Cov Kev Cas Nyiaj Tom Immigration

Yog koj raug kaw lossis txhawj nyab tsam tejzaum koj yuav raug ntes los ntawm “Immigration & Customs Enforcement (ICE),” nws yog ib qho tswvyim zoo los npaj nyab tsam koj muaj feem tau txhiv nyiaj lav tawm hauv immigration. Muab cov povthawj uas qhia hais tias koj tsis yog ib tug neeg phom sij rau zejzog thiab yuav tsis nyiag khiav los tso uake. Xyuas zoo kom muaj ib tug neeg uas paub nrhiav cov ntaub ntawv no yog hais tias koj raug kaw lawm. Koj yuav tsum muaj povthawj qhia rau tus kws txiav txim hais tias koj tsim nyog tau qhov txhiv nyiaj lav tawm. Thiab nrhiav ib tus neeg los saib xyuas koj qhov nyiaj lav tawm. Tus neeg no them qhov nyiaj lav tawm yog koj tsim nyog thiab yog nws txoj luag haujlwm los saib xyuas kom koj mus hais koj cov plaub.

Saib peb daim ntawv qhia Kev pab cuam rau Cov Neeg Raug Kaw lossis Txhawj Txog Tsam Raug Kaw.

Qhov “bond” yog cov nyiaj uas tib neeg them kom rho tau lwm tus tib neeg tawm ntawm txoj kev raug tuav los yog hauv tsev kaw neeg. Qhov “immigration bond” nyiaj cas tom immigration yog qhov nyiaj uas siv los them kom rho tau tib neeg tawm ntawm cov kws tswj ciam teb ICE. Yog tias koj mus hais txhua rooj sab laj hauv tsev hais plaub thiab ua txhua yam uas tus Kws Txiav Txim Txog Kev Tswj Ciam Teb los yog ICE hais, ces qhov nyiaj cas ntawm yuav thim rov qab koj tom qab hais koj rooj plaub tag. Tejzaum qhov no kuj yog suav qhov tawm tebchaws thiab yog lawv hais li ntawd. Tab sis ICE yuav ywv qhov nyiaj cas yog tias koj tsis mus hais plaub los yog tsis ua raws li hais.

Tejzaum. Ib co neeg yuav tsum tau nyob qhov hu uas “mandatory detention” raug kaw raws li txoj cai yuam. Qhov no txhais tias tus Immigration Kws Txiav Txim tsis muaj cai tso cia muab nyiaj txhiv lav tawm vim txoj cai hais li ntawd.

Kev raug kaw vim txoj cai yuam tshwm sim tau yog hais tias:

• Koj raug txim lossis raug foob rau qee yam kev ua txhaum cai lawm
• Koj twb muaj ib daim ntawv txiav txim raug xa tawm tebchaws 
• Koj raug kaw vim muaj laj thawj cuam tshuam nrog kev ua phem, LOSSIS
• Koj twb raug kaw thaum koj nkag los rau hauv U.S. lawm
   

Nomtswv hais tias yog koj nkag los rau hauv U.S. es tsis tau mus dhau ib lub immigration hoobkas (“nkag los tsis tau raug kuaj”), yuav tsum muab koj kaw raws li txoj cai yuam. Lawv kuj hais ntxiv tias, koj tsis muaj cai hais rooj plaub txhiv nyiaj lav tawm. TABSIS, coob cov kws txiav txim hauv Minnesota tsis pom zoo li ntawm.

Txoj cai lijchoj hais txog qhov no tabtom hloov sai heev. Nrog ib tug kws lijchoj tham seb koj puas muaj feem thov txhiv nyiaj lav tawm yog raug kaw los ntawm ICE.

Tej zaum mas ICE teev tus nqi seb yuav cas nyiaj ntau npaum li cas. Yog tias tus tau teev nyiaj cas, koj kuj nug tau tus Kws Txiav Txim Txog Kev Tswj Ciam Teb kom nws teev nqi cas nyiaj rau ntawm koj rooj plaub. Koj thov kom hais rooj sab laj txog nyiaj cas. Thaum mus hais rooj plaub txog nyiaj cas, koj muaj feem thov Kws Txiav Txim Txog Kev Tswj Ciam Teb kom txo qhov nyiaj cas yog tias koj xav tias ICE teev tus nqi siab dhau lawm. Tus nqi qis tshaj uas tus Kws Txiav Txim Txog Kev Tswj Ciam Teb yuav teev tau yog $1,500. Feem ntau tus Kws Txiav Txim Plaub Immigration teem qhov nyiaj txhiv tawm li ntawm $4,000.

