Teeb Meem Xwm Ceev Kho Kom Sai

Ib qhov teeb meem xwm ceev kho kom sai txhais tias koj tsis muaj:

• Dej siv:
• Dej kub:
• Cua sov:
• Qhov cub ua noj los ci nqaij:
• Fais fab:
• Chav dev siv:
• Tej yam kev siv los sis cov chaw, xws li tsis muaj qhov rooj nram qab los sis pem qaum tsev los sis lub pob xauv, los sis tsis muaj qhov rai:

Txais daim ntawv ceeb toom yuav muab lub tsev kaw los tsoo los sis txwv tsis pub nyob lub tsev yog ib qho kev xwm ceev, qhov no qhia tias tag nrho lub tsev nyob tsis tau lawm. Ib daim ntawv tuaj ntawm tus kws kuaj tsev hauv lub zos koj nyob tuaj ces yeej yog muaj kev xwm ceev, nrog qhov tias koj yuav tau tsiv vim koj tus tswv tsev tsis muaj ntawv tso cai xauj tsev rau koj nyob.

Hu tus tswv tsev tam sis ntawd. Yog tus tswv tsev tsis kam kho los sis tsis kam daws cov teeb meem ua qhov xwm ceev, koj muaj feem mus daim ntawv hu uas Emergency Tenant Remedies Action (ETRA). ETRA muaj ib lub npe hu tias kev pab thaum muaj kev xwm ceev. Yog ib qho zoo kom ib tug kws lij choj pab koj lis daim ntawv ETRA, tiam sis koj ua koj los tau. Hu rau koj lub chaw kev cai lij choj rau kev pab los sis tswv yim ntawm 1(877) 696-6529.

Yog yuav mus ua daim ntawv ETRA, koj yuav tsum ua li cov nram no:

• Teev cov ntsiab lus rau daim ntawv ua ke no. Koj mus muab ib daim ntawv tim lub tsev hais plaub los tau.
   
• Koj yuav tsum qhia rau tus tswv tsev li 24 teev ua ntej koj ua ntaub ntawv.
   
• Yog koj hu tsis tau tus tswv tsev, faj lus tseg qhia 24 teev ua ntej.
   
• Ntawm koj los lus qhia ua ntej 24 teev, qhia rau tus tswv tsev koj qhov xwm ceev hauv tsev yog ab tsi thiab koj xav kom kho tsis pub dhau 24 teev los sis koj yuav mus ua daim ntawv ETRA. Tseem ceeb heev koj yuav tsum qhia koj tus tswv tsev hais tias yuav mus ua daim ntawv ntawm.
   
• Yog tus tswv tsev tsis kho cov xwm ceev no ua ntej 24 teev thaum koj xa xov rau nws, koj mus ua daim ntawv ETRA tau.
   
• Yog koj siv tiv tauj koj tus tswv tsev mus ceeb toom nws 24-teev ua ntej, tiam sis hu tsis tau li, koj mus daim ntawv los tau.

Muaj ib tus nqi them mus ua daim ntawv no. Yog koj tau nyiaj tsawg, koj sau tau daim ntawv txo nqi hauv tsev hais plaub (IFP) thov kom tsev hais plaub tsis txhob kom koj them. Lub tsev hais plaub muaj cov ntawv no lossis koj mus ua ib daim siv cov lus nug ib kauj ruam zuj zus. (lus Askiv xwb).

Nqa ntawv pov thawj qhia tias koj tau nyiaj tsawg, xws li tw tshev, los sis ntaub ntawv pov thawj tau nyiaj pab los ntawm tsoom fwv.

Yog tau ETRA lawm, lawv teem koj rooj plaub hais sai sai, feem ntau yog li 3-7 hnub. Feem ntau tsev hais plaub yuav yuam kom tus tswv tsev kho cov khoom puas ntawm, thiaj li paub tseeb tias yuav tsum kho kom tiav, thiab yuav teem caij rov tuaj hauv tsev hais plaub hais txog nqi tsev thiab nyiaj nplua.

Koj nug tau kom tsev hais plaub pab:

• Hais koj tswv tsev kho vaj tse sai li sai tau.
• Cia koj kho tsev es tshem nyiaj tawm ntawm koj qhov nqi tsev.
• Xaiv lwm tus tuaj kho los sis saib xyuas lub vaj tse.
• Txo tus nqi them tsev kom txog hnub kho vaj tse tiav.
• Kom tus tswv tsev them rau koj mus pw tom tsev so “motel”, los sis them koj rov qab, yog tias koj mus nyob lwm qhov chaw.
• Kom tswv tsev muab lwm lub tsev rau koj nyob los sis them tus nqi rau koj tsiv mus nyob lwm qhov.

Koj nug kom tsev hais plaub muaj nyiaj nplua rau koj. Qhov nod txhais tau tias koj nug kom them cov nyiaj rov qab rau koj rau tej yam xws li:

• Cov nyiaj them nqi tsev thaum lub sij hawm uas muaj cov teeb meem tsis kho.
• Cov nqi kws lij choj.
• Tej nyiaj uas koj poob vim yog muaj tej teeb meem no, zoo li nyiaj koj them mus nyob lwm qhov chaw. Yuav tau nqa ntawv pov thawj xws li daim ntawv them nyiaj los sis koj cov tshev sau mus them nqi uas rov xa tuaj.