Nyob rau tej lub zos koj xauj tsis tau tsev yog tsis muaj daim ntawv xauj tsev. Qees zaum koj toobkas evsawslas tshwj xeeb rau lub tsev thiaj xauj tau tsev. Tshawb xyuas hauv koj lub zos. Yog koj tsis muaj tej no tabsis yuav tsum muaj, tej zaum koj yuav ntsib teebmeem ntawm kevcai lij choj. Mus nrog ib tug kws lij choj tham seb yog hais tias lees tias neb yog tus tswv tsev/tus xauj tsev no puas yog ib qhov zoo tswv yim los tsis zoo.
Qees zaus kuj zoo dua yog tias neb yog tus tswv tsev-tus xauj tsev. Qhia kom meej hais tias ib sab xav kom tau dabtsi thiab sau txhua yam lus cog tseg rau hauv ntaub ntawv.
Raws li txoj kevcai tus tswv tsev yuav tsum sau ntawv muab sijhawm kom ntev li lub sijhawm them nqi tsev ib zaug rau nws tsiv tawm. Yog tsis muaj nqi tsev them li, tus tswv tsev yuav tsum muab sijhawm 3 lub hlis rau tus neeg xauj tsev tsiv tawm.
Piv ntxwv: yog tus qhua them nqi tsev rau koj thaum lub Rau Hlis tim 1, koj yuav tsum muab daim ntawv kom nws tawm tsev tsis pub dhau lub Rau Hlis tim 30 hais kom lawv tsiv tawm tsis pub dhau lub Xya Hlis tim 31.
Yog tus qhua tseem nyob thaum lub Yim Hlis tim 1, koj ua tau ntawv ntiab tawm tsev tau. Yog koj yeej, lub tsev hais plaub yuav daim ntawv ”Writ of Recovery” Tso Cai rau Tub Ceevxwm Muab Tshem Tawm. Yog tus qhua tsis kam tawm, nqa daim ntawv Tso Cai rau Tub Ceevxwm Muab Tshem Tawm mus rau tub ceevxwm lub hoobkas hauv lub nroog. Tus ceevxwm yuav tuaj tshem tus qhua tawm. Nco ntsoov, ua ntawv ntiab tawm tsev yuav tshwm hauv koj tus qhua qhov keebkwm. Tej zaum qhov no yuav nyuaj rau lawv mus nrhiav lwm qho chaw nyob.
Khaws tagnrho tej ntaub ntawv thiab lus cog tseg nrog ntawm tus qhua es thiaj muaj povthawj pab koj rooj plaub hauv tsev hais plaub. Ua ntej koj ua ntawv ntiab tawm tsev, sau naj npawb lo rau ntawm cov qhov rooj hoob txaj pw, es tus tub ceevxwm thiaj li paub hais tias tus qhua nyob rau thaj chaw twg. Tej zaum koj yuav hu rau tus kws kho qhov rooj tuaj hloov cov pob qhov rooj xauv sai li sai tau tom qab tub ceevxwm tshem tus qhua tawm lawm. Yog koj hloov cov pob qhov rooj xauv lossis tshem lawv tej khoom ua ntej tub ceevxwm tshem lawv tawm, lawv foob tau koj.