MFIP rau cov Niam Txiv Tsis Tau Muaj 18 Xyoo

Yog koj tsis tau muaj 18 xyoo es xav thov MFIP, txoj cai hais tias koj yuav tau nyob:

• Nrog koj niam thiab txiv (lub nroog muaj feem siv niam txiv nkawm cov nyiaj hli los xam koj qhov MFIP)
   
• Nrog ib tug muaj cai saib xyuas koj  
   
• Nrog ib tug neeg laus hauv koj tsev neeg muaj cai (xws li pog/niam tais, phauj/niam tais, dab laug/txiv hlob/txiv ntxawm)
   
• Rau qhov chaw ua muaj neeg laus-saib xyuas
   

Tab sis, cov cai no tsis suav yog:

• Koj tsis muaj ib tug niam los txiv, ib tug laus neeg txheeb ze, los sis tus neeg muaj cai saib xyuas los sis koj tsis paub lawv nyob qhov twg, LOS SIS
   
• Koj tsis nrug ntawm koj niam thiab txiv los sis tus neeg muaj cai saib xyuas koj li ntawm 1 xyoo ua ntej koj yug koj tus me nyuam, LOS SIS
   
• Koj nyob nrug ntawm koj niam thiab txiv los sis tus neeg muaj cai saib xyuas koj 1 xyoo ua ntej koj thov MFIP, LOS SIS
   
• Koj niam thiab txiv, tus neeg muaj cai saib xyuas, los sis ib tug neeg txheeb ze tsis pub koj nrog lawv nyob, LOS SIS
   
• Koj los sis koj tus me nyuam cev nqaij daim tawv los sis kev ntshawv siab los sis kev ruaj ntseg raug xwm txheej yog koj nrog ib tug niam los txiv, txheeb ze los sis neeg muaj cai nyob nyob.  Yog koj hais muaj li no, lub nroog yuav xa koj rooj plaub mus rau qhov chaw tiv thaiv me nyuam “Child Protection”, LOS SIS
   
• Tsis muaj ib qhov chaws uas muaj ib tug neeg laus saib xyuas koj nyob hauv koj lub nroog.  Yog muaj ib qhov chaw qhib, koj thiab koj tus me nyuam yuav tsum tau mus nyob ntawd.

Cov teeb meem nov yog hu uas tsuas yog xwb.  Yog koj muaj ib kev tsuas yog ntawm no, lub nroog yuav kom koj mus nyob ib qhov chaw ua muaj neeg laus-saib xyuas, kev txhawb nyob, tabsis yuam tsis tau koj.

Yog koj tsis tau muaj 18 xyoo thiab tsis muaj daim ntawv “high school diploma” los sis GED, tej zaum koj yuav tau mus kawm ntawv thiaj li yuav tau MFIP.

Tabsis, koj tsis tas mus kawm ntawv yog:

• Koj tsis muaj tsheb los sis ib txoj kev thauj mus los
• Tsis muaj neeg zov me nyuam
• Koj muaj mob los sis xiam oob qhab uas ua rau koj mus kawm ntawv tsis tau
• Koj yuav tau nyob hauv tsev vim muaj leej twg mob los sis xiam oob qhab
• Koj tus me nyuam tseem mos ua tsis tau muaj 6 lim tiam
• Tsis muaj kev ruaj ntseg rau koj mus kawm ntawv vim kev sib ntaus sib ceg hauv tsev
   

Yog koj tsis tau muaj 18 xyoo, lub nroog yuav tsum tsim ib txoj kev npaj kawm ntawv rau koj.  Yuav tsum saib seb koj toob kas kev kawm ntawv li cas, teeb meem hauv tsev neeg, kev zov me nyuam, thiab koj qhov keeb kwm ua hauj lwm yav dhau los thiaj paub tsim koj txoj kev npaj.  Koj yuav tau ua raws li txoj kev npaj kawm ntawv, tsis li koj yuav raug “nplua.”

