Fair Housing rau Cov Laus Muaj Xiam Oob Qhab

Cov cai Fair Housing tiv thaiv tib neeg ntawm kev xaiv ntsej xaiv muag ntawm kev nrhiav tsev.  Koj muaj kev tiv thaiv thaum koj tab tom nrhiav tsev thiab tiv thaiv ntawm kev tsis sib xws thaum koj tau chaw nyob.  Muaj qhia ntxiv txog kev ncaj ncees rau vajtse, mus saib peb daim ntawv qhia Xaiv Haiv Neeg Xauj Tsev.  Daim ntawv qhia tseeb no yog rau cov neeg laus xiam oob qhab ua xav tias lawv twb ntsib lossis tab tom ntsib kev xaiv ntsej xaiv muag ntawm lawv cov chaw xauj tsev.

Suav tias ib tug neeg xiam oob qhab yog lawv:

• Muaj mob rau lub cev lossis puas hlwb uas txwv lawv ib lossis tshaj txoj kev hauv lawv lub neej. 
• yog ib tug neeg uas lwm tus pom tias muaj teebmeem txwv lawv
• muaj keebkwm lossis ntaub ntawv tias ua tsis tau

Cov cai Fair Housing tiv thaiv cov laus xiam oob qhab nyob lossis ua ntawv thov nyob hauv:

• Ib lub tsev, chav tsev kem yuav, tsev xauj
  ntawm hoob kas loj, thiab lub tsev kem yuav  
• Tsev laus
• Tsev laus muaj kev pab/ vajtse muaj kev pab cuam
• chaw tu neeg txua ntxiv
• tsev xauj rau neeg laus/cov tsev kem rau neeg laus
• tsev xauj rau neeg laus thiab neeg hluas
• koog tsev cab/muaj log
• lwm qhov chaw

Cov cai Fair Housing yog siv rau cov neeg xauj tsev thiab yuav tsev- tabsis tej co kev tiv thaiv tsuas siv tau rau ib qho lossis lwm qho xwb.

Muaj tej lub qho tsis tas ua raws li tib co cai no.  Xws li:

• Yog koj nyob hauv ib lub tsev khiav los ntawm ib lub koomhaum tsis noj peev, lawv teem tau cai txog cia leejtwg nyob tau xwb, xws li pojniam nyob xwb.   
   
• Yog koj xauj ib hoob lossis ntau hoob hauv lub tsev uas tus tswv tsev nyob, lawv xaiv tau tias leej twg thiaj xauj tau raws seb lawv yog pojniam lossis txiv neej, kev sib yuav, seb koj puas tau tsoom fwv kev pab los tsis tau, nyiam pojniam los txiv neej lossis xiam oob qhab.

Ib txhia neeg xav tias tsev laus xaiv tau cov neeg nyob raws xiam oob qhab. Qhov no tsis muaj tseeb. Tsev laus, tsev laus muaj kev pab, lossis hom tsev zoo sib xws yuav tsum ua raws cov kevcai xiam oob qhab. Coob ntawm cov hom tsev no yog tsim tsa los pab cov tib neeg xiam oob qhab.  

Feem ntau, hom neeg muab kev pab no xaiv ntsej xaiv muag tsis tau vim lawv hom xiam oob qhab.  Log li ntawd, yog tus tswv tsev lossis tus kws tswj tsev tsis txais koj daim ntawv thov, sim ntiab koj tawm tsev, lossis coj txawv rau koj vim koj qhov xiam oob qhab, tej zaum lawv ua txhaum cai lawm.

Piv txwv, puas yog leej twg nug li cov nram qab no:

• Koj nyob koj ib leeg puas tau?
   
• Koj puas muaj xiam oob qhab?
   
• Koj qhov xiam oob qhab phem npaum cas?
   
• Koj puas noj tshuaj?
   
• Ua cas koj ho tau nyiaj social security?
   
• Kuv yuav tsum tau saib koj cov ntaub ntawv kho mob.
   
