Muag ib lub Tsheb Qub li cas

Yog koj xav muag koj lub tsheb, muaj ntau txoj hau kev pab koj zam kom txhob muaj teeb meem tom qab, xws li tau ib daim pib (ticket) uas tsis yog koj li lossis raug foob rau tsheb sib nrau koj tsis muaj feem nrog. Sim ua raws li cov lus hauv daim ntawv no kom muaj kev nyab xeeb rau koj tus kheej.

Yuav tsum sau daim ntawv sib pom zoo cia. Ua li no koj thiab tus neeg yuav koj lub tsheb thiaj li muaj feem paub tseeb txog tus nqi thiab lub tsheb zoo li cas. Neb ob leeg yuav tsum kos npe rau daim ntawv sib pom zoo thiab luam ib daim cia. Daim ntawv sib pom zoo yuav tsum muaj: 

• Koj lub npe tus neeg muag tsheb

• tus neeg yuav tsheb lub npe

• lub tsheb Vehicle Identification Number (VIN)

• tus license plate naj npawb

• koj muag lub thseb pes tsawg

• lub tsheb zoo li cas – feem ntau koj muag lub tsheb “as-is” li ntawm

• tim hnub uas muag lub tsheb

• leej twg them tus nqi paub npe thiab cov se

Los lus “warranty” yog kev cog lus lav txog lub tsheb zoo li cas nyob rau hnub muag tsheb. Yog koj tsis xav raug lav kho lossis raug teeb meem tom qab rau lub tsheb, qhia tus neeg yuav tias lub tsheb koj muag yog “as is” li ntawm. Sau cov lus no rau daim ntawv sib pom zoo.

Hais kom tus neeg yuav muab them nyiaj ntsuab tag nrho, “money order” lossis “cashier’s check” los ntawm tuam txhab ceev nyiaj. Txhob muab daim puav pheej thiab tus yawm sij ua ntej koj tau cov nyiaj. Txhob txais lawv daim tshev tsam tsis muaj nyiaj, lossis muab daim tshev tshem ua ntej koj tau cov nyiaj.

Txhob ntseeg lwm tus neeg cov lus cog tseg tias lawv mam ua hli them lossis tej thaum mam them. Yog koj pom zoo rau tus neeg yuav mam maj them zuj zus, cim cov lus teem maj mam them sau rau daim ntawv thiab kom meej hauv daim ntawv tias yog tseem muaj dab tsi rau lub tsheb thiab thiab cov nyiaj twb them yog tus neeg yuav tsheb tsis them tag nrho cov nyiaj. Txawm tias muaj lus pom zoo, tej zaum tseem nyuaj, kim, thiab siv sijhawm ntau mus hais hauv tsev hais plaub kom lawv them cov nyiaj tseem tshuav rau koj yog lawv tsis them. Coob tus neeg yeej rooj plaub hauv tsev hais plaub yeej mus sau tsis tau cov nyiaj.

Ntau tus neeg txais cov nyiaj, kos npe rau daim puav pheej thiab dua thiab xa daim ntawv “Notice of Sale” hauv qab daim puav pheej. Txhais tau tias koj cia tus neeg yuav mus hloov npe kom tiav. Ua tau qhov no yog sawv daws ua li lawv yuav tsum tau ua. TAB SIS muaj ntau zaus, lawv tsis ua! Ces koj raug nplua lossis raug teeb meem txhaum cai lossis lwm yam.

Dua diam ntawv “Notice of Sale” tsis yog pauv npe rau daim puav pheej.
Yog koj xav kom muaj kev nyab xeeb kiag thiab paub tseeb tias txhuas yam ua yog lawm, tus neeg yuav tsheb thiab koj yuav tsum mus tom Driver and Vehicle Services (DVS) thiab ua cov ntaub ntawv ua ke tim ntsej tim muag. Tsis nkim lub zog mus tim ntsej tim muag kom zam dhau teeb meem txhaum cai thiab lwm yam teeb meem tshwm sim tom qab, xws li raug nplua lossis raug foob.

Nrhiav DVS cov hoobkas  thiab teev ntawm https://onlineservices.dps.mn.gov/EServices/.   

