Koj Cov Cai Siv Xovtooj Yees “Video” thiab Saib Tub Ceevxwm

Read this in

Tus sau

Education for Justice

Zaum kawg kho Tshiab

03/2026

Try our Quiz

After you're done reading this page, take a short quiz to test what you've learned!

Daim ntawv no tham txog txoj cai koj txoj cai siv xovtooj yees “video” thaum pejxeem muaj kev sib cuam tshuam nrog tub ceevxwm THIAB tej yam teebmeem uas tshwm sim tau. Tub ceevxwm tswj kevcai lijchoj yog cov tub ceevxwm xws li hauv nroog “police,” rau ntau lub nroog me “sheriffs,” thiab cov kev loj/ceev “state patrol.” Nws kuj suav cov tsoomfwv cov tub ceevxwm xws li ICE (Immigration & Customs Enforcement), Enforcement thiab Removal Operations (ERO), DEA (Drug Enforcement Administration), thiab FBI tibsi.

Yog koj lossis ib tug neeg koj paub raug kaw vim nws tiv thaiv lossis mus saib raws kevcai : Hu rau lub National Lawyers Guild ntawm 612-444-2654.

Nco Ntsoov: Tej yam xwm txheej muaj feem xyuam hloov thiab ua teebmeem loj sai sai. Txawm yog koj muaj cai mus saib tub ceevxwm ua haujlwm los nws tsis txhais tau hais tias koj yuav muaj kev ruaj ntseg. Ua zoo xav thiab ua zoo saib seb puas tsim nyog koj mus nyob ntawm saib.

Kuv puas muaj cai siv xovtooj yees “video” tub ceevxwm ntawm cov chaw peejxeem nyob.

Muaj. Raws li cov cai nyob hauv U.S. Constitution, koj muaj feem xyuam yees ”video” tau tej yam koj pom ntawm ib qho chaw pejxeem nyob. Ntawm no yog li thaum tub ceevxwm ua tej yam dabtsi ntawm pejxeem tej chaw nyob xws li, ntes ib tug neeg ntawm ib txoj kev pejxeem tsav tsheb lossis pem ntej ntawm ib lub tsev uas koj pom thaum koj nyob ntawm pejxeem txoj kev taug kev. TIAMSIS koj tsis muaj cai los mus cuam tshuam nrog (hais kom tsum) tub ceevxwm txoj luag haujlwm. Tejzaum lawv yuav kom koj txav deb deb lawv thiaj zoo ua haujlwm. Feem ntau, nyob deb li 8-10 feet yog ib qhov zoo. Tejzaum tub ceevxwm yuav hais kom koj tsis txhob siv xovtooj yees “video.” Tiamsis koj yeej muaj cai yees, tiamsis yog koj ntshai tsam tsis muaj kev nyab xeeb rau koj ces tsum tsis txhob yees lawm.

Tub ceevxwm puas muaj cai rov qab ua phem rau kuv vim kuv siv xovtooj yees “video”?

Tub ceevxwm tsis muaj cai rov ua phem rau koj (pauj koj). TIAMSIS qhov ntawd yuav lav tsis tau hais tias koj yuav muaj kev ruaj ntseg. Tejzaum lawv tuav lossis ntes koj tau. Yog lawv ua li ntawd, yuav yeej rooj plaub nyuaj thaum koj foob lawv hauv tsev hais plaub.

Yuav kom yeej rooj plaub, koj yuav tsum muaj povthawj qhia hais tias lawv yeej yuav tsis ntes koj yog hais tias koj tsis siv xovtooj yees “video.” Nws yuav nyuaj heev los yeej ib rooj plaub yog hais tias tub ceevxwm ntseeg hais tias koj ua txhaum txoj cai. Tej yam no suav tau cov kev txhaum cai xws li ua txhaum kev thaj yeeb/nyab xeeb lossis tsis ua raws li txoj cai lijchoj hais.

Yog koj ntseeg hais tias cov tsoomfwv tub ceevxwm ua txhaum koj txoj cai constitutional lawm, koj muaj feem xyuam mus qhia qhov teebmeem rau Minnesota Attorney General siv daim ntawv Federal Action Report Form www.ag.state.mn.us/Federal-Action. Lub ACLU of Minnesota kuj muaj ib daim ntawv koj siv tau thiab yog koj xav hais tias ua txhaum koj cov cai lawm: www.aclu-mn.org/ice-feds-form.

Yog tub ceevxwm nres kuv ne?

Yog tub ceevxwm nres koj, nug, “Kuv mus puas tau?” Yog lawv teb hais tias tau, maj mam taug kev mus. Tsis txhob khiav.

Koj tsis tas pom zoo lawv tshawb fawb koj. Hais kom meej tias, “Kuv tsis tso cai rau nej tshawb fawb.” TIAMSIS, txawm hais tias tub ceevxwm tshawb fawb koj los, TSIS TXHOB SIV KOJ LUB CEV LOS CUAM TSHUAM LAWV. Qhib koj ob txhais tes kom lawv pom. Tsis txhob cia li txav tamsim ntawd. Yog tub ceevxwm xav hais tias koj tawm tsam, tejzaum yuav muaj kev phomsij. Tejzaum lawv yuav foob hais tias koj tawm tsam thaum lawv ntes koj.

Koj muaj txoj cai tsis hais lus/teb thaum tub ceevxwm nug koj lus. Koj hais tau tej yam xws li, “Kuv yuav tsis hais lus, Kuv xav tau kuv tus kws lijchoj.”

