Cov Kev Cas Nyiaj Tom Immigration

Qhov “bond” yog cov nyiaj uas tib neeg them kom rho tau lwm tus tib neeg tawm ntawm txoj kev raug tuav los yog hauv tsev kaw neeg. Qhov “immigration bond” nyiaj cas tom immigration yog qhov nyiaj uas siv los them kom rho tau tib neeg tawm ntawm cov kws tswj ciam teb (Immigration & Customs Enforcement, los yog “ICE”). Yog tias koj mus hais txhua rooj sab laj hauv tsev hais plaub thiab ua txhua yam uas tus Kws Txiav Txim Txog Kev Tswj Ciam Teb los yog ICE hais, nrog rau txoj kev kom tawm teb chaws yog kom yuav tsum tau tawm, ces qhov nyiaj cas ntawm yuav thim rov qab koj tom qab hais koj rooj plaub tag. Tab sis ICE yuav ywv qhov nyiaj cas yog tias koj tsis mus hais plaub los yog tsis ua raws li hais.     

Tej zaum mas ICE teev tus nqi seb yuav cas nyiaj ntau npaum li cas. Yog tias tus tau teev nyiaj cas, koj kuj nug tau tus Kws Txiav Txim Txog Kev Tswj Ciam Teb kom nws teev nqi cas nyiaj rau ntawm koj rooj plaub. Koj thov kom hais rooj sab laj txog nyiaj cas. Thaum mus hais rooj plaub txog nyiaj cas, koj muaj feem thov Kws Txiav Txim Txog Kev Tswj Ciam Teb kom txo qhov nyiaj cas yog tias koj xav tias ICE teev tus nqi siab dhau lawm. Tus nqi qis tshaj uas tus Kws Txiav Txim Txog Kev Tswj Ciam Teb yuav teev tau yog $1,500.

Yuav tsum xyuam xim thaum koj thov kom tus Kws Txiav Txim Txog Kev Tswj Ciam Teb txo qhov nqi nyiaj cas. Tus Kws Txiav Txim muaj feem txiav txim muab qhov nqi nce kom siab yog nws xav tias muab teev tau nqis dhau lawm.

Ua ntej tshaj, tus Kws Txiav Txim Txog Kev Tswj Ciam Teb yuav tau los txiav txim seb koj puas tsim nyog thov kom muaj qhov cas nyiaj. Teb co neeg mas raug nyob qhov “yuav tsum tuav cia.” Qhov no txhais tau hais tias tus Kws Txiav Txim Txog Kev Tswj Ciam Teb tsis muaj kev txiav txim txog ntawm qhov cas nyiaj hlo li. Qee txoj kev txhaum cai yuav tsum raug koj tuav tseg xwb. Koj kuj yuav raug qhov yuav tsum tuav tseg yog tias:

• koj tuaj nyob yam tsis muaj ntaub ntawv
• koj twb muaj ntawv kom tshem tawm teb chaws, los yog
• koj raug tuav vim tsim kev hem phem ua paus tsuaj rau lub teb chaws
   

Yog tias koj tsis raug qhov yuav tsum tau tuav tseg, tej zaum kuj yuav teev tau nyiaj cas rau koj. Thaum txiav txim txog teev los yog txo nyiaj cas, tus Kws Txiav Txim Txog Kev Tswj Ciam Teb saib seb koj puas yuav ua kev phom sij rau lub zej zog los yog “yuav nyiag kev ya tawm teb chaws.” Tus neeg yuav nyiag kev ya tawm teb chaws yog tus tib neeg uas tej zaum yuav tsis tuaj hais plaub yav tom ntej yog tias tso nws mus.

Yuav kom qhia tau hais tias koj yuav tsis ua kev phom sij rau lub zej zog, xa koj li keeb kwm txog kev ua txhaum yav tag thiab pov thawj txog kev mus kho kom zoo rov qab los. Koj kuj xa cov ntawv sau tuaj txhawb koj los ntawm tsev neeg, phooj ywg, cov xib fwb ntawm kev ntseeg, los yog cov neeg nyob hauv zej zog.

Yuav kom qhia tau hais tias koj yuav tsis ya tawm teb chaws mas, muab:

• pov thawj tias koj muaj tsev neeg nyob hauv Teb Chaws Meskas. Cov noj kuj siv tau cov ntawv yug tsim los ntawm cov txheeb zes uas yog xam xaj ntawm LPR los U.S.
• pov thawj tias koj muaj ua hauj lwm. Xws li cov tw tshev los yog tsab ntawm los ntawm qhov chaw ua hauj lwm.
• pov thawj tias koj muaj tsev/av nyob hauv Teb Chaws Meskas
• pov thawj tias koj muaj kev sib raug zoo nrog lub zej zog. Xws li koom siab nrog pawg ntseeg los yog pawg neeg nyob koom ib lub zej zog.

Tus kws txiav txim txog kev tswj ciam teb yuav los soj ntsuam seb koj koj puas tau ua ntawv thov kev tiv thaiv txoj yuav raug tshem tawm teb chaws los yog tsoom fwv tswj ciam teb puas tau ua tawv tshem koj tawm. 

Yog tias koj them tsis taus tag nrho qhov nqi nyiaj cas rau tsoom fwv tswj ciam teb, tej zaum koj kuj nrhiav tau kev pab los ntawm zej zog kob nyiaj pab them nyiaj cas. Zej zog koj nyiaj pab them nyiaj cas kuj muaj xws li:

Hauv zos

• MN Freedom Fund (lus Askiv xwb)

Teb Chaws Meskas

• Black Immigrants Bail Fund (lus Askiv xwb)
• LGBTQ Freedom Fund (lus Askiv xwb)

Nws kuj muaj cov tuam txias nyiaj cas uas kuj yuav pab thiab. Cov tuam txhab txais nyiaj cas yog cov lag luam muaj tswv yuav them ib feem ntawm qhov nqi nyiaj cas. Tus phooj ywg los yog tsev neeg teem kom muaj kev sib cog lus nrog lawv. Thov xyuam xim! Cov tuam txhab qiv nyiaj cas feem ntau mas tsub nqi paj siab heev, yuav kom muaj “khoom txhiv tau,” los yog yuav tag nrho cov nhiay cas thaum rov thim los. Qhov khoom txhiv tau yog cov khoom uas muaj nqis uas tus tib neeg tau kos npe hais tias yuav cia lub tuam txhab txais qiv nyiaj cas yuav qhov khoom txhiv ntawv yog tias koj tsis mus hais plaub los yog ua raws li cov lus teev tseg los ntawm lub tsev hais plaub los yog ICE.

Thaum twg koj cov txheej txheem plaub ntawm tsoom fwv tswj ciam teb tiav hlo lawm, ICE yuav thim tag nrho koj cov nyiaj cas rau tus neeg them qhov nyiaj cas (tus neeg lav). ICE lub hoob kas yuav xa cov ntaub ntawv mus rau tus neeg lav teb thiab xa rov tuaj. Thaum twg ICE txais tau cov ntaub ntawv rov qab, lawv mam li xa qhov nyiaj cas rov qab mus rau tus neeg lav. Yog tias tus neeg lav tsiv chaw nyob ua ntej hais rooj plaub tag, lawv yuav tsum qhia ICE paub. ICE yuav rov thim tsis tau qhov nyiaj cas rov qab yog tias lawv tsis tau tus neeg lav qhov chaw nyob tam sim no.