Muhaajiriinta aan Sharciga Lahayni ma ku Guursan Karaan Minnesota

Cid walba oo joogta wadanka United States waxay leeyahay xaq ah inay guuran karto. Taasi waa run sharcigaaga wadanku waxa uu rabo ha noqdee. Laakiin, ku guursiga wadanka US ama guursiga qof muwaadin Mareykan ah (US) ah KAAMA ilaalinayso adiga masaafurin.  

Gobolka Minnesota codsiyada warqada nikaaxa waxa ay leedahay meel lagu buuxiyo lambarka sooshal sakuuratiga. Hadii aadan haysan lambarka sooshal sakuuratiga, wali aad codsan kartaa laakiin waa inaad ku dhaarataa inaadan haysan mid. Waxaa jira meel lagu sameeyo arrinan oo ka mid ah foomka codsiga.

Si aad si sharci ah ugu guursato Minnesota waxa inaad codsataa warqada nikaaxa uuna meherka sameeyo qof loo ogol yahay inuu sameyn karo.  Kolka waxyaabahaa la sameeyo waxa aad heli warqada nikaaxa.

Gobolka Minnesota, waa khasab inaad 18-sanno jir tahay aadna awoodo inaad adigu go’aanadaada gaari karto haddii aad rabto inaad guursato.

Ogow: Minnesota ma aqoonsato guurarka dadka aan qaan gaarka ahayn ee gobolka kale ugu safra si ay u soo guursadaan. 

• Hadii aad doonayso inaad guursato, qofka kale isuma qabi kartaan kolkaa.
• Hadii hadda ka hor aad guursatay, waa khasab inaad qofkii hore si sharci ah aad isu furteen.  Furiinka sharciga ahi waa kan u hogaansama sharciyada furiinka ee gobolka ama degmada uu furiinku ka dhacay. Gobolka Minnesota, furiinka waa khasab inuu maro nidaam maxkamadeed waxa uuna u baahan yahay in amar maxkamadeed uu saxiixo xaakim lagana xareeyo amarkaa maxkamada ka hor inta furiinku uusan noqon mid sharciyeysan.
• Minnesota uma ogolaato qaar ka mid ah dadka ehelka aadka isugu dhawi ahi inay is guursadaan.  Ma guursan kartid:
  • Ilmaha aad adigu dhashay ama soo korsatay.  
  • Ilmaha aad awoowaha ama ayeeyada u tahay ama ilmahaagu ay soo korsadeen.
  • Walaalkaa ama walaashaa.
  • Ilmaha aad adeerka ama eedada u tahay hadii ay jirto riximnimo
  • Ilma adeerada koowaad. Ilma adeerada koowaad waa ilmaha eedadaa ama adeerkaa dhalo ee aad riximka tihiin.

Wixii akhbaar ah ee kale ee ku saabsan warqada nikaaxa ama xaflada meherka, fadlan ka eeg warqadayada xogta aruursan ee Guurka Minnesota (Marriage in Minnesota).