Si aad u diiwaan geliso hubi in aad sameyso waxyaabaha soo socda:
- Buuxi foomka halkan ku lifaaqan. Waxaa kale oo aad foomkan aad ka heli kartaa maxkamadda.
- Waa in aad wargelisaa kireeyaha 24 saac ka hor inta aadan ka diiwan gelin maxkamadda. Hubi inaad qorto dhamaan siyaabaha aad isugu dayday inaad ugu sheegto mulkiilaha guriga (sidda, dhambaal, wicitaanka, emayladda, ama iyadoo la wada joogo).
- Haddii aadan la xiriiri karin kireeyaha, fariin u dhaaf si aad u gaarsiiso ogeysiiska 24ka saac.
- Ogeysiiska 24ka saac, wargeli kireeyaha xaaladda degdegga ah ee ka jirta guriga oo aad dooneyso in la hagaajiyo 24 saac gudahood ama aad diiwaan gelineyso ETRA. . Waa inaad u sheegtaa mulkiilaha guriga inaad maxkamadda ka xareyn doontid kiis si aad u waydiisato maxkamadda maciin degdeg ah haddii uusan wax ka qaban dhibka guriga.
- Haddii aanu kireeyuhu waxba ka qaban xaaladda degdegga ah 24 saac gudahood marka aad gaarsiiso ogeysiiska, waxa ad maxkamadda u gudbin kartaa ETRA?
- Haddii aad isku daydo in aad la xiriirto kireeyaha si aad u gaarsiiso ogeysiiska 24ka saac ah, laakiin aadan helin, waa in aad maxkamadda ka diiwangelisaa.
Lacag ayaa lagaa doonayaa si aad uga diiwaan geliso maxkamadda.. Haddii uu dakhligaagu yar yahay, waxa aad buuxin kartaa foomka oo codsan kartaa in lacagta diiwaangelinta lagaa daayo. Foomkaas maxkamadda ayaad ka heli kartaa mid kala soo bax barta internetka adiga oo ka jawaabaya su’aalaha www.lawhelpmn.org/forms. (ingiriisi kaliya)
La imoow cadeyn muujineysa in dakhligaagu yar yahay, qeybta dambe ee jeegga mushaharka, ama cadeyn muujineysa gargaarka aad dawladda ka qaadato.
Marka aad ETRA codsato, waxa aad codsan kartaa in dhageysiga maxkamadda degdeg loo qabto, inta badan 3-7 cisho oo maalmaha shaqada ah. Maxkamaddu waxay u badan tahay inay:
- amarto qoladda gurigu inay sameyso hagaajinadda,
- hubiso in hagaajinadda la sameeyey, iyo
- qabato balan mar kale maxkamadda la isugu soo noqonayo si wax looga qabto kiradda iyo khasaaraha lacageed..
