Kev Sib Yuav Hauv Minnesota

Yog kom sib yuav tau raws txoj cai nyob Minnesota koj yuav tsum tau mus ua ntaub ntawv rau daim ntawv sib yuav. Tsis tseem ceeb hais tias lub nroog twg hauv MN koj muab koj daim ntawm tau cia sib yuav hauv Minnesota. Tsuas yog ib tug neeg muaj cai muab koj siv yuav.  Tom qab ntawd ces koj yuav tau daim ntawv tso cai sib yuav uas qhia tau tias koj sib yuav raws cai lawm. 

Kev pojniam yuav pojniam thiab txiv neej yuav txiv neej yeej muaj cai rau hauv Tebchaws United States lawm. 

Puas yog koj sib yuav lawm lossis yog neeg tsis muaj ntaub ntawv nyob tebchaws? Tejzaum koj yuavtsum tau paub tej yam ntxiv. Mus saib peb daim ntawv tseeb Neeg Tuaj Lwm Teb chaws Tuaj, Kev Sib Yuav thiab Sib Nrauj hauv lub Xeev Minnesota thiab Cov neeg Tuaj Nyob Teb Chaws No es Tsis Muaj Ntaub Ntawv Nyob Puas Sib Yuav Tau Hauv Lub Xeev Minnesota?

• Koj yuav tsum muaj hnub nyoog tshaj 18 xyoo thiab txiav txim siab tau koj tus kheej hais tias koj sib yuav tau raws li txoj cai hauv Minnesota.
   
• Minnesota tsis suav cov neeg tsis tau muaj hnub nyoog 18 xyoo uas tawm mus sib yuav hauv lwm lub xeev.

• Yog koj xav sib yuav mas koj yuavtsum tsis txhob twb muaj txwj nkawm lawm. 
   
• Yog koj twb sib yuav dhau los lawm, koj yuavtsum tau ntaub ntawv sib nrauj raws cai los ntawm koj tus qub txwj nkawm. Daim ntawv sib nrauj raws cai yog ib daim uas mus raws cov cai sib nrauj nyob hauv lub xeev lossis lub tebchaws uas rooj sib nrauj ntawd tshwmsim. Hauv Minnesota, kev sib nraug yuavtsum mus rau tsev hais plaub thiab yuavtsum muaj ntaub ntawv xee npe los ntawm kws hais plaub ua ntej rooj sib nrauj ntawd tiav tau.

Minnesota tsis tso cai rau tej co txheeb ze rov sib yuav. Koj yuav tsis tau:

• Koj tus menyuam uas koj yug lossis yuav los tu.
• Koj tus xeebntxwv ntawm koj cov menyuam yug lossis xeebntxwv ntawm cov menyuam yuav los tu. 
• Koj cov ntxhais ntwg lossis tub ntwg uas muaj koj roj ntsha.
• Koj tus nusmuag npaws. Cov nusmuag npaws yog cov menyuam ntawm tej phauj lossis niam tias lossis tej txiv hlob txiv ntxawm thiab dablaug uas koj txheeb raws roj ntsha.

Yuav sib yuav hauv Minnesota, koj mus ua ntaub ntawv tso cai sib yuav. Koj muaj feem mus ua ntaub ntawv nyob rau txhua nroog. Koj tsis tas yuav ua ntaub ntawv nyob rau ntawm lub nroog uas koj xav siv yuav ntawd. Vim txhua lub nroog sib txawv, tiv tauj koj lub chaw ua ntaub ntawv tso cai sib yuav txog tias yuav mus ua daim ntawv sib yuav tso cai qhovtwg. Mus saib seb nyob koj lub nroog puas muaj tus xovtooj qhia lus lossis mus saib hauv vassab txog koj lub nroog thiab nrhiav lub chaw ua ntawv tso cai“license center”.

Ntau lub nroog muaj cov ntaub ntawv uas koj luam tau tawm hauv lawv lub vassab. Tej lub kuj cia koj pib ua ntaub ntawv hauv online thiab. Mus saib koj lub nroog lub vassab.

