Kuv Tus Tswv Tsev Los Puas Tau Hauv Kuv Tsev? Tus Neeg Xauj Tsev Txoj Cai Tsis Pub Lwm Tus Los Hauv Nws Tsev

Tus sau

Education for Justice

Read this in

Try our Quiz

After you're done reading this page, take a short quiz to test what you've learned!

Pib lub Ib hli hnub tim1, 2024, ntau cov kev cai lij choj txog vaj tse hloov lawm. Peb tab tom ua haujlwm los hloov tshiab cov kev pab ntawm no. Txog thaum peb ua tiav, ib co kev cai lij choj tseem ceeb tej zaum yuav tsis muaj lossis tsis yog.

Yog koj muaj lus nug txog cov kev cai lij choj tshiab thiab lawv raug koj qhov teebmeem, hu Legal Aid ntawm 1-(877) 696-6529 lossis tiv tauj HOME Line ntawm 612-728-5767 lossis https://homelinemn.org/e-mail-an-attorney/.

Daim ntawv qhia no tham txog thaum twg koj tus tswv tsev thiaj li los tau hauv koj tsev thiab los li cas, thiab yuav ua li cas yog koj tus tswv tsev los hauv tsev tsis raws kevcai.

Thaum twg kuv tus tswv tsev thiaj li los tau hauv kuv tsev?

Minnesota txoj kevcai hais tias tus tswv tsev lossis tus tu tsev tsuas los tau hauv koj lub tsev apartment yog tias muaj kam haujlwm lossis xwm ceev xwb. Yog kam haujlwm no ces tus tswv tsev yuav tsum qhia koj paub ua ntej . Tus tswv tsev yuam tsis tau kom koj xee npe tso tseg koj txoj cai uas yuav tsum qhia koj ua ntej lawv yuav los hauv koj lub tsev apartment. Tej lub zos muaj kevcai tsis pub tswv tsev los hauv koj tsev. Yog xav paub, hu rau lub chaw kuaj tsev lossis tus thawj coj hauv koj lub zos.

Kam haujlwm yog dabtsi?

Txoj kevcai sau ob peb yam kev haujlwm pivtxwv hauv qab no:

Yog lub sijhawm koj xee npe nyob yuav tag lossis koj qhia tias koj yuav tsiv tawm, tus tswv tsev coj tau neeg tshiab tuaj xyuas lub tsev apartment.

Tus tswv tsev coj tau neeg xav yuav lub tsev apartment tuaj xyuas tau.

Kho lossis kuaj tsev.

Xyuas ua ntej seb yuav tu tsev li cas rau cov neeg laus.

Tus neeg xauj tsev phov heev hauv lub tsev apartment.

Tus tswv tsev ntseeg tias tus neeg xauj tsev ua txhaum cai hauv daim ntawv xauj tsev lawm.

Tus tswv tsev ntseeg tias muaj lwm tus neeg nyob hauv lub tsev uas tsis tau tso cai.

Tus neeg xauj tsev khiav tso lub tsev apartment tseg lawm. Tus tswv tsev yuav tsum muaj kev xav thiab ntseeg tias tus neeg xauj tsev khiav tso lub tsev tseg lawm ua ntej nws kag mus hauv.

Tus tswv tsev yuav qhia rau kuv ua ntej li cas?

Tus tswv tsev yuav tsum “tiv tauj koj kom txaus” los qhia koj “kom koj paub ua ntej”. Qhov no txhais tau tias nyob ntawm seb qhov teebmeem yog dabtsi. Feem ntau, qhia 24 teev ua ntej tej zaum “txaus” lawm. Qhov qhia ua ntej no tsis tas yuav sau ntawv.

Yog tus tswv tseg los hauv koj tsev thaum koj tsis nyob lawm es tsis qhia koj ua ntej, lawv yuav tsum sau ib daim ntawv cia ncaj ke kom koj pom.

Nco Tseg: Yog tias tus tswv tsev muaj kam haujlwm thiab twb qhia koj ua ntej lawm ces koj tus tswv tsev muaj cai los hauv koj tsev txawm yog tias lub sijhawm tsis zoo rau koj, lossis koj tsis nyob tsev lawm. Yog koj hais koj tus tswv tsev tuaj kho dabtsi, qhov nov yog ib qhov kev haujlwm los hauv koj lub apartment tau.

