Tsoom Fwv Cov Kev Pab rau Neeg Hluas

NCO CIA:  Qhov no yog ib chav nyuaj ntawm txoj kevcai. Tseem ceeb mus nrog ib tug kws lij choj tham txoj koj qhov teebmeem tswj xeeb. 

Yog koj tsis tau cai nyob tebchaws no (npav ntsuab) lossis yog neeg xam xaj U.S., TSIS TXHOB ua ntawv thov kev pab ntawm tsoom fwv txog thaum koj nrog tus kws lij choj tham tso. 

Yog koj tsis tau muaj 18 xyoo, tej zaum koj muaj feem thov tau tsoom fwv cov khooskas pab nyob ntawm koj qhov teebmeem seb li cas. Ib lub khooskas muaj kev txwv seb tau nyiaj li cas los thiab khoom cuab tam li cas. Qhov no txhais tau tias koj tsis ua tsis tau nyiaj ntau thiab tsis txhob muaj khoom cuab tam ntau.   

Tej zaum koj yuav tau: 

• Nyiaj ntsuab pab txhua hli los ntawm MFIP (Minnesota Family Investment Program)
• SNAP (Supplemental Nurtrition Assistance Program – nyiaj muas noj)
• MA (Medical Assistance – Pab Them Kho Mob)  
• WIC (Women, Infants and Children).  Koj txais tau WIC yog tias koj cev xeeb tub. 

Tej lub khooskas suav koj niam koj txiv cov nyiaj tau los thiab khoom cuab tam. 

Tej zaum koj yuav tau:   

• SNAP (Supplemental Nurtrition Assistance Program – nyiaj muas noj)  
• MA (Medical Assistance – Pab Them Kho Mob) 
• WIC (Women, Infants and Children).  Koj txais tau WIC yog tias koj cev xeeb tub. 

Tej zaum koj muaj feem tau cov khoom no txawm yog tias koj muaj ib tug menyuam lossis tsis muaj.  Yog tus neeg koj nrog nyob muaj cai los niam niam/txiv rau koj -- Delegation of Parental Authority (DOPA), tabsis tsis txheeb koj, koj txais tsis tau nyiaj ntsuab ntawm MFIP. 

Tej zaum koj yuav tau: 

• Nyiaj ntsuab pab txhua hli los ntawm lub khooskas General Assistance (GA)
• SNAP (Supplemental Nurtrition Assistance Program – nyiaj muas noj)
• MA (Medical Assistance – Pab Them Kho Mob)

Yog koj yog ib leej niam/txiv tsis tau muaj 18 xyoo tsis nyob hauv koj lub tsev vim raug ntaus lossis raug hais lus phem raug cem rau koj lossis koj tus menyuam los ntawm koj niam/txiv, tus neeg saib xyuas koj lossis tsev hais plaub tso saib xyuas koj, tej zaum koj yuav tau:

• Nyiaj ntsuab pab txhua hli los ntawm MFIP (Minnesota Family Investment Program) SNAP (Supplemental Nurtrition Assistance Program – nyiaj muas noj)
• MA (Medical Assistance – Pab Them Kho Mob)
• WIC (Women, Infants and Children).  Koj txais tau WIC yog tias koj cev xeeb tub. 

Koj yuav tsum nyob nrog koj niam/txiv yug koj lossis yuav koj, tus neeg tsev hais plaub tso saib xyuas koj, lwm cov txheeb ze muaj hnub nyoog, lossis nrog neeg muaj hnub nyoog nyob, tsuas yog tias:    

• Koj tsis paub koj niam koj txiv, tus neeg tsev hais plaub tso cai saib xyuas koj, lossis lwm tus txheeb ze muaj hnub nyoog nyob qhov twg
• Koj niam koj txiv, tus neeg tsev hais plaub tso cai saib xyuas koj, lossis lwm tus txheeb ze muaj hnub nyoog tsis pub koj nrog lawv nyob
• Koj twb tsis nrog koj niam koj txiv lossis tus neeg tsev hais plaub tso cai saib xyuas koj nyob tsawg kawg yog ib xyoos ua ntej koj yug koj tus menyuam lossis koj ua ntaub ntawv thov MFIP.
• Tsis muaj neeg muaj hnub nyoog nrog koj thiab koj tus menyuam nyob ntawm lub nroog koj nyob.

Rau lwm yam zam tau, tiv tauj Youth Law Project ntawm youthlawproject@mylegalaid.org 

Tej zaum koj yuav tau kev pab them nqi zos menyuam. 

Tej zaum koj yuav tau kev pab xiam oob qhab los ntawm Social Security Administration.  Nws muaj 2 lub khooskas xiam oob qhab: 

• Supplemental Security Income (SSI)-Nyiaj laus los nyiaj xiam oob qhab
• Retirement, Survivor’s, Disability Insurance (RSDI)-Nyiaj so haujlwm, Nyiaj los ntawm tus niam los txiv tuag, Nyiaj Xiam oob qhab Isalas. 

Yog koj muaj feem tau ib qho khooskas ntawm nov, koj yuav tau nyiaj ntsuab txhua hli.  Tej zaum koj kuj tau SNAP (Supplemental Nurtrition Assistance Program – nyiaj muas noj) thiab MA (Medical Assistance – Pab Them Kho Mob). 

Yog koj tau SSI thiab muaj ib tug menyuam, koj tau nyiaj ntsuab txhua hli los ntawm lub khooskas Minnesota Family Investment Program (MFIP).  Yog tus menyuam tau SSI, koj tau nyiaj ntsuab txhua hli los ntawm MFIP.

Tej zaum koj yuav muaj feem txais kev pab los ntawm Retirement, Survivors, Disability Insurance Program (RSDI) los ntawm Social Security Administration.

Koj yuav tsum mus ua ntaub ntawv thov ntawm cov khooskas hais hauv daim ntawv qhia tseeb no. 

Mus ua ntaub ntawv thov ntawm Social Security Administration rau SSI thiab RSDI.  Hu rau 1-800-772-1213.  Yog koj tsis hnov lus, hu rau tus TTY naj npawb, 1-800-325-0778.  Koj ua ntaub ntawv thov hauv vas sab ntawm www.ssa.gov (lus Askiv xwb) tau thiab.  

Mus ua ntaub ntawv thov rau tagnho lwm cov khooskas hauv koj lub nroog chav pab nyiaj txiag “department of economic assistance”.  Hu rau koj lub nroog tus xovtooj lossis mus hauv vas sab ntawm www.dhs.state.mn.us. Qhov no yog Department of Human Services qhov vas sab, nws muaj lub nroog chaw pab cov xov tooj nyob rau have lawv lub vas sab.    

2-1-1- yog ib tug naj npawb zoo mus nrhiav kev pab cuam thiab lwm yam xav paub ntxiv.  Hu 2-1-1 hauv lub xeev, ntau koj tus zip code hauv xovtooj mus rau lawv ntawm 898-211 mus nrhiav kev pab ntawm koj ib cheem tsam nyob, lossis nrog neeg tham hauv vas sab ntawm www.211unitedway.org/about-211/hmong/.

Saib peb daim ntawv qhia tseeb MFIP rau cov Niam Txiv Tsis Tau Muaj 18 Xyoo yog xav paub ntxiv txog lub khooskas MFIP.