Pab Them Kho Mob Xwm Ceev (EMA)

Pab Them Kho Mob Xwm Ceev (EMA) yog lub tsoom fwv khooskas noj qab hauv huv rau cov neeg tsis yog xam xaj uas muaj mob kev xwm ceev.  EMA yog “qhov-them-tom-kawg-kiag.” Qhov no txhais tau tias tsuas yog cov neeg tsis tau Pab Them Kho Mob (MA) vim lawv tsis yog neeg xam xaj (xws li, neeg txawv tebchaws tsis muaj ntaub ntawv, menyuam txawv tebchaws tuaj kawm ntawv thiab neeg txawv tebchaws tuaj ua haujlwm) thiaj tau EMA xwb.  EMA tsuas them rau kho mob xwm ceev xwb.

Yog koj yog tus neeg tsis tau xam xaj thiab tau nyiaj tsawg thiab koj thov tsis tau Pab Them Kho Mob (MA) vim koj tsis yog neeg xam xaj, tej zaum lub khooskas no yuav pab koj them kho mob xwm ceev.  Lub nroog txiav txim seb leejtwg muaj feem tau thiab lub xeev txiav txim tias yam kob mob twg yog xwm ceev.

Nco Cia:  Xwm ceev MA Tsis sau li kev pab raws li cov kevcai txog tsoom fwv nqi.

Yuav kom tau EMA, koj yuav tsum yog tus neeg tsis tau xam xaj THIAB nyob hauv Minnesota.  Koj yog neeg nyob yog koj nyob hauv Minnesota thiab suav tias Minnesota yog koj lub tsev.  Yog koj lub tsev nyob lwm qhov chaw thiab tsuas tuaj xyuas Minnesota ib ntus xwb, ces tej zaum tsis suav tias koj nyob hauv Minnesota. 

“Kev mob xwm ceev” yog tus mob nyhav lossis qhov teebmeem mob yuav

• Ua teebmeem loj rau koj lub cev, lossis
• Ua raug mob loj rau koj lub cev kom tsis ua haujlwm, lossis
• Ua mob loj rau koj tej siab ntsws tsis haujlwm tsis zoo lossis puas tshuaj
   

Nws kuj suav tej yam ua mob heev, xws li pob txha lov, lossis mob tamsim, tsos mob txaus ntshai li mob hauv siab, dias totaub heev lossis qhov muaj plawj. Feem ntau, tsis suav ntau cov mob tau ntev lawm, tabsis suav tau tej yam yog tsis kho ces tau coj mus tom tsev kho mob xwm ceev, xws li cov neeg muaj ntshav qab zib yuav tsum tau tshuaj “insulin,” kev mob nyuaj txog HIV, raum tsis ua haujlwm yuav tau lim ntshav, thiab mob nqaij hlav “cancer” yuav tau kho sai li sai tau. 

Txawm yog tias koj toobkas ib lub, feem ntau EMA tsis them phais hloov tej siab ntsws.  Tabsis, tamsim no, Minnesota them rau phais hloov raum rau cov neeg tau EMA.  Nrog koj tus kws kho mob tham yog koj xav tias qhov no yog rau koj.   

Hauv Minnesota, MA them tagnhro cov pojniam cev xeeb tub tau nyiaj tsawg, txawm yog tias koj tsis muaj ntaub ntawv lossis tuaj nyob tebchaws no ib ntus xwb.  MA pib them thaum koj paub tias koj cev xeeb tub mus txog 60 hnub tom qab koj yug menyuam. 

Yog koj cev xeeb tub, lossis xav tias tej zaum cev xeeb tub, ua ntawv thov MA rau cov pojniam cev xeeb tub tim lub nroog hoobkas pab tsoom fwv, hauv lub tsev kho mob, lossis hauv lub chaw kuaj tsev neeg npaj muaj menyuam. Saib daim ntawv qhia tseeb Medical Assistance thiab Cev Xeeb Tub.

