Kuv Tso Tus Menyuam Npe Ua Se Puas Tau?

Tso menyuam tus npe ua se pab tau txo koj cov se thiab nce cov koj nyiaj se tau rov los rau koj. Koj tso tau ib tug “menyuam muaj feem” lossis “tus txheeb ze muaj feem” tos koj rau kev noj haus. Koj kuj tso tau tus “menyuam muaj feem” npe rau qhov rov nyiaj ntawm EITC (Earned Income Tax Credit). Nws muaj 3 txog kev uas koj tso menyuam npe pab tau koj ua se.

• Tus menyuam ua tau tus tos koj rau kev noj haus thiab yuav pab koj “rho tawm nqi se.” Muab qhov rho tawm ntawm koj cov nyiaj ua haujlwm tau los ua ntej mam li laij koj cov se. Khwv tau nyiaj tsawg dua txhais tias them se tsawg dua.

• Yuav muab koj tso rau theem txawv kom koj them se tsawg dua.

• Koj tau se los ntawm qhov muaj menyuam nrog, thiab yog koj muaj feem li cov cai, ces koj tau qhov EITC.

Muaj cai tias leejtwg thiaj muaj feem tso tau menyuam npe ua se. Koj yuav tsum ua raws li cov cai. Yog koj tsis ua li, koj poob tau txoj cai lost ua ntawv rau EITC lossis Child Tax Credit rau yav tom ntej, lossis tej zaum koj yuav tau them nyiaj rov qab mus rau koj lub xeev lossis IRS lossis kev them se ntau dua thiab lwm yam txim yuav tsub rau koj. Tej co no yeej cov nyom kawg.

Koj muab cov menyuam ua se tau. Tus tos yus rau kev noj haus yog tus “menyuam muaj feem” lossis “tus txheeb ze muaj feem.”

• Tus menyuam yuav tsum yog tus neeg them se tus menyuam, txij nkawm tshiab tus menyuam, tus menyuam niam/txiv qhuav tu muaj feem, nus, muam, niam/txiv tshiab tus tub, niam/txiv tshiab tus ntxhais lossis menyuam ntawm cov txheeb ze no. Qhov no suav tus menyuam muaj neeg ua ntawv yuav yuav nws ua lawv tus uas nrog tus neeg them se nyob, txawm tias qhov yuav menyuam sis tau tiav.  Tus menyuam niam/txiv qhuav tu muaj feem yog tus menyuam muab tso rau tus neeg them se nyob los ntawm ib lub koomhaum muaj cai lossis tsev hais plaub.
   
• Tus menyuam yuav tsum nrog tus them se nyob koj tshaj ib tog xyoo hauv tebchaws US. Qhaj ib ntus hauv tsev kawm ntawv, mus ua si, muaj mob, ua tub rog, raug kaw hauv qhov taub menyuam yaus, lossis raug zij sau tau hais tias sijhawm nyob hauv tsev.
  
  Nws muaj kev zam rau cov niam txiv sib nraug lossis sib cais lawm. Qhov kev zam no cia tus niam/txiv uas tsis nrog tus menyuam nyob kom tshaj ib tog xyoo los tso menyuam npe ua se. Tiam sis tsuas yog ib leeg thiaj tso menyuam npe tau xwb. Qhov kev zam no TSIS hais txog tus thawj rau tsev neeg ua ntawv se lossis qhov Earned Income Credit (EITC).  
   
• Tus menyuam yuav tsum hluas dua tus them se tsuas yog tias lawv tsis yog tus uas xiam oob qhab tsis rov zoo thiab thawm niaj thawm xyoo.  Kev txwv hnub nyoog kuj muaj txwv rau tej yam txiaj ntsim ua se:
  • Txiaj ntsim rau Zov Menyuam thiab Nyiaj Txiag Tus Tos Yus Kev Noj Haus – tus menyuam yuav tsum yog yaus dua 13 xyoos thaum muab kev saib xyuas lossis txawm hnub nyoog luaj li cas yog tias tus menyuam muaj xiam oob qhab thiab pab tsis tau nws tus kheej.
     
  • Txiaj Ntsim Menyuam Ua Se – Koj muaj feem tau nyiaj se rov qab mus txog $3,600 rau ib tug menyuam hnub nyoog 5 xyoos thiab yau dua thaum xyoo 2021 xaus, thiab $3,000 rau ib tug menyuam hnub nyoog 6 mus txog 17 xyoos thaum 2021 xaus uas koj tau muab nws ua se tias koj yug nws.
     
