Qhia qhov Chaw Nyob Hloov Tshiab rau Tsev Hais Plaub Tsiv Tebchaws (Immigration Court)

Yog hais tias koj tsis yog ib tug xam xaj U.S. thiab koj nyob qhov txheej txheem tshem tawm hauv tsev hais plaub tsiv tebchaws, koj yuav tsum qhia lub chaw haujlwm Executive Office for Immigration Review (EOIR) tias koj nyob qhov twg. Koj yuav tsum mus qhia lawv tsis pub dhau 5 hnub ua haujlwm txhua zaus koj tsiv lossis hloov koj chaw nyob. Thiab koj yuav tau qhia lawv txog koj qhov chaw nyob tshiab yog hais tias koj tau txais ib tsab ntawv uas muaj koj qhov chaw nyob thiab xovtooj tsis yog. Piv txwv: koj txais ib Tsab Ntawv kom Mus Tshwm Ntsej Tshwm Muag tiamsis qhov chaw nyob ntawd tsis yog.

Siv daim ntawv Form EOIR-33 los qhia lawv txog koj qhov chaw nyob tshiab.

Lub tsev hais plaub tsiv tebchaws tsuas hloov koj qhov chaw nyob thiab xovtooj hauv cov ntaub ntawv EOIR thaum koj xa daim ntawv mus. Lawv yuav tsis hloov koj qhov chaw nyob thiab xovtooj raws lwm txoj kev lossis cov lus sib tham nrog lub tsev hais plaub.

Koj yuav tau sau ib daim ntawv txawv rau txhua tus neeg muaj rooj plaub tab tom hais hauv tsev hais plaub tsiv tebchaws thiab tus uas hloov chaw nyob tshiab.

Yog hais tias koj tsis yog ib tug Xam Xaj U.S. tiamsis tsis muaj rooj plaub hauv tsev hais plaub tsiv tebchaws, koj kuj yuav tau qhia koj qhov chaw nyob tshiab thiab. Tiamsis koj yuav tau mus qhia rau tom qhov chaw haujlwm Executive Office for Immigration Review (EOIR), tsis yog lub tsev hais plaub. Qhov no nws ua txawv. Saib peb daim ntawv Qhia Chaw Nyob Tshiab rau USCIS.                                                                                                                                               

Nws muaj ob peb txoj kev mus hloov koj qhov chaw nyob hauv tsev hais plaub tsiv tebchaws. Lawv sawvdaws siv tib daim ntawv EOIR-33. Koj mus hloov tau koj qhov chaw nyob online, koj xa daim ntawv mus los tau, lossis koj nqa daim ntawv mus rau hauv tsev hais plaub tus kheej kiag los tau.

Yog koj nyob hauv tsev hais plaub tsiv tebchaws nrog ib tug kws txiav txim plaub, siv daim ntawv EOIR-33/IC los hloov koj qhov chaw nyob rau lub tsev hais plaub.

Yog hais tias koj rov hais dua koj rooj plaub hauv tsev hais plaub tsiv tebchaws, xa daim ntawv EOIR-33/BIA mus rau lub Board of Immigration Appeals. Koj mus muab tau daim ntawv EOIR-33/IC hauv tus kas lus “link” hauv qab. Cov lus cob qhia hauv daim ntawv no yog xa cov ntaub ntawv EOIR/IC mus rau tsev hais plaub tsiv tebchaws.

Tseemceeb: Txhua zaus koj hloov koj qhov chaw nyob nrog tsev hais plaub tsiv tebchaws, koj yuav tsum tau qhia rau cov kws lijchoj hauv Department of Homeland Security (DHS) paub thiab. Saib kem hauv qab, “Yuav qhia DHS Puab Txog Koj Qhov Chaw Nyob Tshiab Li cas” (How to Let DHS Know About Your Change of Address)                                                                            

1. Chaw nyob qub, xovtooj thiab Email   
2. Chaw nyob tshiab, xovtooj thiab Email
3. Tus npav ntsuab “Alien” – qhov no nyob rau hauv koj cov ntaub ntawv tsiv tebchaws. Nws muaj tus niam ntawv A nrog rau 7-9 tus naj npawb tom qab
4. Koj lub Tsev Hais Plaub Tsiv Tebchaws Tsiv Tebchaws Nyob Qhov Twg (Tej zaum Fort-Snelling)

Mus ua online rau ntawm https://respondentaccess.eoir.justice.gov/en/forms thiab xaiv koj hom lus nyob saum toj ces kaum sab xis. Xaiv daim ntawv uas hais txog koj: EOIR-33/33/IC rau tsev hais plaub tsiv tebchaws lossis EOIR-33/BIA rov hais dua. Teb cov lus nyob ntawm txhua nplooj hauv lub computer. Thaum ua tiav lawm, nias “submit” ces nws xa ncaj nraim hauv computer mus rau tsev hais plaub tsiv tebchaws. Koj tsis tas muaj ib tus askhauj mus ua online. Koj kuj siv cov kab lus “link” hauv qab mus ua EOIR-33/IC online uas muaj 3 hom lus.

