Txheeb Lus Cuav: Neeg Hluas Cov Cai

Peb qhov Youth Law Project teb tshaj pua pua nqe lus nug txhua xyoo uas los ntawm cov menyuam uas xav paub txog seb tej kev cai yuav cuamtshuam lawv lub neej licas. Nov yog tej yam peb tau hnov uas TSIS TSEEB KIAG! Mloog tus kws lijchoj thiab muab kom tau ntaub ntawv uas yog.

TSIS TSEEB! Yog koj yau tshaj 18 xyoo, thiab koj muaj menyuam, koj tseem yog tus menyuam tsis tau muaj hnub nyoog. Koj tseem yuav tau ua raws li cov cai tswj los ntawm koj niam thiab txiv lossis tus saib xyuas koj. Koj muaj cai txiav txim txog koj tus menyuam hos koj niam thiab txiv muaj cai txiav txim txog koj. Tsis yog tias koj tsis tau kev ywj siab, tiamsis tsam no ces koj ho muaj lub luag haujlwm tshiab tus menyuam lawm. Piv txwv: yog koj tawm tsev uas tsis tau kev tso ogi b koj yuav raug ntsuas tias yog neeg nyiag kev khiav, THIAB koj yuav raug cov neeg tiv thaiv menyuam los ntsuam xyuas seb koj puas ogi b leej niam/txiv zoo rau tus menyuam.

TSIS TSEEB! Nyob rau Minnesota, lub hnub nyoog feem ntau (uas koj suav tau tias yog neeg laus) yog 18 xyoo. Yog koj yau tshaj 18 xyoo, koj tsiv tawm tsis tau ntawm lub tsev mus tshwj tias:

• koj niam thiab txiv pom zoo
• koj mus koom ua tub rog, lossis
• tsev hais plaub tso cai koj mus nyob koj tus kheej

TSIS TSEEB! Niam thiab txiv muaj feem siv “kev ntaus menyuam raws kev raws cai qhua qhia” tsuas yog tias tsis txhob ua raug mob. Leej niam txiv tsis muaj feem muab menyuam pov, ncaws, hlawv, tom lossis hlais, lossis rho nrig ntaus menyuam. Leej niam txiv muaj feem tsim thiab tswj cov cai uas zoo siv raws. Yog txoj kev qhuab qhia ntaus cev nqaij daim tawv phuj tshaj qhov “tsim nyog thiab hauj sim” tej zaum koj niam thiab txiv yuav raug teebmeem nrog rau Child Protective Services (CPS) Khooskas Tiv Thaiv Menyuam yog CPS paub txog qhov kev ntau ua phem ntawd. 

TSIS TSEEB! Qhov keebkwm txhaum txim yuav tsis zoo rau koj raws ntau txoj kev. Nov yog tej qho pivtxwv:

• Cov ntaub ntawv muaj feem tso tawm tau rau koj lub tsev kawm ntawv, tsev hais plaub, lossis lwm yam uas tshwmsim.
   
• yog koj raug lub txim txhaum thaum yog neeg laus lawm, tej yam kev raug txim uas koj muaj thaum yog menyuam yau muaj feem siv tau los rub kom koj lub txim ntev dua.
   
• yog tias koj tsis tau yog neej pejxeem U.S., tej ntaub ntawv txhaum txim thaum yog menyuam yau muaj feem ua tau rau koj raug xa rov qab
   
• kev raug tej lub txim menyuam yau muaj feem tswj tau kom koj ua ntaub ntawv cuv npe koj yog neeg ua txhaum kev yuam neeg deev
   
• Tej co chaw ua haujlwm muaj feem mus saib tau koj tej keebkwm los hais kom koj xee npe tso tawm koj cov ntaub ntawv vim txoj haujlwm koj mus xamphaj ntawd yuavtsum muaj kuaj keebkwm. Koj cov ntaub ntawv menyuam  txhaum txim yuav tawm los ces tejzaum koj yuav tsis tau txoj haujlwm ntawd.

TSIS TSEEB! Yog koj nyob nrug deb niam txiv, koj muaj feem sauv tias yog neeg nyob tsis muaj tsev. Koj muaj cai cuv npe tau:

• rau lub tsev kawm ntawv uas koj mus dhau los, lossis
• lub tsev kawm ntawv koj mus cuv yog lub lawv kom koj mus kawm raws qhov chaw nyob ib ntus tamsim no.
   