Yuav tsum xyuam xim thaum koj thov kom tus Kws Txiav Txim Txog Kev Tswj Ciam Teb txo qhov nqi nyiaj cas. Tus Kws Txiav Txim muaj feem txiav txim muab qhov nqi nce kom siab yog nws xav tias muab teev tau nqis dhau lawm lossis lawv muaj feem cia li txiav txim tsis ua daim ntawv qiv nyiaj tawm qhov taub “bond.”

Tus neeg them qhov nyiaj lav tawm hu uas tus “bond sponsor.” Lawv kuj hu uas tus “obligor” thiab. Nws muaj cov kev cai tswj seb leej twg thiaj li ua tau tus neeg lav. Yog tias tus neeg lav tsis ua raws li cov kev cai, ICE yuav tsis tso koj tawm.

• Tus neeg cog lus sau npe rau ntaub ntawv yuav tsum yog ib tug xam xaj U.S., muaj npav ntsuab, lag luam kws lij choj, lossis khoomhaum tsis noj peev (non-profit)
• Tus neeg lav yuav tsum paub koj
• Tus neeg lav yuav tsum paub hais, sau thiab nyeem ntawv Askiv
• Tus neeg lav yuav tsum nqa daim npav ID qhia txog nws tus kheej uas yog tsoom fwv tsim thiab daim npav “social security” nrog lawv thaum tuaj them 

Tus neeg lav yuav tsum tau qhia cov lus tseem ceeb no: 

• Lawv lub npe, chaw nyob, thiab tus xov tooj
• Koj lub npe, chaw nyob, tus xov tooj thiab tus lej cim ntawm koj rooj plaub yog tias paub

Tus neeg twg uas tsis yog nyob hauv U.S. tsis raws kev cai yuav tsum TSIS txhob sim tuam them nyiaj cas rau lwm tus tib neeg. ICE kuv yuav ntes tau lawv thiab sim tshem lawv tawm hauv U.S. 

Tus neeg twg uas yog tuaj nyob hauv U.S. raws kev cai tab sis muaj keeb kwm txhuam cai los yog tseem tab tom hais rooj plaub txhaum cai yuav tsum mus nrog cov kws lij choj paub txog kev cai tswj ciam teb tham ua ntej mus them nyiaj cas rau lwm tus.

Thaum txiav txim txog teev los yog txo nyiaj cas, tus Kws Txiav Txim Txog Kev Tswj Ciam Teb saib seb koj puas yuav ua kev phom sij rau lub zej zog. Yog tus kws txiav txim plaub pom hais tias koj yog ib tug neeg phom sij, lawv tsis kam koj “bond” tawm qhov taub thiab muab koj kaw kom txog hais rooj plaub immigration tas.  Yog tus kws txiav txim plaub pom hais tias koj tsis phom sij, ces lawv yuav saib seb koj puas yog ib tug uas “yuav nyiag kev ya tawm teb chaws.” Tus neeg yuav nyiag kev ya tawm teb chaws yog tus tib neeg uas tej zaum yuav tsis tuaj hais plaub yav tom ntej yog tias tso nws mus.

Yuav kom qhia tau hais tias koj yuav tsis ua kev phom sij rau lub zej zog, xa koj cov keebkwm txhaum txim thiab cov povthawj mus kawm kev pab mus rau Tsev Hais Plaub Immigration. Cov povthawj mus kawm kev pab xws li cov khoom povthawj kawm cov hoob kom tswj tau txoj kev siv yeeb tshuaj lossis cawv, tswj txoj kev chim siab, lossis kev kho tus kheej. Tej zaum kuj yog lwm yam povthawj uas qhia tau hais tias nws pab tau koj cov teebmeem uas ua rau koj mus raug txim yam tas los. Koj kuj xa cov ntawv sau tuaj txhawb koj los ntawm tsev neeg, phooj ywg, cov xib fwb ntawm kev ntseeg, los yog cov neeg nyob hauv zej zog.

Yuav kom qhia tau hais tias koj yuav tsis ya tawm teb chaws mas, muab:

• pov thawj tias koj muaj tsev neeg nyob hauv Teb Chaws Meskas. Cov noj kuj siv tau cov ntawv yug tsim los ntawm cov txheeb zes uas yog xam xaj ntawm LPR los U.S.
   
