Them Nyiaj Poob Haujlwm Tshaj

“Unemployment Insurance” (UI) nyiaj poob haujlwm yog muab rau cov neeg uas poob lawv txoj haujlwm uas tsis yog tim lawv. Coob leej cia li muab nws hu ua “Unemployment” nyiaj poob haujlwm. Them nyiaj poob haujlwm tshaj lawm tshwm sim thaum koj tau nyiaj tiamsis tiag tiag mas yuav tsum tsis txhob tau. Nws muaj 2 hom uas them nyiaj poob haujlwm tshaj:

• Them tshaj rau qhov nyiaj ib txwm tau

• Ntxias tau nyiaj poob haujlwm tshaj (ntawm no kuj hu ua dag tau nyiaj poob haujlwm tshaj)

Feem ntau, yog vim li cov no thiaj li them nyiaj tshaj:

• Koj tsis qhia tau nyiaj li cas los, lossis koj tsis qhia thaum koj tau “Unemployment” nyiaj poob haujlwm.
  • Koj yuav tsum qhia qhov nyiaj khwv tau los lub lim tiam koj khwv tau los, tsis yog lub lim tiam lawv them koj.
  • Koj yuav tsum qhia cov nyiaj khwv tau los ua ntej txiav se, tsis yog qhov koj nqa los tsev.
     
• Koj pib tau “Unemployment” nyiaj poob haujlwm tiamsis koj qhov chaw ua haujlwm tawm tsam lawm, thiab tus kws txiav txim plaub pom zoo nrog lawv. Tamsis no ces koj yuav tau them cov nyiaj rov qab.
   

Tej zaum, them nyiaj tshaj tshwm sim vim lub xeev ua yuam kev thaum lawv xa nyiaj tuaj. Txawm tsis yog tim koj los, koj yuav tau them nws rov qab.  

Them tshaj rau qhov nyiaj ib txwm tau

• Tshwm sim vim:
  • lub xeev ua yuam kev
  • lub xeev xav hais tias koj ua yuam kev lossis
  • kev tawm tsam ua lub xeev hloov lawv txoj kev txiav txim
     
• Nyob hauv koj cov keebkwm mus 6 xyoo lossis txog thaum them tag, seb qhov twg ua ntej.

• Tsis muaj paj lossis nqi nplua

• Koj yeej tseem muaj feem tau “Unemplyment” nyiaj poob haujlwm yog hais tias koj tau them tshaj rau qhov nyiaj ib txwm tau, tiamsis lub xeev txiav 50% lossis 100% ntawm koj cov nyiaj rov los them qhov tshaj ntawv.

Ntxias Them Nyiaj Tshaj

• Tshwm sim thaum lub xeev ntseeg tias koj tau hais lub dag. Piv txwv hais tias koj tsis qhia khwv nyiaj tau li cas thaum koj paub hais tias yuav tsum tau qhia.

• Nyob hauv koj cov keebkwm mus 10 xyoo lossis txog thaum them tag, seb qhov twg ua ntej.

• Nws muaj 40% nqi nplua thiab ntxiv paj. Muaj lwm cov nqi nplua lub xeev muaj feem tsub ntxiv tau, tiamsis feem ntau yeej tsis ua li ntawv.

• Koj tsis tau “Unemployment” nyiaj poob haujlwm yog hais tias koj tau nyiaj tshaj los ntawm kev ntxias. Cov nyiaj koj tau los yuav tsis mus them cov nyiaj tshaj.

Ua tib zoo nyeem daim ntawv ceeb toom. Yog qhov no yog thawj daim ntawv hais txog them nyiaj tshaj, koj muaj feem mus tawm tsam tau. Koj yuav tsum mus tawm tsam tsis pub dhau hnub teem hauv daim ntawv. Tsis muaj ib qhov kev zam rau txoj cai no li. Koj mus tawm tsam tau online lossis xa ib daim ntawv mus. Qhov kev qhia tawm tsam nyob hauv daim ntawv xa tuaj. Koj hu tau koj lub legal aid hoobkas kom pab koj, tiamsis nco tsoom lub sijhawm tawm tsam thaum tos kev pab ntawm koj rooj plaub.

