SSI Them Nyiaj Tshaj

Raug them tshaj txhais tias koj tau nyiaj SSI ntau tshaj qhov koj yuav tsum tau. Qhov no tshwm sim vim koj lossis Social Security ua ib qhov yuam kev. Txawm tias yog lawv ua yuam kev los, Social security muaj feem hais kom koj them cov nyiaj rov qab.

Qhia cov kev hloov rau Social Security tam sim ntawm. Txawm koj qhia rau lawv tam sim ntawm los, tej zaum daim tshev twb xa tuaj ua ntej hloov tau qhov nyiaj.  Ces koj tau txais cov nyiaj tshaj. 

Tej yam piv txwv tshwm sim thiaj tau them nyiaj tshaj yog:

• sib yuav
• cov nyiaj tau los hloov
• pib lossis tawm ib txoj hauj lwm
• mus pws hauv tsev kho mob
• tus ntxij nkawm xiam, lossis
• tau ib pob nyiaj ntau los, xws lis nyiaj isala lossis nyiaj los ntawm tsheb sib tsoo
   

Yog koj xav tias tej yam li no yuav tshwm sim, mus nhriav tswv yim los ntawm kws lij choj los pab kom koj maim qhov raug them nyiaj tshaj.

Social Security yuav kom koj them cov nyiaj rov qab. Lawv muaj feem qhia cov nyiaj them tshaj rau  qhov chaw tiv nqi (credit bureau) kom nyob ntawm koj daim ntawv keebkwm nuj nqi.

• SSI muaj feem hais kom koj ua ib zaug them tag nrho cov nyiaj rov qab, lossis ua zuj zus them rov qab. Koj tsis tas pom zoo rau qhov no.
   
• Lawv muaj feem rho qhov nyiaj tawm ntawm koj daim tshev SSI. Lawv muaj feem rho txog li 10% ntawm koj daim tshev. Qhov no hu ua “recoupment” muab rov qab.
   
• Lawv muaj feem rho tawm koj cov nyiaj se los ntawn tsoomfwv lossis lwm yam nyiaj uas tsoomfwv tiv koj lossis tiv koj tus txij nkawm. Tab sis lawv tsis ua qhov no yog koj tseem tau SSI.
   
• Lawv muaj feem foob koj hauv tsev hais plaub rau cov nyiaj them tshaj thiab ntxiv tus nqi hais plaub. Lawv tsis ua qhov no yog koj tseem tau SSI.

Yog tsawg tshaj $1,000, Social Security yuav tsis kom koj them cov nyiaj rov qab, yog koj thov lawv kom tsis txhob ua li. Qhov no hu ua “administrative waiver” kev tswj hwm kev zam.

Koj muaj feem ua tau cov no:

• Pom zoo them rov qab thiab teem a qhov kev maj mam them rov qab. Ua li no koj thiaj li tswj tau cia lawv rho ntau npaum li cas tawm hauv koj daim tshev. Saib lawv puas kam rho tsawg tshaj 10% ntawm ib daim tshev. Cim cia: qhov tsawg tshaj lawv pom zoo rho yog $10 ib hli.
   
• Rov hais dua. Yog koj xav tias lawv tsis tau them tshaj rau koj, koj muaj feem rov hais dua. Ua ntaub ntawv foob rov qab hais dua tam sim no. Saib peb daim ntawv qhia tseeb SSI Kev Tawm Tsam, yuav qhia ua li cas rau qhov no.
  • Koj muaj 10 hnub los rov hais dua tom qab koj txais daim ntawv ceeb toom yog koj xav kom cov nyiaj ntawm koj daim tshev nyob li qub rau lub caij koj rov hais dua.
     
  • Koj muaj 60 hnub los rov qab hais dua tom qab koj txais daim ntawv ceeb toom, lossis  koj poob txoj cai rov los hais dua.
     

Cim cia:  Social Security yuav xav tias koj tau txais tsab ntawv ceeb toom 5 hnub tom qab hnub tim hauv tsab ntawv.

• Thov kom lawv “zam tsis them.”  Txhais tau tias yog lawv them nyiaj tshaj rau koj, koj yuav tsis tau them rov qab. Yog koj tsis muaj nyiaj them cov nyiaj rov qab, ua daim ntawv thov zam tsis them tam sim no. Yog koj ua daim ntawv ua ntej 30 hnub thaum txais lawv tsab ntawv them nyiaj tshaj, Social Security rho tsis tau koj cov nyiaj tawm ntawm daim tshev txog thaum koj mus ntsib nrog lawv. Yog lawv twb pib rho nyiaj tawm, ua daim ntawv thov zam tsis them yuav nres qhov lawv rho nyiaj ntxiv txog thaum lawv txiav txim. Lawv yuav tsum muab qhov zam tsis them rau koj yog cov nyiaj them tshaj tsis yog tim koj, thiab:
   
  • Nws yuav tsis ncaj ncees yuam koj them rov qab (piv txwv, koj tsis muaj nyiaj them rov qab, thiab nws yog ib yam kev txom nyem), lossis
  • Cov nyiaj them tshaj tsawg thiab tsis tsim nyog siv lub sijhawm thiab lub zog los sau cov nyiaj rov qab.
     

Cim cia: Yog cov nyiaj them tshaj tshwm sim los ntawm cov nyiaj koj tau nyob rau lub caij koj rov hais dua, cov kev cai ntawm txawv. Tiv tauj Legal Aid yog xav paub ntxiv.

Koj muaj feem ua ntaub ntawv rov hais dua thiab thov kev zam tsis them ua ke tau.

Yog lawv tsis pom zoo koj rov hais dua thawj zaus koj thov vim them nyiaj tshaj rau koj thiab zam tsis them rov qab, koj muaj feem rov hais dua ntxiv. Saib peb daim ntawv qhia tseeb, SSI Kev Tawm Tsam.