  • Niam/Txiv Tsev Ua Se thiab Earned Income Tax Credit (EITC) – tus menyuam yuav tsum hluas dua 19 xyoos lossis yog menyua kawm ntawv tsis tau muaj 24 xyoos rau hnub Kaum Ob Hlis Ntuj, tim 31, xyoo 2021, lossis hnub nyoog li cas los tau yog nws xiab oob qhab mus tas ib sim neej.
     
• Tus menyuam tsis pab yug nws tus kheej tshaj ib nrab tuaj xyoos lawm. Cov nyiaj Social Security tus menyuam tau los ntawm khoom ntiag tug tseg los ntawm niam/txiv uas tas sim neej lossis xiam oob qhab  suav tias yog tus menyuam cov nyiaj tau los.  Qhov kev pab soj ntsuam (tus menyuam pab yug nws tus kheej) yuav tsis suav thaum laij txog seb tus them se puas tus menyuam muaj feem rau tau EITC.
   
• Yog tias tus menyuam yeej yog menyuam muaj feem, tiam sis leej niam lossis leej txiv yuav tsis tso menyuam npe ua se es yuav TSIS MUAJ LEEJTWG tso npe tau li yog tias cov Adjusted Gross Income (AGI) yuav siab dua tagnrho ob leej niam thiab txiv. Tej xwm txheej li no yeej muaj vim ntau tsev neeg nyob ua ke.
   
• Yog muaj tshaj ib tug neeg them se yuav siv tus menyuam muaj feem ua se, thiab lawv hais tsis haum tias leej twg thiaj yuav tso npe tau xwb, leej niam lossis leej txiv uas nrog tus menyuam nyob ntev tshaj rau xyoo ntawd tso tau tus menyuam npe rau nws ua se. Yog tus menyuam nrog ob leej nyob ntev ib yam, tus niam los sis tus txiv uas ua hauj lwm tau nyiaj ntau dua siv tus menyuam npe ua se. Tus txij nkawm ua tau nyiaj ntau dua ua ntej txiav se yuav tsum tau qhov se.

Yog tus menyuam:

1. twb tsis nrog leeg niam lossis txiv nyob li
2. yog ib tug menyuam muaj feem rau tshaj ib tus neeg them se thiab
3. cov neeg them se hais tsis haum tias tus twg thiaj yuav tsum tso tus menyuam npe ua se,

Ces tus them se uas tau nyiaj ntau dua ua ntej txiav se yuav tsum tau qhov se.

Tus txheeb ze muaj feem yog ib tug uas:

• tus uas yog xam xaj neeg Asmisliskas lossis nyob rau tebchaws United States, Canada lossis Mexico,
   
• tswv cuab rau koj tsev neeg uas nyob thawm xyooj, lossis ib tug hauv tsev neeg uas tej zaum nyob lossis tsis nyog nrog koj xws li:
  • koj tus menyuam, xeeb leej, xeeb ntxwv, menyuam txij nkawm tshiab coj los,
  • koj tus nus, muam, ib nrab nus, ib nrab viv ncaus, niam/txiv tshiab tus tub, niam/txiv tshiab tus ntxhais,
  • koj niam thiab txiv, pog yawg/niam tais yawm txiv, niam thiab txiv tshiab
  • muam phauj yij laug, niam ntxawm, txiv ntxawm, niam hlob txiv hlob, kwvtij tej ntxhais lossis tub
  • koj niam tais yawm txiv, vauv, nyab
  • yawm yij, niam dab laug, niam ntxawm, niam tij

Feem ntau, tus menyuam lossis tus neeg uas tsis tos koj rau kev noj haus yog:

• Lawv muaj txij nkawm thiab ua se nrog nws tus txij nkawm lawm

• Lawv ua hauj lwm tau nyiaj tshaj $4,300 rau xyoo 2021. Tiam sis, yog tus neeg ntawd yog koj tus menyuam tsis tau muaj 19 xyoos lossis nws yog menyuam kawm ntawv tsis tau muaj 24 xyoos, lawv tseem yog tus tos koj rau kev noj haus thiab ua hauj lwm tau nyiaj tshaj $4,300 los tau.

Cov cai teev li saud yog rau kev ua se tebchaws.  Xeev Minnesota cov cai zoo li no uas siv rau hauv lub xeev no tej kev ua se ntawm nyiaj ua hauj lwm tau thiab se vajtse. Nug tus neeg ua se rau koj.