Mus nrhiav koj lub hoobkas legal aid hu 1(877) 696-6529.

Koj muaj kev xaiv them li koj them tau lossis teem ua hli them. Peb tsis pom zoo teem ua hli them. Txawm yog hais tias koj teem tau ib txoj kev them, cov nram qab no yuav tshwm sim:

• Lub xeev muab koj cov nyiaj ua se tau los coj mus them cov nyiaj them tshaj rov qab. Qhov no txhais tau tias lawv muab cov nyiaj tau rov los ntawm lub xeev cov se, nyiaj se tau los ntawm xauj tsev, nyiaj se tau los ntawm lub tsev koj yuav, thiab nyiaj yeej yuav lej “lottery.” Nrog koj tus neeg ua se tham txog kom ua cov nyiaj se tau los kom tsawg li tsawg tau. Saib peb daim ntawv Thaum Lawv Khaws Koj Cov Nyiaj Se Los Ntawm Xeev, qhia ntxiv txog muab nyiaj tau los. Tom qab 6 xyoo them tshaj rau qhov nyiaj ib txwm tau thiab 10 xyoo rau qhov kev ntxias them nyiaj tshaj, tshuav npaum li cas tsis tau them los ntawm cov nyiaj ua se ces yuav muab lwv tawm ntawm keebkwm.

• Yog hais tias koj tau them tshaj rau qhov nyiaj ib txwm tau thiab tsim nyog tau “Unemployment” nyiaj poob haujlwm tom qab twb txheeb tau tias qhov nyiaj them tshaj yog li cas lawm, lub xeev yuav 50% lossis 100%. Lawv yuav 100% yog hais tias qhov nyiaj them tshaj ntawv yog vim koj tsis qhia qhov nyiaj khwv tau thiab 50% rau lwm yam. Koj tsis tsim nyog tau “Unemployment” nyiaj poob haujlwm yog koj tau nyiaj them tshaj vim dag.

Qhov no txawv lwm hom kev them nyiaj tshaj, lub xeev tsis zam lossis nres tsis kev “Unemployment” nyiaj poob haujlwm them tshaj vim koj nyob lwm yam kev pabcuam, xws li MA lossis MFIP.

Lub xeev tsis qhia cov chaw qhia “credit” txog cov nyiaj them tshaj, ces nws tsis cuam tshuam koj qhov “credit.”

Rau li txoj cai, lub xeev muaj feem txiav koj cov nyiaj yog hais tias koj muaj ob yam kev them nyiaj tshaj, tiamsis qhov no yog ib yam lawv tsis tau ua tamsis no.

Rau qhov ntxias them nyiaj tshaj, lub xeev ua tau lwm yam, xws li:

• txheeb koj lub tse

• coj koj mus foob hauv tsev hais plaub

• ntxiv lwm yam kev nplua/txhaum

• rho nyiaj tawm hauv koj lub tsev ceev nyiaj
   

Tej no txaus ntshai, tiamsis, rov hais dua, lub xeev tsis tau ua tej no tamsis no.

Koj yuav tau txais daim ntawv txhua hli txog qhov nyiaj them tshaj ntawm. Qhib lawv saib, ua zoo xyuas kom tsuas yog ib daim ntawv ib txwm xa tuaj xwb, tsis muab lus dabtsi tshiab qhia, ces mas muab pov tseg.

Nco tsoom qhia koj qhov chaw nyob tshiab rau 4 xyoo tom qab koj tsis tau “Unemployment” nyiaj poob haujlwm lawm. Ua li no rau hauv koj tus “Unemployment” nyiaj poob haujlwm account online lossis hu rau 651-296-3644. Yog muaj dabtsi txawv txav rau koj tus account lossis koj qhov them nyiaj tshaj, nws yog koj txoj luag haujlwm mus teb qhov ntawv/lus xa tuaj rau ntawm qhov chaw nyob hauv koj tus account.