• pov thawj tias koj muaj ua hauj lwm. Xws li cov tw tshev los yog tsab ntawm los ntawm qhov chaw ua hauj lwm.
   
• pov thawj tias koj muaj tsev/av, muaj daim ntawv xauj tsev, lossis ua se nyob hauv Teb Chaws Meskas
   
• pov thawj tias koj muaj kev sib raug zoo nrog lub zej zog. Xws li koom siab nrog pawg ntseeg los yog pawg neeg nyob koom ib lub zej zog.

Nws tseem ceeb heev yog tus neeg saib xyuas koj muab ib daim ntawv povthawj ntaus cim rau lawv hais tias koj yuav tsis nyiag khiav. Tus neeg saib xyuas daim ntawv sau yuav tsum muaj ntaub ntawv qhia txog lawv, xws li npe, hnub yug, chaw nyob, xovtooj, email. Thiab lawv txheeb ze koj li cas. Lawv yuav tsum muaj cov khoom li no ntxiv:

• cov ntawv luam qhia txog lawv tus kheej uas nomtswv muab ID
• cov ntaub ntawv ua se zaum kawg
• cov tw chev lossis tsev ceev nyiaj cov ntaub ntawv
• daim ntawv povthawj xauj tsev lossis daim ntawv them nqi tsev tuaj tom tsev qiv nyiaj yuav tsev uas muaj koj qhov chaw nyob

Tagnrho cov khoom no qhia tau seb lawv yuav pab txhawb koj li cas thiaj li ua raw li tsev hais plaub kom yuav ua lossis muaj.

Tus neeg raug tuav hauv qhov taub muaj feem tso tawm tau tib hnub uas nws them qhov nyiaj txhiv. Yuav kom ua tau li no, zoo tshaj mas yog them qhov nyiaj txhiv kom ntxov li ntxov tau hnub ntawd.

Online
Koj yuav tsum mus them qhov “bond” online ntawm cebonds.ice.gov. Yog koj tsis muaj ib tug askhauj, koj yuav tau nias qhov hais tias “Sign Up” thiab mus tsim ib tug askhauj.

Cov neeg lossis cov khoomhaum hauv qab no yuav them tau “bond” online:

• Cov neeg xam xaj U.S.
   
• neeg muaj cai nyob tebchaws no 
   
• lag luam kws lij choj, thiab
   
• Khoom haum tsis noj peev “non-profit” siv tau CeBONDS los mus xa daim ntawm “bond,” daim “bond” txaus siab tawm tebchaws mus, lossis daim “bond” muaj neeg saib xyuas. 
   
• Cov neeg tsis yog xam xaj muaj feem siv qhov Voluntary Departure bond txaus siab tawm tebchaws tus kheej lossis lwm tus ua qhov Order of Supervision bond rau lawv. 

Cov sijhawm mus tso “bond” tawm yog:
Monday – Friday
9 am to 3 pm nyob hauv qhov sijhawm ntawm tus neeg uas raug ICE kaws

Yuav tsum them nyiaj hauv ib tus askhauj hauv tsev ceev nyiaj.

Yog koj nkag tsis tau mus rau hauv online, koj mus siv them tus kheej kiag.

Mus Tus Kheej
Lub Minneapolis/St. Paul ICE Hoobkas tsuas txais nyiaj them tim ntsej tim muag xwb yog hais tias tus neeg raug kaw cov ntaub ntawv tsis nyob online kom muaj kev ruaj ntseg. Hu rau ICE lub hoobkas ua ntej mus sim them tim ntsej tim muag seb nrhiav puas tau tus neeg raug kaw hauv online. Yog ib tug neeg tsim nyog mus them tim ntsej tim muag, yuav tsum them tag nrho qhov nyiaj cas, yam siv daim nyiaj “money order” los ntawm chaw xa ntawv U.S., los yog daim “cashier’s check” los ntawm lub tuam txhab ceev nyiaj. Nyiaj ntsuab, yus cov tshev, lwm cov checks, los yog cov “money orders” uas tsis yog yuav los ntawm chaw xa ntawv yuav tsis txais. Daim “money order” los yog “cashier’s check” mas yuav tsum sau mus them rau “Immigration and Customs Enforcement.” Koj tsev neeg los yog koj cov phooj ywg yuav tsum tau tuaj them qhov nyiaj cas no yam tuaj tim ntsej muag, hauv txhua lub hoob kas ICE cov nyob hauv U.S. Tsuas yog ib tug neeg xam xaj U.S. lossis muaj npav ntsuab thiaj li them tau daim ntawv qiv nyiaj.

