Xabsi Ma Ku Geli Karaa Haddii Aanan Bixin Amaahda

Minnesota xabsi kuma geli kartid amaah (dayn) aad qabtid kaliya. Laakiin haddii maxkamad lacag kugu xukuntay adiga lidigaa, oo aadan raacin amarka maxkamadda ama amar ah in aad maxkamad hor timaado, waa laguu xiri karaa diidmada amarka maxkamadeed. 

Dadka intooda ma oga in xukun maxkamadeed oo lacag ah lagugu xukumi karo. Haddii guuritaan badan aad samaysid, waxaa laga yaabaa in aadan helin warqadihii. Ama aad fududeysatay, oo aadan ogeyn waxa ay ahaayeen.

Haddii lagugu leeyahay amaah lacageed oo aad dib ula dhacday bixinteeda, waxaa wanaagsan in aad la xiriirtid cidda wax ku amaahisay. “Amaah bixiye” waa dadka ama shirkadda aad amaahda ka qaadatay. Waxaa laga yabaa in aad kala shaqayn kartid qorshe dib u bixin amaah ah si aad uga hortagtid xukun maxkamadeed.

Waxaa muhiim ah in aad boostadaada hubisid si taxadar leh! Inta badan soo ururinta amaahda waxaa qabta shirkado kale, waxaa laga yaabaa in aadan aqoon magaca shirkadda waraaqaha ku qorran. Hadii ay ku soo gaaraan waraaqo maxkamad laga rabo in aad buxbuuxiso, hubi ina aad samayso oo si taxadar leh u samaysid. Koobi kala har wax walba.

Talaabo 1: Amaah bixiyaha ama wakiilka soo ururiyaha wuxuu heli karaa xukun maxkamadeed ee lidi kugu ah in lacagta aad qabto lagaa soo celiyo. Waxaa jira talaabooyin ah in ay raacaan ka hor inta aysan helin xukunka maxkamada. Akhri xogta urursan Xuquuqda Aad Leedahay Deyn Soo Ururinta.

Talaabo 2: Amaah bixiyuhu wuxuu mar dambe kuu soo dirayaa warqado la yiraahdo Foomka Soo Bandhigiida Xogta Maaliyadda. Waa in aad buuxisaa waraaqaha oo aad dib ugu celisaa amaah bixiyaha 10 maalmood gudohood markaad heshay.

Talaabo 3: Haddii aadan buuxin (qorin) warqadaha oo aadan dib ugu celin amaah bixiyaha, amaah bixiyuhu wuxuu soo qadan karaa amar maxkamadeed loo yaqaan “ Amar in aad Muujiso Sabab”. Amarka maxkamadeed waxay sheegaysaa in aad buuxiso foomka, AMA aad maxkamada aad hor tagto si aad u sharaxdo sababta aad u buuxin weyday foomka. Amarka waxaa ku qoran taariikhda iyo waqtiga aad tegayso maxkamadda.

Talaabo 4: Haddii aadan iman dhegaysiga maxkamadda AMA aadan buuxin Foomka Kashifaada Maaliyadda oo aadan u dirin amaah bixiyaha, maxkamadu waxay soo saari kartaa amar oranaya in aad iska indha tirtay maxkamadda adoo jebiyay amarka maxkamadda.

Talaabo 5: Ogalaashaha maxkamadeed in lagu xiro ayaa la soo saarayaa oo ku timid xaqiraadda amarka maxkamadda. Boolisku waa ku xiri karaa, xabsina waa ku gayn karaa. Iska ilaali in lagu xiro! Aad dhegeysiga maxkamadda! Buuxi foom kasta ee laguu soo diro! Haddii ay tahay in foomka aad ku buuxiso xabsiga ma wada heli kartid macluumaadka saxda ah oo dhan.

Way adagtahay in la ogaado in ay jirto ogolasho maxkamadeed in lagu xiro oo ku timid xaqiraad aad ku samaysay amarka maxkamadda dacwad madani ah ee amaah qabe. Waxaa jira laba siyood oo aad ku ogaan kartid.

Waxaad waci kartaa xafiiska booliska degmada. Weydii qaybta Banaynta Maxkamadda. Waa in ay telefoonka kuugu sheegi karaan haddii ay jirto.

Waxaad kaloo ka hubin kartaa mareegta maxkamada Minnesota Tag halka: www.mncourts.gov.

1. Guji hel diiwaanka dacwada (dusha sare ee taxda).
2. Guji Degmada “Minnesota District )Trial) Court Case Search” (Minnesota (maxkamad qaadid) baar dacwad maxkamadeed) 
3. Hoos u wad wax yar ka dibna riix santuukha ay ku qoran tahay “MPA Remote” (MPA Fog). Akhri (heshiiska iyo shuruudaha) “terms and conditions”  ku yaal bogga xigga. Haddii aad aqbasho shuruudaha heshiiska, riix (Waan Aqbalay Heshiiska & Shuruuda Kor Ku Xusan), “I Accept the Above Terms & Conditions” ee santuukha ku hoos jira.  
4. Waad ka tegi karta “ Meesha” , baraha ay dhacdo All MNCIS. Guji halka Madani, Qoys, iyo Diiwaanka Dacwad amaah ka saarid qof dhintay). Waxaad kaloo fiirisaa halka hoose ee baarista xukunka. Midka dooro, “Cidda” halka “baarista”sanduuqa hoos u dhacaya ee dusha sare si aad magacaaga u gelisid.
5. Haddii ay jiraan dacwado halkaas ku taxan, guji baar dacwada si aad u aragtid in u kuugu jiro amar ogolaasho maxkamadeed ah.

OGOW: haddii aan magacaagu ku jirrin diiwaanka, weli waxaa suurta gal ah in xukun maxkamdeed oo cusub oo lid kugu ah oo aan weli la gelin diiwaanka maxamadda.

Haddii ay jirto bananyn maxkamadeed saba la xiriirta in aad buuxbuuxin weyday Foomka kashifaadda dhaqaalaha, wac maxkamadda bixisay banaynta. Waxay inta badan noqon kartaa maxkamadda degmada. U sheeg karaaniga in aad u baahantahay in aad samaysid foomka kashifaad dhaqaale.  Waxaaa laga yaabaa in ay kuu soo diraan.

Waxaa ku lifaaqan Foomka Kashifaadda Dhaqaalaha. Waxaad kaloo ka heli kartaa si xiriirsan mareegta www.mncourts.gov. Guji halka Foomka, Guji halka Fulinta Xukunka, Guji Kashifaad, Guji Kashifaad Dhaqaale.

Buuxi foomka kana samay koobi. Koobi u dir amaah bixiyaha loo xukumay ( Cidda kugu leh amaahda), koobi kalena adigu hayso. Maalin ama laba maalmood kadib, wac maxkamadda oo ka hubi in la joojiyey ogolaashaha maxkamadda.

Degma kasta way ka duwan tahay tan kale. Xabsiga weydii Foomka Kashifaadda Dhaqaalaha hadii aadan weli buuxin.  

Buuxi foomka oo weydii in lagaa saari karo xabsiga. Waxay ku xirantahay in qaaligu uu go’aamiyo in intaasi ay ku filantahay in lagu siidaayo.