Koj yuavtsum tau mus uake rau lub chaw ua ntaub ntawv tso cai mus ua daim ntawv sib yuav. Yog tias muaj tej yam dabtsi ua rau koj mus tsis tau uake, nug lub chaw ua ntaub ntawv tso cai tias seb koj yuavtsum tau ua dabtsi thiaj li ua tau daim ntawv tso cai sib yuav. 

Tus nqi ua daim ntawv sib yuav yog $125. Yog tias koj mus kawm 12 teev ntawm chav kawm txwj nkawm ua ntej sib yuav, tus nqi txo los ua $50. Koj yuav tau mus kawm chav ntawd los ntawm:

• ib tug txiv plig uas muaj ntaub ntawv lossis tau cai ua txiv plig
• ib tug neeg uas muaj cai txis pejxeem ua txwj nkawm, lossis
• ib tug neeg uas muaj cai txhim kho txog kev txwj nkawm thiab kho tsev neeg

Tham nrog koj tus txiv plig lossis mus saib hauv vassab kom paub cov neeg ua haujlwm txog kev ntuas ua ntej sib yuav. Nco ntsoov nug sev tus nqi yog licas ua ntej koj cuv npe rau.

Koj yuavtsum muaj phuav pheej qhia tias koj yeej tau kawm tas lawm. Tus neeg uas qhia cov chav ntawd yeej muaj cov ntaub ntawv lossis lus sau rau tsab ntawv qhia tias koj tau kawm lawm. Daim ntawv lossis tsab ntawv yuavtsum tau kws ntaus thwj rau. Nqa nrog koj thaum mus ua koj daim ntaub ntawv tso cai.

• Lub npe thiab xeem
• Tus social security naj npawb. Yog koj tsis muaj ib tug Social Security naj npawb koj yuav tsum tau hais tias koj tsis muaj ib tug.
• Cov chaw nyob / Nroog nyob
• Povthawj rau cov hnub yug / Cov hnub yug
• Daim ID nom tswv muab (ntawv tsav tsheb, pib qhiv npe thiab duab, phau ntawv hla tebchaws)
• Yog koj xav hloov npe thaum sib yuav, seb lub npe ntawd yuav yog dabtsi
• Yog koj twb muaj txij nkawm dhau, koj yuav muaj ntaub ntawv txog koj tus txij nkawm nrauj kawg tas los no. Ntaub ntawv xws li: npe, thaum twg thiab qhov twg sib nrauj lossis, yog koj tus txij nkawm qub tuag lawm, hnub thiab qhov chaw tuag. 
• Seb sib txheeb licas raws roj ntsha lossis kev yuav los tu, yog tias muaj chaw sib txheeb
• Qhov chaw nyob koj xav kom xa koj daim ntawv sib yuav ntaus cim tuaj tom qab muab khaws cia.

Yog neb ib tug xav hloob neb ib qhov lossis tag nrho lub npe, koj ua tau qhov ntawd hauv koj daim ntawv tso cai sib yuav.  Yog koj txiav txim hloov npe tom qab koj sib yuav lawm, koj yuav tau mus ua rau hauv tsev hais plaub.  

Yog koj muaj ib kub txim txhaum teem loj hu uas “felony” rau ib lub xeev twg thiab koj xav hloov koj lub npe thaum koj sib yuav, muaj ib daim ntawv ntxiv koj yuav tsum tau sau ua ntej koj yuav tau koj daim ntawv tso cai sib yuav. Mus kuaj nrog tus kws lij choj nyob hauv koj lub nrrog txoj qhov txheej txheem thiab yuav muaj daim ntawv no li cas. Tus kws lij choj hauv lub nroog muaj 30 hnub los mus tawm tsam qhov koj yuav hloov npe. Yog li, nco tsoom koj yuav tsum ua qhov no 30 hnub ua ntej koj npaj nqa koj daim ntawv tso cai sib yuav mus rau hauv nroog.  