English:   Change of Address Form (EOIR-33/IC)
Spanish: Formulario de cambio de domicilio (EOIR-33/IC)
Haitian-Creole: Fòmilè Chanjman Adrès (EOIR-33/IC)

Yog koj yuav tau hloov koj qhov chaw nyob tshiab sai li sai tau, nqa koj cov ntaub ntawv ua tiav mus rau tom lub Tsev Hais Plaub Tsiv Tebchaws nyob tom Fort Snelling. Muab daim ntawv cev kiag rau ntawm lub qhov rais tom Tsev Hais Plaub Tsiv Tebchaws.

Tsev hais plaub tsiv tebchaws qhov chaw nyob:
Fort Snelling Immigration Court
Bishop Henry Whipple Federal Building
1 Federal Drive, Suite 1850
Fort Snelling, MN 55111

Koj yuav tau muab ib daim ntawv luam Form EOIR-33 rau DHS online, xa mus, lossis tus kheej nqa mus. Koj tsis tas yuav ua tib yam lis koj ua rau tsev hais plaub. Piv txwv, koj ua tau qhov hloov chaw nyob rau tsev hais plaub online thiab xa ib daim mus rau DHS.

Ua Online:
Xa ib daim Form EOIR-33 luam mus rau DHS siv eService hauv computer online. Ua ntej, koj yuav tsum tau mus cuv npe ntawm https://eserviceregistration.ice.gov kom muaj tus askhauj. Ces ua raws li cov kauj ruam kom xa daim ntawv hloov chaw nyob mus rau lawv.

Xa mus lossis nqa mus tus kheej
Koj xa tau daim ntawv Form EOIR-33 mus rau qhov chaw nyob hauv qab. Nco ntsoov muab daim ntawv ntim rau hauv lub hnab ntawv thiab sau DHS tus kws lij choj qhov chaw nyob rau ntawd. Tsis txhob luam 2 daim ntawv xa mus rau Tsev Hais Plaub Tsiv Tebchaws.

DHS Kws Lijchoj chaw nyob
Office of the Principal Legal Advisor, Minneapolis-St. Paul
1 Federal Drive, Suite 1800 
Fort Snelling, MN 55111 

Yog koj xav nqa daim ntawv mus rau lawv koj tus kheej, DHS tus kws lijchoj chaw haujlwm yog nyob hauv tib lub tsev loj li tsev hais plaub tsiv tebchaws. Mus tom qhov chaw nyob saum toj ces muab daim ntawv Form EOIR-33 ntsaws rau hauv lub qhov xa ntawv OPLA (Office of the Principal Legal Advisor). Nws yuav xa mus rau DHS cov kws lijchoj.

Yog koj muaj ib rooj plaub hauv tsev hais plaub tsiv tebchaws, raws li txoj cai koj yuav tsum xa daim ntawv EOIR-33 mus qhia koj qhov chaw nyob tshiab tsis pub dhau 5 hnub koj tsiv tsev.

Yog xa ib tsab ntawv tuaj ntawm koj qhov chaw nyob kom koj mus hais plaub ntawm ib tug kws txiav txim immigration es koj tsis mus, DHS muaj feem txhom koj lossis tuav koj hauv qhov taub.

Tsis tas li ntawm, tej zaum koj yuav txais tsis tau cov ntaub ntawv txog koj rooj plaub yog hais tias lawv tsis tau koj qhov chaw nyob tshiab. Tsev hais plaub tsiv tebchaws hais tau koj rooj plaub txawm koj tsis mus thiab muaj cai yuam xa koj tawm tebchaws. Yog yuam xa koj tawm tebchaws vim koj tsis mus hais plaub, tej yam no tshwm sim tau: 

• tshem tawm tau txhua daim ntawv koj ua tuaj
• tej zaum koj tsis muaj feem txais tej yam kev pab yam tom ntej, thiab
• muaj feem yuav kom koj nyob tawm sab nraum U.S. li 5 mus rau 10 xyoo (ntawm no nyob ntawm koj rooj plaub xa tawm tebchaws)