EITC yog ib qho txiaj ntsim rau cov neeg ua haujlwm. Tus nqi siab tshaj ntawm cov txiaj tsim yog $6,728. Cov muaj thiab tsis muaj txij nkawm los siv tau. Koj tsis tas yuav muaj menyuam, tiam sis yog tus txiaj ntsim yuav siab dua yog koj muaj. Cov cai no qhia tias cov menyuam zoo li cas thiaj muaj feem rau koj tso npe ua se. Saib hauv qab no. Yog koj yuam cov cai no, tej zaum yuav tsis pub koj tau EITC kom ntev mus txog 10 xyoo.

Koj yuav tsum ua haujlwm rau xyoo 2021. Koj tsis tau EITC yog koj tau nyiaj sab nraum tebchaws U.S. Koj cov nyiaj ua haujlwm tau thiab koj cov nyiaj “adjusted gross income” nyob rau ntawm koj daim ntaub ntawv ua se yuav tsum tsawg tshaj:

• $51,464 yog tias koj muaj 3 lossis coob tshaj tus menyuam muaj feem tau (los sis $57,414 yog tias muaj txij nkawm thiab ua se ua ke)
   
• $47,915 yog tias koj muaj 2 los sis ntau tus me nyuam uas muaj feem tau (lossis $53,865 yog tias muaj txij nkawm thiab ua se ua ke)

• $42,158 yog tias koj muaj ib tug me nyuam uas muaj feem tau (lossis $48,108 yog tias muaj txij nkawm thiab ua se ua ke) 
   
• $21,430 yog tias tsis muaj me nyuam muaj feem tau (lossis $27,380 yog tias muaj txij nkawm thiab ua se ua ke)

• Koj yuav tsum yog neeg nyob tebchaws U.S. lossis muaj ntaub nyog tagnrho xyoo 2021
   
• Koj yuav tsum muaj tus social security naj npawb tseeb rau koj, koj tus txij nkawm, thiab cov menyuam uas koj teev lawv npe ua se
   
• Tej nyiaj coj mus khwv yuav tsum tsawg tshaj $10,000.
   
• Koj tsis muaj feem xyuam siv EITC yog twb muaj lwm teev koj npe tias koj yog nws tus “me nyuam muaj feem tau lawm.”
   
• Feem ntau ua tsis tau se “sib yuav nyias ua nyias se” tiam sis nws txawv rau xyoo ua se 2021 vim qhov American Rescue Plan Act. Rau xyoo no koj ua tau qhov se EITC thiab ua se tias “sib yuav nyias ua nyias se” yog hais tias koj nrog koj tus menyuam tsim nyog tau nyob tshaj ib nrab xyoo lossis:

  • Tsis nyob tib lub tsev li tus txij nkawm tau li 6 hli ntawm 2021, LOSSIS

  • Yeej sib cais raws li lub xeev txoj cai nrog ib daim ntawv pom zoo sib cais lossis ib daim ntawv hais tias nyias muaj nyiaj nyiaj thiab tsis nrog koj tus txij nkawm nyob ib lub tsev thaum 2021 xaus.

Tau, yog tus menyuam nyob tshab txhais tias “tus menyuam muaj feem” ntawm daim ntawv qhia tseeb no. Yuav tso tsis tau tus “txheeb ze muaj feem” npe ua se rau EITC.

Tej zaum koj kuj tseem yuav siv tau:

• Txiaj ntsiam ntawm Child Tax Credit
• Txiaj ntsim ntawm Kev Zov Menyuam thiab Saib Xyuas Tus Tos Koj Kev Noj Haus
• Txiaj ntsim ntawm tsev neeg ua hauj lwm Working Family Tax Credit
• Kev kawm ntawv qib K-12 Education Credit

Nug tus ua se rau koj txog cov txiaj ntsim no.

Koj muaj feem tau kev pab dawb ua koj cov se yog tias koj tau nyiaj tsawg lossis koj yog tus neeg laus lossis cov neeg xiab oob qhab. Nrhiav tau kev pab nyob ze koj, hu rau koomhaum United Way thoob lub xeev no ntawm 2-1-1, lossis mus rau ntawm lawv lub vas sab https://www.211unitedway.org/. Koomhaum United Way pab tau koj nrhiav ntaub ntawv ntawm sau koj haiv neeg lus. Koj kuj nrhiav tau kev pab nyob ze koj yog mus saib www.irs.gov/vita.

Daim ntawv qhia tseeb no tsuas siv tau rau xyoo ua se 2021 xwb. Se ua haujlwm yuav tsum xa mus lub tim 18, xyoo 2022.