Kuv poob kuv qhov MA lossis MinnesotaCare. Kuv yuav ua li cas?

Thaum muaj kab mob thoob ntiaj teb, koj tsis tau rov ua dua tshiab koj qhov Medical Assistance (MA) lossis MinnesotaCare. Qhov no pab neeg kom tsis txhob poob lawv qhov isalas thaum muaj kis kab mob thoob ntiajteb. Tabsis tamsim no koj yuav tsum tau rov ua dua tshiab! Yog koj rov ua dua tshiab, koj yuav tsis tau rov thov-dua. 

Yuav kom tsis txhob poob koj qhov isalas:

1. Xyuas zoo kom koj qhov chaw nyob, email, thiab xovtooj yog qhov tshiab tamsis no es koj thiaj li txais tau tsab ntawv qhia txog rov ua dua tshiab. Yog koj lossis ib tug neeg hauv koj tsev neeg muaj MA, hu koj lub nroog lossis pawg neeg mus qhia koj chaw nyob, email, thiab xovtooj tshiab. Yog koj muaj MinnesotaCare, hu Health Care Consumer Support 651-297-3862 lossis 800-657-3672.
    
2. Nws kuj muaj ib qhov qhia txog Rov Ua Dua Tshiab online ntawm https://mn.gov/dhs/renewmycoverage/. 
    
3. Muab cov ntaub ntawv rov ua dua tshiab ua kom tiav thaum koj txais tau nws. Xav kawm ntxiv mus nyeem peb daim ntawv, Kuv puas yuav tau rov ua dua tshiab kuv qhov Medical Assistance (MA) lossis MinnesotaCare?
    

Yog koj poob koj qhov MA lossis MinnesotaCare isalas lawm, koj yuav tau rov thov-dua.

Cov kevcai muaj feem thov tau MA lossis MinnesotaCare hloov tau. Yog koj cov nyiaj khwv tau los lossis kev xav tau kho mob hloov lawm, rov thov-dua txawm hais tias lawv tsis muab rau koj yas tas los lawm.  Tsis muaj kev txwv tias koj thov pestsawg zaus.

Yog koj xav rov thov-dua:

• mus rau ntawm MNsure lub vas sab
  
  LOSSIS
   
• Hu rau Minnesota Health Care Programs Member Help Desk ntawm 651-431-2670 lossis 1-800-657-3739 thaum sijhawm 8 a.m. mus rau 4:15 p.m. hnub Monday txog Friday.
  
  LOSSIS
   
• Hu rau Project Care kom tau kev pab los ntawm ib tug neeg muaj ntaub ntawv paub pab hauv MNsure ntawm 320-253-0121 lossis projectcare@mylegalaid.org

Yog koj twb rov ua dua tshiab thiab poob MA lossis MinnesotaCare isalas vim koj tsis muaj feem tau lawm, tej zaum koj yuav muaj feem mus nrhiav tau ib qhov isalas them nyiaj los ntawm MNsure. Koj muaj 60 hnub ntawm hnub koj qhov MA lossis MinnesotaCare xaus mus xaiv ib qho isalas them nyiaj. Koj qhov isalas mas pib hnub tim ib lub hlis tom ntej tom qab koj thov. 

MNsure cov isalas yog:

• Pheej yig. Coob leej muaj feem txo lawv tus nqi them txhua hli thiab lawv them npaum li cas thaum mus kho mob. Tus nqi yog nyob ntawm seb tsev neeg tau nyiaj khwv los ntau li cas thiab coob npaum li cas.
   
• Muaj txhij txhua. Tagnrho cov isalas them nqi mus xyuas kws kho mob, tshuaj noj, raug mob xwm ceev, puas siab ntsws, pw tsev kho mob, thiab ntau ntxiv.
   
• Yooj yim. Mus thov yooj yim thiab coob leej muaj feem mus cuv npe tau isalas ib zaug xwb.
   

Mus thov tso npe rau MNsure ib qho isalas

• Mus xyuas MNsure.org mus nrhiav thiab thov tso npe rau ib qhov isalas kho mob
  
  LOSSIS
   
• Hu lossis email Project Care kom tau kev pab los ntawm ib tug neeg muaj ntaub ntawv paub pab hauv MNsure 320-253-0121 lossis projectcare@mylegalaid.org

Tej zaum koj qhov chaw ua haujlwm muaj isalas kho mob. Nrog lawv tham sai li sai tau. Yog lawv muaj isalas, tej zaum koj yuav tsis tshuav sijhawm ntev mus thov. 

Muaj. Tiamsis yog koj tsis thov thaum koj xub thawj muaj feem tau, koj muaj sijhawm tsawg los thov uas tsis txhob tau them tus nqi nplua thov lig.  Qhov no yog hu uas “Sijhawm Thov Tshwj Xeeb.” Koj qhov Sijhawm Thiv Tshwj Xeeb pib hnub koj txais tsab ntawv qhia tias koj qhov MA isalas yuav xaus. Qhov Sijhawm Thov Tshwj Xeeb yog 6 hli tom qab koj qhov MA isalas xaus.

Koj qhov Medicare isalas pib lub hlis tom qab koj thov, lossis hnub koj qhov MA isalas xaus. Koj tau xaiv seb yuav qhov twg.

Xav paub ntxiv txog qhov Sijhawm Thov Tshwj Xeeb thiab yuav thov li cas thiaj tau, mus xyuas Medicare vas sab  . Lossis hu 1-800-MEDICARE (1-800-633-4227). Rau cov neeg siv TTY: 1-877-486-2048.