• Nyob ntawm “DVS Information” lub thawv nias rau “Find Office Locations”  

• Ntau cov lus lawv nug rau hauv no 

Koj kuj hu tau (651) 297-2005 mus nhriav cov hoobkas.

Yog koj daim puav pheej tseem poob lawm, koj yuav tsum mus ua ib daim luam ua ntej pauv npe tau rau tus tswv tshiab. Nug koj lub hoobkas DVS seb qhov no yuav ntev npaum li cas. Yog koj mus ua tim ntsej tim muag, tej zaum ib ob hnub xwb tiav lawm.

Thaum koj mus txog tom DVS lub hoobkas, koj yuav tsum kos npe rau daim puav pheej tseem rau tus neeg yuav tsheb thiab teb lwm cov lus toobkas. Tus neeg yuav tsheb thiab koj yuav tsum ua daim ntawv Application to Title/Register a Vehicle (lus Askiv xwb). Koj nrhiav tau daim ntawv hauv online lossis mus muab tom hoobkas. Tej zaum koj yuav tsum paub cov mais ntawm lub tsheb muab sau cia ua ntej koj mus. Tej zaum koj yuav tsum qhia tej yam puas dhau los ntawm lub tsheb. Yog daim puav pheej rau lub tsheb tseem tshuav nuj nqi (lien), koj yuav tsum muaj ib daim ntawv tso nuj nqi tseg lossis muaj daim ntawv ntau thwj tso tseg qhov nuj nqi ua ntej pauv tau daim puav pheej rau tus neeg yuav tsheb.

Xa tag nhro cov ntaub ntawv thiab nqi ua ke mus. Ua li no koj thiaj li puab tseeb tias nws ua tiav.

Koj lossis tus neeg yuav tsheb yuav tsum them tus nqi thiab se thaum pauv npe ntawm daim puav pheej. Hais kom meej seb leej twg yuav tsum them cov nqi no. Nqi thiab se ib txum yog:

• Nqi rau Puav Pheej: $8.25 (ntxiv $2.00 rau txhuas daim ntawv tso tseg nuj nqi)

• Se Pauv Npe: $10.00

• Nqi rau Public Safety Vehicle: $3.50

• Nqi Txuj Ci: $2.25 

• Nqi ua ntaub ntawv: $10.00

• Motor Vehicle Sales Tax Nqi Se rau Lub Tsheb. Muaj ntau yam los txiav txim rau qhov se no, xws li lub tsheb muaj nqe npaum li cas, lub tsheb qub npaum li cas etc.

Qhia txog muag lub thseb tsis zoo ib yam li pauv npe ntawm daim puav pheej. Yog koj mus pauv daim puav pheej tim ntsej tim muag, qhov no suav tau tias koj qhia tias koj muag lub tsheb lawm. Yog koj muab daim puav pheej rau tus neeg yuav tsheb thiab tsis mus tom DVS mus ua cov ntaub ntawv, koj yuav tsum qhia tias koj muab lub tsheb muag tsis pub dhau 10 hnub. Cim cia: Yog koj muag rau ib lub chaw muag tsheb koj tsis tas yuav qhia tias koj muab lub tsheb muag lawm.

Muaj 2 txoj hau kev los qhia tias koj muab lub tsheb muag lawm.

Hauv Online:  Koj qhia tau hauv online ntawm https://onlineservices.dps.mn.gov/EServices/_/#1  (lus Askiv xwb)

• Nias Divisions nyob rau sab saum toj qhov kev xaiv

• Nias Driver and Vehicle Services hauv lub npov xaiv

• Nias Services

• Nias Transfer Vehicle Title

• Nias Report Sale of a Vehicle
   

Xa hauv Npov mus: Teb cov lus ntawm qhov “Notice of Sale” nyob rau hauv qab koj daim puav pheej.  Nco ntsoov sau tus neeg yuav lub npe, chaw nyob, thiab naj npawb daim npav tsab tsheb, yog muaj, hnub tim muag tsheb. Dua, thiab xa mu rau DVS ntawm:

Driver and Vehicle Services – Central Office
Town Square Building
445 Minnesota Street, Suite 168
Saint Paul, MN 55101-5168

Yog muab lub tsheb pub dawb lossis pov tseg, qhia rau DVS.