Raug nplua txhais tias koj cov nyiaj ntawm MFIP yuav raug txiav.  Koj yuav raug txiav li 10% ntawm koj qhov nyiaj MFIP thawj lub hli.  Tom qab ntawd, koj cov nyiaj yuav raug txiav 30% txhua lub hli txoj thaum koj kho qhov teeb meem.

Tseem ceeb heev koj yuav tsum kho qhov kev nplua no sai li sai tau.  Yog koj raug nplua tshaj 6 lub hli, koj yuav raug nplua 100%. Qhov no txhais tias lawv muab koj cov MFIP nyiaj ntsuab thiab nyiaj muas noj kaw.

Yog koj muaj 18 los sis 19 xyoo thiab tsis kawm ntawv high school los sis GED, koj muaj feem mus kawm ntawv los sis ua qhov Kev Npaj Mus Ua Hauj lwm.  Saib peb daim ntawv tseeb MFIP Kev Npaj Mus Ua Haujlwm.

Koj tsuas txais tau MFIP ua ib tug niam los txiv tsis pub tshaj 60 lub hli (5 xyoo) ntawm koj lus neej.

Tabsis yog koj tsis tau muaj 20 xyooj thiab kawm ntawv zoo tsis muaj qhaj li, koj qhov sij hawm ntawm MFIP yuav tsis raug sauv rau ntawm 60 hlis.

Tsis tas li ntawd, cov sij hawm ua koj tau MFIP los ntawm koj niam thiab txiv yuav tsis sauv nrog.  Hu rau legal aid ntawm 1-(877) 696-6529 seb yuav muab koj qhov 60 lub hli ncav kom ntev li cas.

Koj muaj cai tawm tsam lub nroog txoj kev txiav txim yog koj tsis pom zoo. Koj muaj 30 hnub ntawm hnub koj tau txais tsab ntawv mus tawm tsam. Hu koj lub legal aid ntawm 1-(877) 696-6529 hoob kas sai li sai tau.

Yog muaj feem txias tau tag nhro cov nyiaj thaum koj tseem tawm tsam yog koj xa cov ntawv tawm tsam:

• Ua ntej 10 hnub thaum lub nroog xa daim ntawv tuaj los sis
• Ua ntej lub hnub tim lawv xaus los sis txiav.
   

Yog koj muaj “ib qhov tseem ceeb” ua koj lig, muaj feem tawm tsam txog 90 hnub tom qab koj txais tsab ntawv. Ib qho piv txwv zoo uas tseem ceeb yog tias koj mob los sis tsis nyob hauv zos  thaum daim ntawv tuaj txog.

2 txoj hauv kev koj xa daim ntawv tawm tsam mus:
 

Hauv Online: 
Koj ua tau sau daim ntawv thiab xa koj qhov kev tawm tsam online. 

Muaj kev qhia ua thiab yog koj xav nyeem lawv. Nyeem cov ntaub ntawv kom tib zoo, sau kom tiav thiab, nias “Submit” hauv qab phab xis. Yog ib qho tswv yim zoo yog koj luam ib daim rau koj tus kheej khaws tseg.
 

Yog xa hauv tsev xa ntawv los sis xa fax mus:
Yog koj tsis xav teev ntawv hauv online, sau tau ib daim ntawv hais txog vim li cas koj ho xav tias cov nyiaj them tshaj tsis yog. Nco ntsoov sau koj tus zauv cim rooj plaub thiab hnub tim rau daim ntawv. Khaws ib daim tseg rau koj.

Xas daim ntawv mus rau:    MN Department of Human Services
                                              Appeals Office
                                              PO Box 64941
                                              St. Paul, MN 55164-0941

LOS SIS koj kuj xa tau daim ntawv fax. Tus fax naj npawb ntawm State Appeals Office yog (651-431-7523). Khaws daim ntawv fax tseg cia. 

Yog ib qho zoo tswm yim xa los sis fax ib daim ntawv luam tseg txog qhov rov hais dua qhov xwm txheej rau koj tus neeg khiav dej num thiab.

Xav tau ntaub ntawv ntxiv, saib peb daim ntawv tseeb Rov Hais Dua Txog Tsoomfwv Nyiaj Pab Pejxeem (Welfare) rau DHS.