Tamsim no tsis muaj sijhawm tos koj daim ntawv tso cai sib yuav lawm. Feem ntau, koj teem sijhawm mus rau tom lub hoob kas ua daim ntawv tso cai sib yuav thiab koj yuav tau koj daim ntawv sib yuav tso cai thaum koj mus ntsib lawm tom qab koj tsa tes qhia ncaj ncees. Tuaj tsa tes qhia ncaj ncees tshwm ntsej tshwm muag los tau, hauv xovtooj, lossis hauv computer. Thiab yog muaj daim ntawv povthawj ob leeg kos npe tsa tes hais tias qhov kev sib yuav yeej raws kevcai los tau thiabsi. Xa tau cov ntaub ntawv thov sib yuav uas ob leeg kos npe hauv chaw xa ntawv tuaj, xa fax, lossis hauv computer tau tagnrho.

Koj daim ntawv sib yuav siv tau txog 6 lub hlis ntawm hnub tim uas sau rau lawm. Yog koj tsis sib yuav ua ntej 6 lub hlis, koj yuav tau rov qab ua dua ntaub ntawv.

Yog koj tsis tau sib yuav ua ntej 6 lub hlis vim kev muaj mob lossis lwm yam teebmeem loj, koj muaj feem tsis tas rov them tus nqi dua. Nug koj lub nroog.

Tom qab koj txais tau daim ntawv sib yuav lawm, ib tug neeg muaj 21 xyoos thiab cuv npe ua ib tus neeg muaj cai muab neeg sib yuav hauv ib lub nroog thiaj muab koj sib yuav tau. Daim ntawv sib yuav ntawm yuav tsum muaj tus neeg muaj cai muab neeg sib yuav lub nroog nyob rau hauv. 

Yog koj xav tau kev sib yuav los ntawm ib tug kws ua haujlwm rau tsev hais plaub, tiv tauj koj lub nroog ntawm qhov koj xav sib yuav kom tau ntaub ntawv qhia txog. Koj muaj feem mus nrhiav tau ntaub ntawv tiv tauj rau txhua lub nroog cov tsev hais plaub nyob ntawm www.mncourts.gov. Nias qhov “Find Courts” thiab xaiv koj lub nroog.

Yog koj ua ntaub ntawv tso cai sib yuav hauv Minnesota, koj lub koobtsheej sib yuav yuavtsum nyob rau hauv lub xeev Minnesota.

Hnub sib yuav ntawd, koj thiab tus neeg koj yuav ntawd yuav tsum hais tias neb kam sib yuav los ua txij nkawm. Thaum sib yuav nws yuav tsum muaj tus neeg muaj cai muab neb sib yuav thiab ob tug timkhawv nyob ntawm. Cov neeg ua timkhawv yuavtsum muaj tshaj 16 xyoo. Lawv xee npe rau koj daim ntawv sib yuav ua povthawj tias lawv yeej nyob ntawd pom. 

Yog koj lub koobtsheej muaj kev coj los ntawm cov txiv plig, lub koobtsheej yuavtsum ua raws koj kab lis kev cai. 

Tom qab koj lub koobtsheej, tus neeg uas coj koj lub koobtsheej ntawd muaj 5 hnub xa daim ntawv mus rau lub nroog uas koj ua ntaub ntawv tso cai sib yuav. Lub nroog ntawd yuav ceev cia koj kev sib yuav thiab yuav xa ib daim ntawv sib yuav ntaus lub thwj raws cai tuaj rau koj.

Yog koj tau hloov koj lub npe, koj yuav tau hloov cov ntaub ntawv uas muaj koj npe nyob rau. Qhov no muaj xws li ua ntaub ntawv rau ib daim pib social security tshiab, qhia rau koj lub tuam txhab ceev nyiaj, rau cahw ua haujlwm, thiab mus ua daim ntawv tsav tsheb tshiab lossis ID rau lub xeev. Koj yuav tau tivtauj txhua lub chaw haujlwm ntawd mus nug seb yuav ua licas.