• Koj puas tau mus pw hauv tsev kho mob vim koj puas hlwb?

Piv Txwv, puas leejtwg hais tej yam xws li:

• Peb yuav tsum tshem koj lub rooj muaj log vim koj tsis txawj siv nws.
   
• Cov neeg muaj lub taug kev yuav tsum nyob theem ib.
   
• Tsuas yog peb cov laus tseem taus thiaj nyob tau cov hoob tsev nov.
   
• Koj noj mov tsis tau hauv chav noj mov vim koj qhov xiam oob qhab ua rau lwm tus tsis paub nyob.
   
• Cov neeg siv rooj muaj log ua tsev puas, ces koj yuav tsum tau them tus nqi cas 2 npaug.

Piv txwv, daim ntawv lo lossis tshaj tawm puas hais tej yam xws li:

• Cov neeg taug tau kev xwb.
• Lub tsev loj yog rau cov tseem tau/lub cev muaj zog
• Txwv tsis pub neeg puas xuab moom los tau

Koj muaj cai nug kom muaj tej yam hauv tsev lossis tej yam kov tau dabtsi kov tau rau qhov chaw koj xauj yog koj toobkas lawv vim koj qhov xiam oob qhab.  Cov no hu uas, “kho kom haum.”  Cov kev hloov no nyob tau hauv koj chav lossis cov chaw sawvdaws sib koom.  Koj muaj cai siv cov chaw sawdaws nyob sib npaug zos-suav lub qhov rooj nkag los loj thiab lub thawv hluav taws xob tibsi.

Piv txiv, koj nug tau kev hloov rau tej tsev xws li:

• Pas tuav hauv chav dej
• hloov kho pob qhov rooj
• tus ntaiv nce ntawm qhov rooj
• ib lub qhov rooj kom dav thiaj haum lub rooj muaj log

Tej zaum yuav hais kom koj them rau ib co khoom hloov no tshwj tsuas yog tias: 

• qhov chaw muab tsev nyob tau nyiaj pab los ntawm tsoom fwv lossis
• lub tsev tsim tsa tom qab 1991, thaum cov kev hloov yuav tsum tshwm sim tas lawm raws li txoj kev cai lij choj. 

Yog koj tau qhov kev zam kho mob Medical Assistance Waiver, koj muaj feem thov kev pab rau cov kev hloov kho. Tiv tauj koj tus neeg ua haujlwm hauv nroog mus ua ntawv thov. 

Feem ntau, cov tsev loj tshiab dua, muaj ntau chav—muaj neeg nyob tom qab lub Peb Hlis xyoo 1991—muaj qhov yuav tsum mus cuag tau ntau dua raws li kevcai.  Nod suav kev mus cuag rau lub thawv ntaiv hluav taws xob, chaw sawvdaws nyob, qhov rooj, chav dej, thiab chaw ua noj.

Koj muaj cai nug kom hloov rau ntawm cov cai rau lub tsev loj, yog koj toobkas kom kom hloov thiaj cia koj siv cov khooskas thiab rau cov kev pab muaj los ntawm lub tsev xauj.  Cov no yogh u uas “kho kom nyob taus.”

Piv txwv:

• nug kom hloov qhov chaw sawvdaws tuaj sib ntsib thiab sib tham vim koj mus tsis txog
   
• nug kom muaj qhov chaw nres tsheb yooj yim dua
   
• nug kom lawv rov xav dua txog qhov tsis txais lossis ntiab tawm tsev
   
• kom muaj tus tsiaj muaj kev pab koj lossis ua koj tus khub
   
• kho cov kev pab

Nco Cia: Cov tsev xauj nug tsis tau kom cas nyiaj rau koj qhov kev pab koj lossis tus tsiaj ua koj tus khub.  Tabsis yog tus tsiaj tau ua khoom puas koj yuav tsum tau them rau cov kev kho thiab nqi.

Tus xauj tsev tsis kam koj qhov thov kom kho kom nyob taus yog tias tsis muaj feem yog tus xiam oob qhab raws li txoj kevcai.   (Saib chav ob ntawm ntawm daim ntawv no, “Leej twg muaj feem tias xiam oob qhab?)

