Mar ugu horeeysa, Xaakimka Laanta socdaalku waa inuu go’aansado inaad xataa xaq u leedahay inaad codsato curaarta iyo in kale. Dadka qaarkii waxay hoos yimaadaan sharciga “haynta khasabka ah.” Taa macnaheedu waa Xaakim Laanta Socdaalku uma laha awood uu ku ansaxin karo curaar. Dambiyada qaarkood, waxa ay ku hoos keeni karaan sharciga haynta khasabka ah. Waxaad sidoo kale aad hoos imaan sharciga haynta khasabka ah hadii:
- Aad tahay qof qalaad oo hada yimi
- Lagu siiyey amar hore oo maxkamadeed oo lagugu masaafurinayey, ama
- Ama laguu hayo sababto la xiriira argagaxisanimo
Hadii aadan hoos imanayn sharciga haynta khasab ka ah, waxaa dhici karta in curaar laguu gooyo. Kolka uu go’aansanayo goynta ama dhimida curaarta, Xaakimka Laanta socdaalku waxa
uu eegaa arrintaada si uu arko inaad khatar ku tahay ummada iyo in kale ama in lagaaga “baqayo baxsi.” Qofka looga baqayo baxsigu waa qof ay u badan tahay in uusan imaan doonin dhagasiga dacwooyinkiisa mustaqbalka hadii la sii daayo iminka.
Si aad u cadeyso inaadan umadda khatar ku ahayn, bixi taariikhaada ah wixii dambi ah ee aad horey u gaysatay, iyo wixii daliilo ah ee muujinaya wixii dhaqan-celin ah ee aad sameysay. Waxaad kaloo bixin kartaa warqado gargaar oo ay kuu soo qoreen ehelkaa iyo saaxiibadaa ama hogaamiye diimeedyadu ama xubnaha bulshada.
Si aad u cadeyso inaadan baxsanayn, bixi:
- cadeyno ah ehelka kuu joogo United States. Taasi waxa noqon kartaa warqada dhalashada ee Qaraabada Sharciga ku leh wadanka (LPR) ama muwaadiniinta ah (U.S.)
- cadeyn ah inaad shaqayso. Sida Jeeg dabadood ama warqad shaqadu kuu soo qorto.
- cadeyn ah inaad hanti ku leedahay United States
- cadeyn ah inaad ka tirsan tahay koox diimeed ama mid beeleed.
Xaakim laanta socdaalku waxaa kale oo uu tixgeliyaa inaad codsanayso wax aad isaga difaacayo musaafurinta ama in wax codsiyo ah lagaaga xareeyey adiga laanta socdaalka.
