Yog Kuv Niam Thiab Txiv Txojcai Ua Naim Ua Txiv Raug Tshem Tawm Lawm, Kuv Rov Qab Mus Tsev Puas Tau?

Thaum 2013, Minnesota Cov Tsim Tsa Kevcai (Legislature) tso tawm txoj kevcai Family Reunification Act kom tsev neeg rov los nyob uake.  Txoj kevcai no cia tus txiav txim plaub rov tsim tsa (muab rov qab) niam/txiv cov cai uas raug tshem tawm hauv Tsev Hais Plaub Menyuam Yaus. 

Ua tau qhov no tsawg zaus xwb.  Daim ntawv qhia no qhia txog rov tsim tsa thiab tej yam koj yuav tsum paub yog koj xav rov mus tsev nrog koj niam thiab txiv. 

Yog Tsev Hais Plaub txiav txim rov tsim tsa txoj cai nws txhais tias: 

1. Koj rov qab yog tus menyuam raws li txoj kevcai ntawm tus niam/txiv uas raug tshem tawm txoj cai ua niam/txiv.

2. Tus niam/txiv uas raug muab txoj cai tshem tawm lawm rov qab yog koj niam/txiv raws li kevcai dua.  Tag nrho cov cai thiab luag hauj lwm ntawm kev ua niam/txiv muab rov qab lawm. 

3. Leej niam/txiv muaj cai txiav txim txhua yam tseem ceeb tau thiab koj nrog nyob mus ib txhis. 

Qhov txiav txim rov tsim tsa txoj cai rau niam/txiv thiab menyuam txoj kev sib raug zoo tsuas yog rau tus niam/txiv lossis niam thiab txiv muaj npe nyob hauv daim ntawv foob xwb. 

Tsuas yog lub nroog tus kws lij choj lossis leej niam/txiv uas txoj cai raug tshem tawm ua niam/txiv thiaj nug tau tsev hais plaub kom rov muab txoj cai los.  Lub nroog tus kws lij choj nug tsis tau yog tias koomhaum tiv thaiv menyuam tsis pom zoo tias rov muab cai yog qhov ntawm

tsis zoo dua rau koj.  Ua daim ntawv thov tau.  Qee zaus koj nug tau.  Saib phab kawg ntawm daim ntawv tseeb no yog xa paub ntxiv. 

• Koj, tus menyuam
• Lub nroog
• Tus niam txiv uas yuav tau nws txoj cai rov qab
• Tus sawv cev rau tus menyuam (guardian ad litem)
• Koj pawg neeg yog tias koj yog menyuam Qhab ntawm txoj kevcai Indian Child Welfare Act.   

Koj muaj txoj cai muaj koj tus kws lij choj sawv cev rau koj thaum tuaj hais koj rooj plaub.

Tej zaum tsev hais plaub yuav “rov muab cai rau niam/txiv thiab menyuam kev sib raug zoo tsuas yog lawv pom meej thiab ntseeg tau tias muaj povthawj txaus tias:” 

1. Rov tsim tsa txoj cai yog qhov zoo tshaj rau koj 
    
2. tsis tau muaj neeg ua ntawv yuav koj los ua lawv menyuam 
    
3. koj tsis yog tus muaj neeg npaj ua ntaub ntawv yuav mus ua lawv tus menyuam
    
4. tsawg kawg twb tau 48 hli txij thaum txiav txim zaum kawg muab niam txiv txoj cai tshem tawm (TPR) lawm
    
5. koj tseem raug niam qhuav txiv qhuav tu
    
6. koj xav nrog niam/txiv nyob
    
7. niam/txiv daws tau cov teeb meem uas raug qhov TPR thiab
    
8. niam/txiv yeej txaus siab thiab tuaj yeem saib xyuas tau koj

Yog. Tus kws lijchoj hauv nroog ua tsis tau tsab ntawv thov yog:

1. Your parent’s rights were terminated “based on a finding of sexual abuse or other conduct that resulted in the death of a minor” or

2. Your parent has been convicted of any crime listed in Minn. Stat. §260C.007, subdivision 14. This is a list of crimes of “egregious harm” to a child.

Thaum tus menyuam tseem nrog niam qhuav txiv qhuav nyob tom qab niam/txiv txoj cai raug tshem tawm, tej zaum lub tsev hais plaub tuav rooj plaub los ntsuam xyuas tus menyuam kev noj qab nyob zoo.

Yog 8 yam sau saum toj muaj tseeb, koj lossis koj niam thiab txiv tiv tauj tau tus social worker lossis lub nroog tus kws lij choj kom ua daim ntawv thov rov tsim tsa txoj cai. 

Koj lossis koj niam thiab txiv kuj tiv tauj tau tus sawv cev rau tus menyuam.  Qhia rau tus sawv cev rau tus menyuam tias koj niam/txiv muaj kev ruaj ntseg tu tau koj thiab neb xav rov los nyob ua ke.  

Yog koj muaj tus kws lij choj sawv cev rau koj hauv tsev Hais Plaub Menyuam Yaus, koj yuav tsum tiv tauj tus kws lij choj ntawd.  Qhia tus kws lij choj tias muaj kev hloov li cas thiab hais kom nws pab txhawb qhov rov tsim tsa txoj cai rau koj niam/txiv.