Txoj Cai Assisted Living Bill of Rights

Txoj Cai Assisted Living Bill of Rights yog ib txoj cai uas pab tiv thaiv koj yog tias koj nyob hauv ib lub Tsev Laus Muaj Kev Pab hu uas Assisted Living Facility. Koj nrhiav tau txoj kevcai lij choj no thiab lwm cov kev thiv thaiv hais txog Assisted Living hauv MN cov kevcai ntawm Sec. 144G.91 MN Statutes. Daim ntawv qhia no qhia txog tej co cai tseem ceeb tshaj koj muaj nyob hauv txoj cai.  

Cov kev tu thiab pab koj yuav tsum:  

• Tso siab tau rau.  Qhov no txhais tau tias koj ntseeg lawv yuav ua zoo ib yam txhua zaus thiab zoo. 
• Ua los ntawm cov neeg uas kawm tawm los lawm.
• Raws li koj kev toob kas.
• Nyob hauv cov ntaub ntawv pab saib xyuas nws raws li kev toobkas thiab yeej ua raws li ntawd. 

Tau. Koj yig tau txoj kev tu lossis cov kev pab.  Yog koj yig ib qho twg, qhov chaw ntawd yuav tsum qhia koj hais tias puas muaj tej yam teebmeem yuav tshwm sim rau cev nqaij daim tawv lossis puas siab puas ntsws.

Muaj. Koj muaj cai los koom npaj txog koj txoj kev tu thiab cov kev pab.  Qhov no kuj hais txog cov kev hloov thiab soj ntsuam txog koj txoj kev tu thiab cov kev pab. 

Koom nrog npaj yog tej yam xws li:

• Nrog cov neeg tu koj tham txog txoj kev tu koj thiab cov kev pab, tej kev kho uas koj toobkas, thiab lwm yam kev pab lawv muaj.
• Cia tsev neeg lossis lwm cov neeg sawv cev rau koj nrog pab npaj.
• Qhia rau koj ua ntej txog tej kev hloov rau koj txoj kev tu lossis kev pab.

Yuav tsum ua zoo thiab saib tau koj tas mus li. Koj cov khoom ntiag tug los yuav tsum siab kom zoo thiab.

Tsis pub kom ua phem rau koj. Koj muaj txoj cai kom tsis txhob raug kev tsim txom los ntawm ua phem rau lub cev, txoj kev daj dees, thiab koj kev xav. Kuj pab tiv thaiv txog kev tsis saib tsis xyuas koj, ua phem rau koj, thiab dag/ntxias koj nyiaj txiag. Qhov no yog lwm tus neeg xav siv koj cov nyiaj lossis khoom ntiag tug rau lawv tus kheej.  

Koj mus thiab los ntawm koj lub tsev laus raws li koj siab xav. Tsuas txiav tau tej yam kev ua raws li siab xav yog tias txoj cai lossis koj txoj kev npaj hais li ntawd xwb.  

Koj muaj cai los txiav txim siab rau koj lub neej koj tus kheej. Koj txiav txim siab tau tias txua hnub koj yuav ua dabtsi thiab xaiv tias koj yuav nrog leejtwg tham.

Yog. Koj tshwj koj cov nyiaj thiab txiav txim siab seb yuav siv li cas.

Koj xav muaj qhua thaum twg los tau. Nws yog tsev neeg lossis cov phoojywg lossis lwm tus los tau. Tsuas txiav tau qhov no yog hais tias yuav pab koj qhov kev noj qab haus hu thiab kev nyab xeeb xwb. 

Koj muaj cai los koom tes nrog lub zej zog, ua noj ua haus, kev cai dab qhuas, lag luam, thiab kas moos tebchaws. 

Yuav tsum hwm qhov tsis qhia txog koj tus kheej thiab kab lis kev cai txhua lub sijhawm. Tshwj yog muaj xwm ceev, cov neeg ua haujlwm ntawm qhov chaw koj nyob yuav tsum khob qhov rooj ua ntej nkag los rau hauv koj chav. Koj kuj muaj txoj cai tsis pub leejtwg hnov thaum nrog lwm tus tham hauv xov tooj lossis tim ntsej tim muag. 

Koj cov cai tsis pub leejtwg paub kuj yog hais txog thaum koj:

• tham txog txoj kev tu koj nrog lwm tus
• raug kuaj lossis kho
• siv chav dej lossis lwm yam kev tu lub cev  

Hwm koj cov kab lis kev cai yog tej yam xws li saib tau thiab paub txog koj hom lus thiab kev cai. 

Yuav tsum tsis txhob qhia tawm cov ntaub ntawv qhia txog koj tus kheej, nyiaj txiag, thiab kev noj qab haus huv. Yog lwm tus nug txog lawv, yuav tsum qhia koj hais tias yog leejtwg thiab vim li cas lawv thiaj xav yuav lawv. Koj hais tau rau tus neeg uas xav saib cov ntaub ntawv hais tias tsis kam tshwj yog txoj cai tso cai. Koj saib koj cov ntaub ntawv thaum twg los tau.  

Koj eb tau koj chav li koj siab nyiam. Koj siv tau cov rooj tog uas koj nyiam. Yog koj koom ib chav nrog lwm tus, koj xaiv tau tus khub nrog koj nyob.  

Koj muaj cai hais txog tej yam tsis txaus siab lossis nug txog tej yam. Qhov chaw ntawd yuav tsum qhia koj hais tias tus neeg ua haujlwm twg yog tus koj mus qhia qhov tsis txaus siab rau. Lawv yuav tsum teb koj kom sai.

Ua ntej koj yuav xee npe rau tej yam hais txog koj lub tsev laus lossis cov kev pab, koj muaj cai paub tagnrho txhua yam txog cov nqi thiab tej yam yuav raug them. Lawv yuav tsum qhia koj hais tias koj yuav raug them dabtsi. Thiab lawv yuav tsum qhia koj txog tej yam tsis muaj hauv lub tsev laus lossis cov kev pab.

One of the most important is eviction protection. If your Assisted Living Facility tries to evict you without a proper reason or they have violated any of your rights, you can appeal the eviction.  You can find these protections at Secs. 144G.52 and 144G.54 MN Statutes.

Cov cai no tsis nyob rau hauv Txoj Cai Assisted Living Bill of Rights, tabsis koj kuj muaj cov cai los:

1. Teeb ib lub koob yees duab rau hauv koj chav.
2. Ua ntawv kom coj rov los hais txog qhov ntiab tawm tsev ntawm ib lub Tsev Laus Muaj Kev Pab.
3. Thov kom tau kev pab lij choj lossis kev pab los ntawm Ombudsman rau Long-Term Care.                   

Yog koj toobkas kev pab los ntawm tus Ombudsman, hu rau: 1-800-657-3591 lossis 651-431-2555.