Cov neeg Tuaj Nyob Teb Chaws No es Tsis Muaj Ntaub Ntawv Nyob Puas Sib Yuav Tau Hauv Lub Xeev Minnesota?

Txhua tus neeg nyob hauv teb chaws United States no muaj cai sib yuav.  Yeej muaj tseeb txawm yog qhov koj nyob raug cai thiab tsis raug cai (immigration status).  Tabsis, sib yuav nyob rau hauv teb chaws U.S. los yog sib yuav nrog ib tug neeg es yog xam xaj U.S. yuav tsis TIV THAIV koj qhov es raug xa rov qab. 

Daim ntawv sau mus thov daim ntawv pov thawj tias neb yeej sib yuav lawm muaj ib qho chaw sau tus naj npawb chim social security.  Yog koj tsis muaj tus naj npawb chim social security, koj kuj tseem ua ntawv thov tau tabsis koj yuav tsum tau tsa tes cog lus tias koj yeej tsis muaj tus lej cim tiag. Nws yeej muaj ib qho chaw nyob hauv daim ntawv thov rau koj sau qhov no.

Yuav kom sib yuav raug cai nyob hauv lub xeev Minnesota koj ua ntawv thov tau daim ntawv tso cai rau neb sib yuav thiab neb yuav tsum raug muab sib yuav los ntawm ib tug neeg muaj cai ua qhov kev cai muab neb sib yuav.  Thaum koj ua cov nod tag lawm, koj thiaj tau txais daim ntawv pov thawj sib yuav.

Nyob hauv Minnesota, koj yuav tsum muaj 18 xyoo thiab muaj peev xwm txiav txim siab rau koj tus kheej yog koj xav sib yuav.

Nco ntsoov: Minnesota tsis lees paub cov kev sib yuav nrog ib tug tsis tau muaj hnub nyoog uas tawm lub xeev mus sib yuav. 

• Yog koj xav sib yuav, koj sib yuav tsis tau nrog lwm tus neeg lawm.

• Yog koj twb sib yuav dua los lawm, koj yuav tsum sib nrauj kom raug cai los ntawm koj tus txij nkawm uas kom yuav ua ntej. Sib nrauj kom raug cai yog ib qho sib nrauj es ua raws li cov cai sib nrauj hauv lub xeev los yog lub teb chaws es qhov kev sib nrauj ntawd tshwm sim.  Nyob hauv lub xeev Minnesota, koj yuav tsum tau mus rau hauv lub tsev hais plaub thiab ib daim ntawv tso cai rau neb sib nrauj yuav tsum tau kos npe los ntawm tus neeg txiav txim thiab muab zwm cia rau hauv lub tsev hais plaub ua ntej yuav yog ib qho kev sib nrauj raug cai.

• Lub xeev Minnesota tsis pub cov txheeb ze es koom roj koom ntshav sib yuav.  Koj sib yuav tsis tau:

  • Koj yog cov nus muag koom roj koom ntshav los sis yog cov menyuam es coj los tu (adopted)
  • Koj yog cov es menyuam xeeb ntxwv es koom roj koom ntshav los sis yog cov menyuam xeeb ntxwv es coj los tu (adopted)
  • Koj tus nus lossis viv caus
  • Koj cov ntxhais xeeb ntxwv log yog tub xeeb ntxwv es muaj tej qhov koom roj koom ntshav
  • Koj ib tug txheeb ze li nus thiab muam npaws (first cousins).  Tus txheeb ze (first cousins) yog cov menyuam ntawm koj tus niam dablaug/ntxawm los yog dablaug/txiv ntxawg es es koom roj koom ntshav.

Yog xav paub ntau dua txog mus thov daim ntawv tso cai sib yuav thiab kom muaj ib qho kev cai ua rau kev sib yuav, mus saib daim ntawv qhia tseeb Kev Sib Yuav Hauv Minnesota.