Yam Niam Thiab Txiv Yuavtsum Paub Txog Menyuam Uas Khiav Tawm Ntawm Tsev

Ib tug menyuam yuav xam tau tias khiav tawm ntawn tsev yog nws tsis tau muaj 18 xyoo thiab tawm lub tsev uas tsis tau kev tso cai ntawm niam thiab txiv, TSHWJ TIAS tus menyuam:

• Muaj txwj nkawm lawm LOSSIS
• Muaj ntaub ntawv tswj ntawm tsev hais plaub los tias nws nyob nrug tsev tau.

Koj muaj feem hu rau tub ceevxwm thiab ua ntaub ntawv txog tias menyuam ploj lawm. Cov tub ceevxwm yuav txiav txim kom ntxaws txog tias seb puas yuav nrhiav tus menyuam uas khiav tawm tsev lawm. Lawv yuav soj ntsuam tej yam xws li tus menyuam hnub nyoog thiab seb nws txoj kev xav mus licas. Yog koj muab tau ib qhov chaw nyob uas tus menyuam mus nyob ntawd, cov tub ceevxwm yuav mus nrhiav tus menyuam ntawd.

Tub ceevxwm mam li txiav txim tias yuav ua licas. Tejzaum tub ceevxwm kuj yuav muab daim pib rau tus menyuam khiav tawm tsev (kuj hu ua “pib nplua”). Lossis tejzaum tub ceevxwm kuj yuav hais lus ceebtoom rau tus menyuam. Tub ceevxwm kuj muajfeem txiav txim seb puas coj tus menyuam los tsev, lossis mus chaw nkaum “shelter”, lossis cia tus menyuam nyob twjywm qhov chaw ntawd.

Yog niam thiab txiv nug kom tsev hais plaub tshem tawm daim pib khiav tawm tsev, ces tejzaum tus menyuam yuav tsis tau mus nram tsev hais plaub. Yog daim pib tsis muaj kev tshem tawm, tus menyuam thiab leej niam txiv yuav tau mus nram tsev hais plaub.

Cov txheej txheem txawv ib nroog mus rau ib lub nroog. Yog tias rooj plaub ntawd mus txog nram tsev hais plaub, muaj feem yuav muaj ob peb rooj plaub hais. Tsev hais plaub yuav mloog cov lus ntawm tub ceevxwm, tus kws lijchoj sawv cev lub nroog, thiab mloog tus menyuam thiab tsev neeg. Tsev hais plaub mam li txiav txim seb tus menyuam puas yog neeg khiav tawm tsev tiag, thiab seb cov kev pab zoo licas thiaj zoo rau tus menyuam thiab tsev neeg.

Tsev hais plaub muaj feem yuav pom tau tias tus menyuam “yuavtsum tau kev tiv thaiv lossis kev pabcuam.” Tej zaum tus kws txiav txim yuav pom hais tias tus menyuam “yuav tsum tau kev tiv thaiv thiab pab.” Nws muaj feem tswj kom tus menyuam nyob tsev. Nws kuj muaj feem tswj ib co kev pabcuam los rau tus menyuam thiab niam txiv. Cov kev pabcuam tejzaum yuav yog kom mus nrog niam thiab txiv qhuav nyob, tus kheej lossis tsev neeg mus koom kev sib tham, niam txiv mus kawm hoob qhiv ua niam txiv, lossis mus txiav yeeb tshuaj. Txawm tias tsev hais plaub tsis tswj kom muaj cov kev pabcuam no los, tsev neeg muaj feem mus muab cov kev pab no rau lawv tus kheej. Tsev hais plaub muaj feem tswj kom tus menyuam them nqi nplua lossis mus ua haujlwm pub dawb hauv zej zog. Tsev hais plaub kev cuam tshuam muaj feem yuav pab tau tej thaum, tiamsis tsis txhais tias yuav daws tag koj qhov teebmeem.

Yog koj khwv nyiaj tsis tau ntau, lub nroog yuav taw ib tug kws lijchoj dawb los  sawv cev rau koj lossis koj tus menyuam. Nyob rau txhua rooj plaub, koj thiab koj tus menyuam muaj cai ntiav kws lijchoj rau neb tus kheej, yog koj xav tias koj xav tau ib tug.

Tus neeg ntawd muaj feem yog ib tug “zais neeg khiav tawm tsev.” Nws yog kev txhaum cai thaiv leej niam txiv txoj kev rau lawv tus menyuam. Tus neeg ntawd muaj feem raug txim tias tau pab kev ua txhaum ntawm ib tug menyuam tsis tau muaj 18 xyoo. Tub ceevxwm feem ntau yeej tsis muab lub txim “zais neeg” tshwj tias ho muaj lwm yam txhaum cai cuam tshuam nrog.

• Mus koj tus menyuam txhua rooj plaub hauv tsev hais plaub thiab nug txog yam koj tsis to taub.
   
• Sau cov npe thiab xovtooj cia ntawm txhua leej uas cuam tshuam nrog rau koj tus menyuam rooj plaub – pivtxwv, cov khiav ntaub ntawv saib xyuas nws, cov khiav ntaub ntawv tiv thaiv menyuam, thiab lawv cov nais haujlwm.

• Yog koj xav tias koj tus menyuam yuav rov qab khiav dua, sim npaj tswvyim kom muaj chaw nyabxeeb uas nws khiav tau mus rau. Tejzaum koj yuav xav cia koj tus menyuam mus nyob nrog ib tug txheeb ze ib ntus. Cia lawv nws paub tias qhov no yog ib txoj kev ua tau. Lwm txoj kev xaiv yog taug qab seb puas muaj chaw nkaum rau cov menyuam uas khiav tawm tsev nyob koj lub nroog. Tejzaum koj tus menyuam muaj feem mus nyob tau ntawd ib ntus.

• Siv cov kev pab uas muaj nyob rau thajtsam uas koj nyob. Tejzaum koj thiab koj tus menyuam muaj feem tau txais kev pabcuam los hauv lub zos. Xws li kev pab txog yeeb tshuaj thiab pab rau tsev neeg sib tham, qhia ua leej niam txiv zoo, zov menyuam, pab txog txoj kev nyuaj siab, thiab pab tus kheej. Cov kev pabcuam no txawv ib lub nroog mus rau ib lub nroog. Mus nrhiav kev pabcuam rau koj thajtsam hu rau 2-1-1 hauv thoob lub xeev. Koj muaj feem ntaus koj tug zauv xaus ntawm koj qhov chaw nyob “zip code” mus rau tus xovtooj 898-211 kom tau cov kev pab hauv zos lossis tham tau hauv online ntawm https://www.211unitedway.org/about-211/hmong/.