Koj xauj tsev nyob thiab tagnrho koj tsev neeg cov nyiaj tau rau xyoo 2021 yog tsawg tshaj $62,920 (qhov teem nyiaj nce yog muaj cov koj tau yug ntxiv)
LOSSIS
Koj yuav koj lub tsev thiab nyiaj tau los rau koj tsev neeg yog tsawg tshaj $119,790 rau xyoo 2021(qhov teem nyiaj nce yog muaj cov koj tau yug ntxiv) thiab
Koj tsis yog tos lwm tus yug koj rau xyoo 2021 ntawv ua se rau tsoom fwv, thiab
Koj nyob ib xyoo txwm nkaus los sis ib ntus hauv Xeev Minnesota no rau xyoo 2021thiab
Koj them nqi xauj tsev rau ib lub tsev loj uas raug them se LOS SIS koj yuav koj lub tsev lawm.
NCO CIA: Yog tias koj yog tus tswv tsev koj YUAV TSUM muaj tus social security naj npawb thiaj txais tau cov nyiaj se them rov qab ntawm cov se vaj tse. Yog tias koj yog ib tug neeg xauj tsev, koj yuav tsum muaj ib tug social security naj npawb lossis ib tug naj npawb siv tau ua se individual tax identification number (ITIN).
Yog koj xaub tsev nyob, koj tus tswv tsev yuav tsum muab daim Certificate of Rent Paid (CRP) tsis lig tshaj lub Ib Hlis Ntuj, tim 31, Xyoo 2022 no rau koj. Yog tias koj yog tus tswv tsev, siv koj daim Property Tax Statement.
Mus nqa daim ntawv ua se hu ua 2021 Form M-1PR, Homestead Credit Refund (rau cov tswv tsev) thiab Renter Property Tax Refund. Koj mus nqa tau tom chaw qiv ntawv, hu rau (651) 296-3781, lossis sau ntawv mus rau: MN Tax Forms, Mail Station 1421, St. Paul, MN 55146-1421.
Koj kuj muab tau cov ntaub ntawv thiab lwm yam qhia txog kev ua se ntawm lub vas sab: www.revenue.state.mn.us.
Yog koj xav ua raws kev xa ntaub ntawv, muab daim ntawv sau kom tiav, muab koj daim CRP nrog yog koj xaub tsev nyob, thiab xa mus. Daim ntawv no yuav mus kom txog lub 8 Hlis Ntuj, tim 15, xyoo 2022.
Muab xa mus rau:
Minnesota Property Tax Refund St. Paul, MN 55145-0020.
Koj yuav tau cov nyiaj them se rov qab no li 90 hnub tom qab hnub tim 15 lub 8 Hlis Ntuj.
Koj muaj feem tau koj cov nyiaj them se rov qab ntxov dua mus txog 30 hnub yog koj xa hauv vas sab thiab ua raws li cov nram no:
Ua ntawv tsis txhob dhau lub Plaub Hlis Ntuj tim 30 yog koj yog tswv tsev. Ua ntawv tsis pub dhau lub Xya Hlis Ntuj tim 31 yog koj xauj tsev lossis koj yog tswv tsev rau cov vaj tsev tsheb cab.
Xaiv qhov kom xa nyiaj ncaj qha tuaj rau tom koj lub txhab tso nyiaj. Qhov nod txhais tias cov nyiaj yuav muab tuaj mus tso rau hauv lub tuam txhab koj tso nyiaj.
Koj twb ua daim ntawv M1PR xyoo tas lawm
Koj yuav tsum tau daim CRP ntawm tus tswv tsev yog koj koj xauj tsev
Koj ua ntawv tau mus txog 1 xyoo lig. Yuav kom tau cov nyiaj them se rov qab ntawm xyoo 2021, koj muaj txog lub Yim Hlis Ntuj, tim 15, Xyoo 2023 los ua koj daim se.
Hu tus tswv tsev thiab nug kom tau ib daim ntawv CRP. Yog ua li ntawd tsis tau thiab, sau ib tsab ntawv mus rau tus tswv tsev kom xa ib daim tuaj rau koj thiab sau qhia tias yog nws tsis muab, nws yuav raug nplua $100 rau ib daim CRP uas tsis xa tuaj. Qhia tus nqi koj them rau xauj tsev xyoo 2021. Luam ib daim rau koj khaws cia.
Yog koj tus tswv tsev pheej tsis kam muab koj daim CRP rau koj, hu rau Department of Revenue ntawm (651) 296–3781. Hais kom lawv tiv tauj tus tswv tsev thiab tsub nqi nplua yog tus tswv tsev tseem pheej tsis xa tuaj rau koj.
Lub Department of Revenue muaj feem muab tau daim ntawv Rent Paid Affidavit rau koj teev npe kom koj txhob tau sau rau daim CRP. Koj yuav tsum khaws tej ntaub ntawv pov thawj lossis lwm yam uas qhia tau tias koj them nqi xaub tsev npaum cas. Yoj koj tsis muaj ntawv pov thawj, siv daim ntawv cog lus xauj tsev nyob, muab xa mus, tej ntaub ntawv koj muaj yeej meem muab xa mus, lossis lwm yam uas qhia tias koj yeej nyob ntawm lub tsev thiab them nqi xauj tsev lawm. Yog koj qhia tau tias koj nyob ntawd, thiab tias tus nqi xauj tsev yeej raug nqi li cas, ces siv tej pov thawj no los qhia tias nqi xauj tsev yeej tau them mus lawm.
Yog koj tau nyiaj tsawg, xiam oob qhab, lossis yog tus neeg laus, koj muaj feem tau kev pab dawb. Nrhiav ib qho chaw ze koj, hu rau Department of Revenue ntawm (651) 297–3724 lossis koom haum United Way, thoob plaws hauv xeev no, ntawm 2-1-1.