Lawv kuj teb tau tias “tsis kam” yog qhov koj nug kom nyob taus tsis muaj dabtsi txog koj qhov kev toobkas xiam oob qhab. 

Lawv kuj hais tau tias “tsis kam” yog tias yam koj nug uas yuav los daws qhov teebmeem tsis “tsim nyog.”

Txoj kev txiav txim los pom zoo lossis tsis pom zoo rau qhov kev hloov lossis ua kom nyob taus yog los ntawm nyias muaj nyias rooj.  Zoo dua yog muaj kev pom zoo ntawm ob leeg, cov neeg xauj tsev thiab cov chaw xauj tsev.

Txawm yog lawv teb tau hais tias “tsis tau” vim cov lus no, qhov chaw muab tsev nyob rau txim tsis tau rau koj vim koj thov kom ua haum koj qhov kev toobkas. 

Yog koj yuav tau xaus koj daim ntawv xauj tsev ntxov vim koj qhov xiam oob qhab, koj muaj feem thov qhov no ua ib qhov kev “ua haum koj cov kev toobkas.” Piv txwv, yog lub tsev loj koj nyob tsis muaj lub “elevator” thiab koj nce tsis tau ntaiv lawm. Ib qho piv txwv ntxiv yog hais tias koj toobkas cov twj muaj mob tshwj xeeb uas tsis haum hauv lub tsev kem “apartment” koj nyob. Koj tus tswv tsev yuav tsum muab koj qhov kev thov tsiv tawm ntxov los mus xav tib yam li lwm cov kev thov “ua haum koj cov kev toobkas.” 

Pib lub Ib Hli hnub tim 1, 2024, ib co neeg xauj tsev hauv Minnesota muaj txoj cai xaus lawv daim ntawv xauj tsev ntxov yog lawv toobkas tsiv mus rau ib qho chaw tu neeg mob. Txoj kev cai lij choj toobkas kom yuav tsum ceebtoom 60 hnub rau tus tswv tsev, muaj ntaub ntawv povthawj mob, thiab povthawj hais tias koj twb ua ntawv thov lawm lossis twb txais koj mus nyob qhov chaw neeg mob lawm.   

Tiv tauj koj lub hoobkas Legal Aid ntawm 1-(877) 696-6529 yog koj xav tias koj yog ib tug raug xaiv ntsej xaiv muag hauv chaw xauj tsev thiab xav totaub koj cov cai. Qhov kev pab no yog pub dawb rau cov muaj feem.

Lossis mus nrhiav kev pab los ntawm lwm cov kev pabcuam ntawm www.lawhelpmn.org/hm/providers-and-clinics.

Koj hu tau, lossis mus rau:

MN Department of Human Rights
Griggs Midway Building
540 Fairview Avenue North, Suite 201
St. Paul, MN 55104

Xov tooj: (651) 539-1100 los yog 1 (800) 657-3704
MN Relay: 711 or 1 (800) 627-3529

Xovtooj pab txog kev ntxub ntxaug (Discrimination helpline): 1-(833) 454-0148   
Email ntawn: info.mdhr@state.mn.us  Vas sab ntawm: www.mn.gov/mdhr/ 

Housing and Urban Development (HUD)
Minneapolis Field Office
212 Third Ave South, Suite 150
Minneapolis MN 55401

Xov tooj: (612) 370-3000
TTY: 7-1-1

Housing and Urban Development (HUD) 
Chicago Regional Office of FHEO 
77 West Jackson Boulevard, Suite 2202  
Chicago, IL 60604-3507 

Xov tooj: (312) 913-8453
1-(800) 765-9372 
TTY: (312) 353-7143 
www.hud.gov 

Koj ua ntawv tsis txaus siab rau HUD rau ntawm lawv qhov vas sab www.hud.gov (lus Askiv xwb) lossis sau ntawv mus rau lub hoobkas hauv Chicago saum toj.