Xeev Minnesota, nws muaj 1 lub hoob kas ICE uas koj mus them tau qhov nyiaj cas:

Minneapolis/St. Paul ICE Office
1 Federal Drive, Suite 1640
Fort Snelling, MN 55111

9:00 a.m. txog 3:00 p.m., Monday-Friday
612-843-8600

Yog tias koj them tsis taus tag nrho qhov nqi nyiaj cas rau tsoom fwv tswj ciam teb, tej zaum koj kuj nrhiav tau kev pab los ntawm zej zog kob nyiaj pab them nyiaj cas. Feem ntau cov chaw txhiv nyiaj lav tawm hais kom tos txog thaum teem qhov nyiaj txhiv lav tso. Zej zog koj nyiaj pab them nyiaj cas kuj muaj xws li:

Hauv zos

• Midwest Immigration Bond Fund

Teb Chaws Meskas

• Contigo Immigrant Justice (if detained in Colorado, New Mexico, or Texas)
• Black Immigrants Bail Fund 
• LGBTQ Freedom Fund 

Nws kuj muaj cov tuam txias nyiaj cas uas kuj yuav pab thiab. Cov tuam txhab txais nyiaj cas yog cov lag luam muaj tswv yuav them ib feem ntawm qhov nqi nyiaj cas. Koj, ib tug phoojywg lossis ib tug neeg hauv tsev neeg muaj feem teem ib daim ntawv cog lus nrog lawv tau. Thov xyuam xim! Cov tuam txhab qiv nyiaj cas feem ntau mas tsub nqi paj siab heev, yuav kom muaj “khoom txhiv tau,” los yog yuav tag nrho cov nhiay cas thaum rov thim los. Qhov khoom cas yog ib yam dabtsi muaj nuj nqi uas tus neeg kos npe cog lus hauv daim ntawv pom zoo cia lub tuam txhab qiv nyiaj txhiv tawm yuav yog hais tias tus neeg raug tuav hauv qhov taub tsis mus hais rooj plaub lossis ua raws li cov lus tsev hais plaub lossis ICE teem tseg.

Thaum twg koj cov txheej txheem plaub ntawm tsoom fwv tswj ciam teb tiav hlo lawm, ICE yuav thim tag nrho koj cov nyiaj cas rau tus neeg them qhov nyiaj cas (tus neeg lav). ICE lub hoob kas yuav xa cov ntaub ntawv mus rau tus neeg lav teb thiab xa rov tuaj. Thaum twg ICE txais tau cov ntaub ntawv rov qab, lawv mam li xa qhov nyiaj cas rov qab mus rau tus neeg lav. Yog tias tus neeg lav tsiv chaw nyob ua ntej hais rooj plaub tag, lawv yuav tsum qhia ICE paub. ICE yuav rov thim tsis tau qhov nyiaj cas rov qab yog tias lawv tsis tau tus neeg lav qhov chaw nyob tam sim no. 

Saib xyuas tej yam no kom zoo:

• ICE yeej tsis hu, ntaus ntawv hauv xovtooj, lossis siv WhatsApp hais kom koj them qhov nyiaj txhiv lav tawm.
   
• Tsuas them tau cov nyiaj txhiv lav tawm online ntawm CeBONDS lossis tim ntsej tim muag los ntawm sau ib daim chev lossis money order them mus rau DHS lossis ICE. Koj them TSIS TAU qhov nyiaj txhiv lav nrog Western Union, MoneyGram, Zelle, lossis Ria.
   
• Yog leej twg hais rau koj hais tias koj muaj ib rooj plaub immigration hauv Skype, nws yog dag ntxias! Immigration cov plaub hais saum huab cua siv Webex xwb.
   
• Yog leeg twg hais tias koj them tau ib qho me tamsim no lossis ib nrab, nws yog dag ntxais! Immigration ib txwm yuav tsum kom them tagnrho qhov nyiaj txhiv lav ib zaug.
   

Xav paub ntxiv txog cov kev dag ntxias neeg cov siv, saib lub vassab USCIS website.