EMA tsuas them kho mob rau tej qhov toobkas rau koj qhov mob xwm ceev xwb.  Nws tsis them rau lwm cov nqi kho mob, xws li kuaj kho mob, feem ntau kuaj hniav, lossis tshuaj rau cov mob tsis xwm ceev.

EMA them rau kho mob hauv tsev kho mob lossis chav xwm ceev.  Tej zaum EMA kuj them rau kev tu lossis tshuaj koj tau hauv koj tus kws kho mob lub hoobkas lossis chaw kho mob me tom qab koj tawm hauv tsev kho mob lossis ER.

Koj tus kws kho mob yuav tau ua cov ntawv hu uas "Care Plan Certification Request" qhia tias koj qhov kev tu/kho mob sab nraum tsev kho mob txuam koj qhov mob xwm ceev li cas.

Koj siv tau EMA nrog lwm txoj kev los them rau koj qhov kev kho mob.  Yog lwm lub khooskas xws li MinnesotaCare lossis kev pab dawb pab them rau lwm yam kuaj mob rau koj, lossis koj mus kuaj lwm yam mob hauv chaw kuaj mob dawb, EMA yeej tseem them rau koj qhov kho mob xwm ceev.

Muaj, EMA qhov teem tsis pub tshaj rau nyiaj tau los thiab cuab yeej cuab tam zoo tib yam li cov teem rau MA. Koj mus nrhiav tau cov txwv ntawm lub MN Department of Human Services lub vas sab ntawm https://mn.gov/dhs. Ntaus ntawv nyiaj tau los thiab cuab yeej cuab tam teem txwv rau ntawm lub npov tshawb (search bar) thiab nias rau lub npe zoo li ntawd ntawm daim ntawv tawm los.

• Yog koj nyiaj tau los siab tshaj qhov teem, koj “siv kom tsawg” qhov nyiaj seem ntawm qhov nqi kho/kuaj mob.
• Yog muaj lwm tus ua ntawv tos koj tuaj, tsis suav tus neeg tos koj cov nyiaj tau los thiab tej cuab yeej cuab tam.

Tib yam li rau MA, koj mus thov rau EMA tim nroog lub hoobkas tsoom fwv “welfare.”  Koj kuj thov tau hauv tsev kho mob thiab.  Yog koj mob heev lossis raug mob sab heev thov tsis tau, neeg ua haujlwm hauv tsev kho mob mas ua ntaub ntawv thov rau koj.

Yog koj muaj feem tau EMA, nws pab them tau nqi rau kho mob xwm ceev 3 hlis ua ntej koj ua ntawv thov.  Qhov no txhais tau tias tej zaum koj yuav tau kev pab them nqi kho mob uas koj twb muaj lawm.  Rov hais dua, EMA tsuas them rau kho mob xwm ceev xwb, xws li Chav Mob Xwm Ceev lossis cov phais xwm ceev.

Tagnrho cov lus koj qhia tsis pub lwm tus paub.  Tsis pub qhia rau lwm lub tsoom fwv lossis lwm yam khooskas tsis yog tsoom fwv.  Koj tsis tau muab ib tug tus Social Security naj npawb.  Lawv tsuas nug txog koj qhov xwm txheej nyob tebchaws no nkaus xwb kom paub tseeb tias koj tsis tsim nyog txais lwm lub khooskas tsoom fwv kho mob.

• Nug lub khooskas hauv nroog lub hoobkas pab neeg seb puas muaj kev pab dawb lossis them-tsawg rau kho mob nyob qhov twg.

• Mus nrhiav lwm cov koomhaum uas pab nrhiav them tsawg rau kho mob hauv koj ceeb tsam lossis pab ua koj daim ntawv thov MA, hu 2-1-1 thoob xeev.  Lossis ntaus koj tus zip code hauv xov tooj mus rau 898-211 lossis tham hauv online ntawm www.211unitedway.org/about-211/hmong/.

• Hu dawb rau 1-(877) 696-6529 mus nrhiav lub hoobkas legal aid ze koj. Lossis mus nrhiav kev pab los ntawm lwm cov kev pabcuam ntawm www.lawhelpmn.org/hm/providers-and-clinics.