Xav tau tswmyim ntxiv, saib cov “video” nyob ntawm, We Have Rights vassab: www.wehaverights.us.

Cov Tswmyim rau Txhua Tus

Yog koj paub hais tias koj yuav mus saib tub ceevxwm:

Qhia ib tug phoojywg lossis ib tug neeg hauv tsev neeg hais tias koj nyob qhov twg.
Cia cov cuab yeeb ua phem (phom, riam, pas) lossis tej yam uas ntxim zoo li cuab yeeb ua phem rau tom tsev.
Paub hais tias tejzaum koj yuav pom tej yam txaus ntshai.
Nws yog ib qho tswmyim zoo kom siv tsis txhob tau koj lub xovtooj rov los foob koj, xws li tua qhov hauv lub xovtooj uas qhia seb koj nyob qhov twg thiab qhia/cim tau koj. Yog xav tau tswmyim ntxiv, mus xyuas cov koomhaum hauv zejzog uas muaj kev kawm txog ua ib tug neeg muaj cai saib tub ceevwm li cas.

Tsis Txhob Muab Tswvyim Lijchoj. TIAMSIS koj muaj feem xyuam qhia txog tib neeg cov cai sawvdaws muaj:

Txoj cai tsis txhob hais lus.
Txoj cai tsis txhob kos npe rau cov ntaub ntawv.
Txoj cai tsis txhob qhib qhov rooj. TIAMSIS, yog tub ceevxwm muaj ib daim ntawv tus kws txiav txim plaub kos npe rau, koj yuav tsum cia lawv nkag los. Daim ntawv tso cai yuav tsum muaj los lus “court” tsev hais plaub nyob soj toj thiab kos npe los ntawm ib tug kws txiav txim plaub lossis tus neeg tswj hwm cov ntaub ntawv hauv tsev plaub. Yog daim ntawv tso cai los ntawm lub Department of Homeland Security (DHS) lossis Immigration thiab Customs Enforcement (ICE), nws yog daim ntawv cov thawj coj sau “Administrative Warrant” ces lawv nkag tsis tau los hauv koj lub tsev yog koj tsis tso cai.
Txoj cai thov ib tug kws lijchoj.

Yog leej twg raug ntes, sim nug kom tau nws lub npe. Sim muab kom tau ib tug neeg lawv paub uas koj tiv tauj tau rau lawv. Yog leej twg raug ICE kaw, koj muaj feem xyuam siv ICE qhov Detainee Locator System: locator.ice.gov/odls los nrhiav lawv. Tejzaum nws yuav siv li 24-48 teev txog thaum lawv lub cuab yeej “system” qhia tau hais tias tus neeg raug kaw nyob qhov twg.

Cov Tswyim Yog Koj Yees Video” Hauv Xovtooj

Yog koj yees “video” hauv xovtooj:

Hais kom nrov qhia seb dabtsi tamtom tshwm sim tamsim ntawd, siv qhov SALUTE txoj kev los mus yees cov khoom tseem ceeb:
- Pes tsawg: Muaj pestsawg tus tib neeg thiab tsheb nyob ntawd?
- Ua dabtsi: Tub ceevxwm thiab lwm cov neeg ua dabtsi?
- Qhov chaw: Koj nyob qhov twg? Qhia cov kev tshuam thiab tej cov chaw cim tseemceeb.
- Khaub ncaws ua haujlwm: Tus tub ceevxwm hnav dabtsi?
- Sijhawm: Hnub twg thiab thaum pestsawg teev?
- Cuab yeej siv: Koj pom yam cuab yeeb dabtsi, twj, lossis lwm yam cuab yeeb dabtsi?
Yog tub ceevxwm hais kom koj txav deb, uas li lawv hais. Muab lub koob thaij duab taw rau hauv av thaum koj txav kom nws muaj povthawj qhia tias koj yeej ua li lawv hais.
Tsis txhob tso “live” lossis muab tso rau hauv “social media” xws li Facebook, Instagram, Tik Tok, SnapChat yog koj tsis tau lus tso cai los ntawm cov tib neeg nyob hauv daim “video.” Muab koj daim “video” rau tej phoojywg thiab tsev neeg ntawm tus neeg nyob hauv daim “video” saib.
Tsis txhob kho daim “video” lossis hloov lub npe.
Saib daim “video” hu uas “When Documenting ICE Arrests” nyob hauv lub vassab: We Have Rights kom tau tswmyim ntxiv: www.wehaverights.us.

Cov Tswmyim Yog Koj Sau Ntawv ua Povthawj

Yog koj sau ntawv ua povthawj txog qhov tub ceevxwm ua, siv qhov SALUTE txoj kev los mus kaw cov tej yam tseem ceeb:
- Pestsawg: Muaj pestsawg tus tib neeg thiab tsheb nyob ntawd? Sau lawv tus naj npawb ntawm daim pib yog koj pom.
- Ua dabtsi: Tub ceevxwm thiab lwm cov neeg ua dabtsi?
- Qhov chaw: Koj nyob qhov twg? Qhia cov kev tshuam thiab tej cov chaw cim tseemceeb.
- Khaub ncaws ua haujlwm: Tus tub ceevxwm hnav dabtsi?
- Sijhawm: Hnub twg thiab thaum pestsawg teev?
- Cuab yeej siv: Yam cuab yeeb dabtsi, twj, lossis pom lwm yam cuab yeeb?

Muab koj cov ntawv sau ua povthawj rau tej phoojywg thiab tsev ntawm tus neeg nyob hauv daim yeej yaj kaib “video” saib.