsuas rov mus hais dua tsis pub dhau 30 hnub ntawm hnub koj txais tsab ntawv qhia. Tabsis koj muaj feem rov mus hais dua lig ntawm 90 hnub  yog tias koj muaj “tej yam tseem ceeb tshwm sim” (ib qhov tseem ceeb) los mus rov hais dua. Tom qab dhau 90 hnub lawm ces yuav lig dhau rov mus  hais dua.

• Yog koj xav tau koj cov PCA teev tu thaum koj rov mus dua, koj yuav tsum hais li ntawm thaum koj rov mus hais dua koj rooj plaub hais dua.
  • tsis pub dhau 10 hnub tom qab isalas xa daim ntawv tuaj qhia lossis
  • ua ntej hnub tim koj cov PCA teev tu yuav nres lossis raug txo (qhov twg tom qab).

Koj yuav tsum sau ib daim ntawm lossis sau ib tsab ntawv mus thov rov hais dua. Hu xov tooj xwb tsis txaus los pib thov qhov rov hais dua.  Nws muaj ntau txoj kev koj rov mus hais dua rau lub xeev:

Vassab:Koj muaj feem mus sau daim ntawv thiab xa koj qhov rov hais dua hauv online. Mus rau https://mn.gov/dhs/. (lus Askiv xwb)

• Nias ntawm “How do I” lub npauv tshawb sab saum toj phab no
• Nyob hauv qab “Find” nias “edocs and forms”
• Nias koj hom lus
• Ntaus 0033 rau lub npauv tshawb search bar
• Nias ntawm “Fill and submit form” (yog koj xav luam ib daim ntawv los mus xa mus lossis xa fax nias “Print blank form”)

Teb lus rau cov ntaub ntawv kom tag hauv vassab. Nias “Print Form” nyob hauv qab sab xis kom luam ib daim rau koj tus kheej. Ces nias “Submit Appeal” nyob hauv qab ntawm sab xis.

Xa ntawv mus lossis xa fax:
Koj luam tau ib daim ntawv los ntawm DHS vassab lossis mus nqa daim ntawv tom lub nroog. Yog koj tsis xav siv daim ntawv tsis ua li cas yog koj xav sau ib tsab ntawv thiab xa mus lossis xa fax mus rau lub xeev. 

Nco ntsoov sau cov lus no rau hauv koj tsab ntawv:

• Hais tias koj xav thov rov hais dua txog qhov lawv muab koj cov PCA teev txo thiab vim li cas.
• Nug tias koj tseem xav tau koj cov kev pab thaum lub sij hawm qhov txheej txheem rov hais dua.
• Yog koj xav tuaj hais tim ntsej tim muag koj yuav tsum tau hais li ntawv rau hauv koj tsab ntawv thov rov tuaj hais dua. Yog koj tsis nug kom hais rooj plaub ntsej tim muag koj yuav tau hais rooj plaub hauv xov tooj.
• Yog koj xav yuav ib tus neeg txhais lus, nug kom nrhiav ib tug thiab qhia hom lus dabtsi.

Nco ntsoov sau koj tus naj npawb rooj plaub thiab sau hnub tim rau hauv koj tsab ntawv. Luam ib daim tseg rau koj tus kheej. Muab daim ntawv rau koj tus neeg ua hauj lwm hauv nroog lossis xa fax mus rau:

Minnesota Department of Human Services Appeals Office
PO Box 64941
St. Paul, MN 55164-0941
Phone: 651-431-3600    
Fax: 651-431-7523

Khaws pov thawj tias koj xa mus lawm. Ib daim ntawv pov thawj lossis ib daim fax pov thawj siv tau.

Koj yuav txais tau ib daim ntawv qhia txog hnub hais plaub los ntawm tus Human Services Txiav Txim Plaub. Yog koj xav tau sij hawm ntxiv los npaj, lossis mus tsis tau rau hnub lawv teem rau koj, nug tus kws txiav txim plaub kom muab ncua (continuance). Muab ncua txhais tias tus kws txiav txim plaub muab teem rau lwm lub sij hawm tuaj hais rooj plaub. Tus xov tooj hu DHS los nug muab rooj plaub ncua nyob rau hauv daim ntawv tuaj hais plaub.

Mus nqa cov ntawb ntawv kho mob tsis ntev los no ntawm koj tus kws kho mob lossis tsev kho mob, chav muaj mob xwm ceev lossis chaw mus kuaj mob uas tau mus tsis ntev los no. Koj lub nroog lossis koj qhov isalas yuav tsum them rau koj cov ntaub ntawv keeb kwm kho mob. Koj muaj feem thov tau koj tus kws kho mob sau ib daim ntawv txog koj cov kev mob uas ua rau koj thiaj ua tsis tau thiab vim lis cas koj yuav toob kas tus PCA pab koj.

Yog koj thov rov hais dua vim tias koj cov PCA teev raug muab txo lawm, muab koj cov ntaub ntawb ntsuam xyuas thov PCA yav dhau los. Yog koj muaj isalas kho mob, nug kom lawv muab cov ntaub ntawv ntsuam xyuas qub rau koj. Koj nug tau koj lub koom haum PCA lossis lub nroog kom muab rau koj.

Koj muaj feem coj timkhawv mus hais rooj plaub. Koj, koj tus PCA, thiab lwm cov neeg uas paub txog koj tus mob thiab vim li cas koj yuav tsum toob kas tus PCA tuaj pab hais lus pov thawj hauv koj rooj plaub. Tus kws txiav txim plaub yuav tsum paub koj cov timkhawv lub npe thiab xov tooj.

Xa cov ntawv lossis xa fax thiab ntaub ntawv txog tus timkhawv mus rau tus kws txiav txim plaub ua ntej mus hais rooj plaub. Thiab xa cov ntaub ntawv nov mus rau koj qhov isalas kho mob losssis lus nroog. Yog koj rooj plaub hais tim ntseg tim muag koj nqa tau koj cov ntaub ntawv thaum mus hais rooj plaub nrog koj.

Tom qab hais rooj plaub tas, koj yuav tau ib daim ntawv txiav txim los ntawm tus kws txiav txim plaub. Yog tus kws txiav txim plaub tsis pom zoo rau koj, koj thov DHS los “xav txog dua,” lossis koj rov hais dua rau hauv lub xeev tsev hais plaub District Court hauv lub nroog koj nyob vim koj tsis pom zoo li tus kws txiav txim plaub txoj kev txiav txim. Daim ntawv sau tuaj ntawm tus kws txiav txim muaj kev qhia rau koj rov mus hais dua, thiab koj nyeem tau peb daim ntawv tseeb Rov Mus Hais Dua hauv Tsev Hais Plaub Loj Txog Tsoom Fwv Kev Pab.

Yog koj xav tau cov ntaub ntawv qhia txog tag txog DHS cov rooj plaub rov hais dua, mus saib ntawm Appeals Frequently Asked Questions (FAQs) nyob hauv DHS vassab. Mus rau https://mn.gov/dhs. (lus Askiv xwb)

• Ntaus “appeal FAQ” hauv lub npauv tshawj search bar, ces ntaus enter
• Nias rau “Appeals frequently asked questions / Minnesota Department of Human Services”

Yog koj xav paub ntxiv txog kev thov rov hais dua los ntawm PCA lossis los thov kev pab rau koj txoj kev thov rov hais dua, hu rau koj lub chaw kev kom sai li sai tau rau kev pab lossis xa mus lwm qhov ntawm 1-(877) 696-6529.

Lossis mus nrhiav kev pab los ntawm lwm cov kev pabcuam ntawm www.lawhelpmn.org/hm/providers-and-clinics.