Xwm ceev yog dabtsi?

Yog muaj xwm ceev, koj tus tswv tsev los tau hauv koj tsev tsis tas qhia koj ua ntej. Xwm ceev yog:

Yog tias muaj dabtsi yuav tsum raug kho, muaj kev tsis ruaj ntseg hauv lub tsev, lossis muaj kev phem txhaum cai uas yuav ua rau lwm tus neeg raug mob lossis ua khoom puas hauv ib lub apartment.

Tus tswv tsev xav tias koj lossis lwm tus neeg hauv koj lub tsev muaj xwm txheej.

Tus tswv tsev xav tias muaj neeg ua txhaum cai.

Yog kuv tus tswv tsev ua txhaum cai nes?

Sau ib daim ntawv xa mus rau tus tswv tsev qhia kom nws tsum. Muab daim ntawv qhia tseeb no luam xa nrog mus. Sau hnub thiab hli rau ntawm koj daim ntawv thiab luam ib daim cia rau koj. Muab 14 hnub rau koj tus tswv tsev kom nws tsis txhob los hauv koj tsev lawm. Yog lawv tsis tsum, koj ua tau daim ntawv foob tuav nqi tsev kom tsev hais plaub hais tus tswv tsev kom nws tsum thiab them nyiaj npluas rau koj (qhov nws ua txhaum/puas).

Koj hais tau kom tsev hais plaub muab koj cov nyiaj rov qab los, thiab ntxiv $100 nplua rau txhua zaus nkag koj tsev tsis tso cia. Koj tau pestsawg nyiaj rov qab los thiab nyiaj nplua txim li cas, nyob ntawm seb qhov teebmeem txhaum loj npaum cas. Koj hais tau kom tsev hais plaub tshem koj daim ntawv xauj tsev es koj thiaj tawm tau.

Kuv yuav pib ua ntawv foob li cas?

Nco ntsoov: Tos 14 hnub tom qab koj xav daim ntawv mus rau tus tswv tsev tso mam li ua ntawv foob. Luam ib daim ntawv nqa mus rau tsev hais plaub khaws tseg.

Daim ntawv kom tsev hais plaub tuav nyiaj nqi tsev (Rent Escrow) muaj nrog daim ntawv qhia no. Yuav pib ua daim ntawv kom tsev hais plaub tuav nyiaj nqi tsev no, muab nws sau kom tiav thiab nqa daim ntawv thiab koj qhov nyiaj xauj tsev mus rau lub tsev hais plaub nyob hauv koj lub nroog.

Koj tsis tas kos cov thawv ntawm daim ntawv hais txog kho tsev yog tias koj lub tsev tsis toobkas kho thiab/lossis tib qho teebmeem koj xav kom pab yog kom tswv tsev tsis txhob los hauv koj tsev xwb.

Koj tsis tas tos kom txog sijhawm them nqi tsev tso mam li ua daim ntawv foob tuav nyiaj nqi tsev. Tabsis koj yuav tsum them tagnrho cov nyiaj xauj tsev mus rau tsev hais plaub thaum txog sijhawm them. Yog koj tsis them kom tagnrho cov nyiaj xauj tsev mus rau tsev hais plaub thaum txog sijhawm, koj tus tswv tsev muaj cai tig rov foob ntiab koj tawm tau.

Puas tau them nyiaj los ua daim ntawv foob Rent Escrow Action?

Koj tsis tau them yog tias koj ua tau nyiaj tsawg. Nug tus neeg ua haujlwm hauv tsev hais plaub txog daim ntawv IFP (tsis tau them) lossis ua ib daim nov tsim ib qho online (lus Askiv xwb).

Mus rau Forms (lus Askiv xwb).
Nias Court Fee Waiver (IFP) (lus Askiv xwb)

Thaum koj ua koj daim ntawv IFP, yuav tsum muaj ntaub ntawv qhia tias koj tau nyiaj tsawg, xws li tw tshev tom haujlwm, lossis ntaub ntawv qhia tias koj tau nyiaj tsoom fwv.