Medical Assistance thiab Cev Xeeb Tub

Medical Assistance (MA) yog Minnesota Medicaid lub khooskas pab them kho mob rau cov neeg khwv tau nyiaj tsawg. MA muaj kev kho mob dawb rau cov menyuam yaus thiab tsev neeg, cov neeg cev xeeb tub, cov neeg laus uas tsis muaj menyuam, cov laus, thiab cov neeg dig muag lossis muaj ib qhov xiam oob qhab.

CHIP-Funded MA, los yog MA-Pregnant, yog muaj rau cov neeg cev xeeb tub uas tsis muaj feem tau MA vim tias lawv tsis muaj ntaub ntawv nyob tebchaws no, tsuas tau ntawv txawv tebchaws nyob ib ntus lossis tsis yog xam xaj.

MA-Pregnant pab them kho mob pib kiag thaum koj xav hais tias koj cev xeeb tub lawm. Qhov pab them kho mob kas 12-hli tom qab yug menyuam tas. Lub sijhawm tom qab yug menyuam tas yog hu ua lub sijhawm “postpartum period.”

Nco Cia: lub sijhawm nyob nruab hlis pib hnub uas lub cev xeeb tub xaus. Tsis hais yug menyuam lossis tsis yug

Yog koj cev xeeb tub lossis nyob rau lub sijhawm nyob nruab hlis, tej zaum koj yuav muaj feem tau MA-Pregnant. Koj yuav tsum:

• cev xeeb tub lossis nyob rau hauv lub sijhawm 12-hlis tom qab ntawd thiab
• muaj kom raws li MA cov cai, xws li nyiaj khwv tau los thiab neeg xam xaj/txawv tebchaws cov cai

Nws muaj lus qhiab ntxiv txog kev muaj feem  nyob hauv “MN Health Care Programs Eligibility Policy Manual” ntawm DHS lub vas sab: https://mn.gov/dhs. (lus Askiv xwb)

Yog koj tau MA los ntawm qhov cev xeeb tub raws li cai muaj feem, koj tau kev pab kho mob thaum lub hlis cev xeeb tub mus txog thaum xaus ntawm 12-hlis tom qab yug menyuam tas. Tsis txawv li cas txawm hais tias yuav muaj kev hloov ntawm koj kev khwv nyiaj tau los, tsev neeg coob li cas, lossis yuav tsum tau rov qab thov dua tshiab.

Yog lawm. Yog koj cev xeeb tub thiab tsis muaj ntaub ntawv nyob tebchaws no, tej zaum koj yuav muaj feem tau CHIP-Funded MA-Pregnant lossis Emergency Medical Assistance (EMA). Yog koj ua ntawv thov lossis twb tau CHIP-Funded MA rau neeg cev xeeb tub lossis EMA lawm, tsis tas koj yuav muab koj tus Social Security naj npawb lossis qhia tias koj muaj ntaub ntawv nyob tebchaws no lossis tsis muaj. Saib peb daim ntawv qhia Pab Them Kho Mob Xwm Ceev (EMA).

Tej zaum koj yuav muaj feem tau CHIP-Funded MA-Pregnant yog tias:

• koj yog ib tug tsis muaj ntaub ntawv nyob tebchaws no lossis yog ib tug tsis tau xam xaj uas tsis muaj feem tau MA.
• koj khwv nyiaj tau $4,568 ib hlis twg lossis tsawg dua. Qhov no yog rau tsev neeg muaj 2 leeg (koj thiab koj plab menyuam = 2). Qhov teem rau tau nyiaj khwv los income limit nce siab dua yog hais tias nws muaj neeg coob dua hauv koj tsev neeg.
• koj tsis zwm npe rau lwm hom isalas kho mob, thiab
• koj nyob hauv Minnesota

Nws muaj qhia ntxiv txog kev muaj feem muaj lus qhiab ntxiv txog eligibility nyob hauv “MN Health Care Programs Eligibility Policy Manual” ntawm DHS lub vas sab: https://mn.gov/dhs.

Yog koj cev xeeb tub, lossis xav hais tias tej zaum cev xeeb tub, mus ua ntawv thov MA ntawm www.MNSure.org. Yog koj tsis muaj feem tau MA vim koj tsis muaj ntaub ntawv nyob tebchaws no, nug koj tus kws kho mob lub hoobkas txog ua haujlwm nrog ib tug pab coj kev dawb lossis lwm tus neeg koj ntseeg siab los pab koj ua ntawv thov. Lossis tiv tauj Contact Project Care kom tau kev pab dawb los ntawm ib tug neeg muaj ntaub ntawv nrhiav kev pab hauv MnSure ntawm 320-253-1021 lossis projectcare@mylegalaid.org.    

Koj kuj mus ua ntawv thov tau tom koj lub nroog kev pab (welfare) lub hoobkas.

Yog koj tau CHIP-funded MA-Pregnant vim cev xeeb tub, ces cia li yuav ta u kev pab rau lub sijhawm 12-hlis tom qab cev xeeb tug xaus. Nws yuav cia li ua li no, koj tsis tas yuav ua dabtsi li. 

CHIP-funded MA-Pregnant pab kho mob them tau ntaum yam. Qhov kev pab tsis txwv rau kev kuaj/kho cev xeeb tub xwb. Rau lub sijhawm cev xeeb tub thiab lub 12-hli tom qab cev xeeb tub xaus, yuav pab koj them rau tej yam xws li: 

• Mus ntsib tus kws kho mob thiab kuaj hauv tsev kho mob me
• Cov kev pab hauv tsev kho mob loj thiab kuaj txog kev pojniam
• Kuaj hniav
• Cov kev pab rau puas siab puas ntsws thiab kev siv tshuaj thiab dej cawv
• Cov tshuaj kws kho mob sau ntawv mus yuav
• Cov khoom siv kho mob – xws li cov cav nqus niam mis thiab kuaj ntshav siab

Mus saib phaj ntawv Piav Txog Tej Kev Duav, Tej Kev Them, Nqi Thiab Tej Kev Cai txog cov kev pab kom ntxaws dua. Mus rau https://mn.gov/dhs.

• Nias rau eDocs document library saum toj sab xis ntawm phab ntawv
• Ntau 3860 rau hauv lub thawv tshawb nrhiav
• Nias rau “Hmong - Lus Hmoob”  thiab nias rau “Search”

Yog koj tau txais MA rau hnub uas koj yug menyuam, ces koj tus menyuam yog “tau kev pab rau mob liab.” Qhov no txhais hais tias koj tus menyuam cia tau kev pab MA rau 1 xyoo. Cov mob liab tsis tas muaj cov txheej xwm li MA cov cai tsuas yog hais tias nws nyob hauv Minnesota. Lawv tau kev pab mus txog lub hlis kawg thaum lawv muaj ib xyoos. Koj tsis toobkas thov ntaub ntawv kho mob rau tus menyuam “auto newborn.” Tiamsis koj yuav tau tiv tauj lub nroog thiab qhia hais tias koj yug koj tus menyuam lawm, kom lawv pib cov ntaub ntawv kho mob npog nws. Yog koj tus menyuam yug hauv lub tsev kho mob, hais kom lub tsev kho mob qhia tias koj yug menyuam rau nram lub nroog.

Nws muaj qhia ntxiv txog cov mob liab cia li tau kev pab ntawm muaj lus qhiab ntxiv txog "auto newborn eligibility" hauv “MN Health Care Programs Eligibility Policy Manual” ntawm DHS lub vas sab: https://mn.gov/dhs. (lus Askiv xwb)