Txhua koog tsev kawm ntawv yeej muaj cov neeg pab menyuam kawm ntawv uas tsis muaj tsev nyob uas txoj luag haujlwm yog los pab koj cuv npe kawm ntawv. Tejzaum koj yuav xav tias koj tsis yog neeg tsis muaj tsev nyob vim koj yeej muaj chaw uas koj nyob lawm. Tiamsis yog koj tsis nrog leej niam txiv nyob lossis nrog tus neeg muaj npe saib xyuas koj nyob thiab koj muaj teebmeem  cuv npe kawm ntawv, koj yuav tau tiv tauj tus neeg ntawd kom pab tau koj.

TSIS TSEEB! Tej thaum, cov tub ceevxwm thiab tus neeg ua haujlwm saib xyuas neeg raug txim muaj feem muab cov ntaub ntawv txhaum txim menyuam yau rau lub tsev kawm ntawv saib. Qhov no tshwmsim tau yog qhov teebmeem ntawd yog tej yam koj ua nrug deb lub tsev kawm ntawv lossis tsev kawm ntawv cov koomtxoos. Koj muaj feem yuav raug rho tawm tsev kawm ntawv, koomtxoos lossis cov tsheb tsheb yog tias koj txoj kev coj “cuamtshuam tau tsev kawm ntawv tes dejnum” lossis hawv lwm tus menyuam kawm ntawv lossis cov neeg ua haujlwm.

TSIS TSEEB! Cov ntaub ntawv tso tawm rau Facebook muaj feem tawm tau rau tub ceevxwm lossis tsev kawm ntawv cov neeg khiav haujlwm pom. Menyuam kawm ntawv yeej tau raug rho tawm tsev kawm ntawv dhau los lawm thiab txwv tsis pub koom tsev kawm ntawv kislas vim tau muaj neeg pom tej duab lawv haus dej caw lossis ua yeeb tshuaj. Cov duab haus dej caw, kev tham txog riam phom, tham txog ua phem rau lwm tus, lossis kev sau ntawv mus lim hiam thab lossis ze lwm tus menyuam kawm ntawv yuav ua koj raug teebmeem nrog tus tuam tswj tsev kawm ntawv!

Tej yam tso tawm rau Facebook muaj feem tsim tau teebmeem rau txoj haujlwm lossis kev phoojywg. Khoom uas sau rau huabcua muaj feem nyob ntev mus ces koj yuavtsum tau ua zoo saib xyuas kev txiav txim tias yuav tso dabtsi tawm.

TSIS TSEEB! Yeej tseeb tias xeev Minnesota tsis muaj txoj cai tswj txhais kev ywj siab thiab muaj txheej txheem yuavtsum ua raws li cia kom tau kev ywj siab. Tiamsis Minnesota cov tsev hais plaub pom tau tias kev ywj siab yeej muaj. Ib tug menyuam muaj feem tau kev ywj siab YOG TIAS leej niam txiv pom zoo tso tus menyuam mus nyob nws tus kheej. Tus menyuam yuav tau muaj kev npaj qhia tias yuav mus nyob qhov twg thiab yuav them nqi tau licas. Tej co menyuam nug txog kev ywj siab tiamsis qhov lawv xav tau tiag yog kev dim ntawm niam thiab txiv kev ua phem ntaus lawv. Yog koj xav tias koj mus nyob tau koj tus kheej thiab koj niam txiav tso cai rau txoj kev xaiv ntawd, lossis koj tsis muaj kev nyabxeeb thaum nyob nrog koj niam txiv thiab xav tau kev pab totaub txog cov kev xaiv uas koj muaj, hu mus rau Youth Law Project kom tau kev pab tias koj muaj cai ua tau dabtsi. Seb peb daim ntawv tseeb Kev Ywj Siab.

TSIS TSEEB! Menyuam yeej muaj cai thiab ntawm no yog ib co pivtxwv:
Menyuam muaj cai:

• tau kev nyabxeem tsis raug ua phem ntaus
• muaj kev kawm ntawv zoo
• muaj lawv cov xav qhia rau tsev hais plaub menyuam yau “Juvenile Court” thiab kev tiv thaiv us cuamtshuam txog lawv
• kev tiv thaiv kom txhob rau kev lim hiam thab ze
• Muaj kev tiv tauj tau lawv cov nusmuag thiab lwm cov neeg hauv tsev neeg thaum lawv tau mus nyob nrug deb lub tsev lawm

Hu mus rau Youth Law Project ntawm (612) 332-1441.