Qhia Chaw Nyob Tshiab rau USCIS

Read this in

Tus sau

Education for Justice

Zaum kawg kho Tshiab

07/2026

Try our Quiz

After you're done reading this page, take a short quiz to test what you've learned!

Daim ntawv qhia no tham txog yuav qhia txog hloov chaw nyob mus rau USCIS li cas, thiab vim li cas thiaj tseem ceeb.

Daim ntawv qhia no hais txog yuav hloov koj qhov chaw nyob nrog USCIS li cas – tsis yog nrog lub tsev hais plaub immigration. Xav paub ntxiv mus rau ntawm Qhia qhov Chaw Nyob Hloov Tshiab rau Tsev Hais Plaub Tsiv Tebchaws (Immigration Court)

Nco Ntsoov: Cov cai hloov chaw nyob txawv rau tus ua ntawv tos koj. Yog koj yog ib tug neeg tos neeg tuaj, xyuas seb puas muaj ib cov lus tshwj xeeb rau cov neeg tos neeg tuaj rau txhua kem.

Kuv puas yuav tsum qhia rau chaw thov ntawv nyob tebchaws no thaum kuv hloov kuv qhov chaw nyob?

Yog koj tsis yog neeg xam xaj Meskas koj yuav tsum qhia rau United States Citizenship & Immigration Service (USCIS) tias koj nyob qhov twg. Koj yuav tsum qhia lawv tsis pub dhau 10 hnub txhua zaus koj khiav tsev los yog hloov chaw nyob.

Cov neeg xam xaj Meskas thiab tsis tau xam xaj “ua ntawv tos” ib tug neeg txawv tebchaws tuaj rau lub tebchaws Meskas los ntawm kos npe rau “daim ntawv cog lus yuav pab” (affidavit of support) kuj yuav tsum qhia rau USCIS thaum lawv hloov lawv chaw nyob. Cov neeg ua ntawv tos neeg yuav tsum qhia lawv chaw nyob tshiab tsis pub dhau 30 hnub.

Yuav qhia hloov chaw nyob li cas?

Nws muaj ob peb txoj kev mus qhia yog hloov chaw nyob. Lub USCIS vassab muaj lus qhia txog qhov no ntawm www.uscis.gov/addresschange.

Yog koj muaj ib tus USCIS askhauj online, koj mus hloov tau koj qhov chaw nyob hauv. Yog koj tsis muaj ib tus askhauj online, koj mus tsim ib tug tau.
Koj muaj feem sau ib daim ntawv thov Form AR-11 thiab xa mus los tau, lossis
Koj hu xovtooj mus qhia txog koj hloov chaw nyob los tau

Lub USCIS vassab muaj hais lus Askiv thiab Spanish. Tabsis tus askhauj online thiab daim ntawv luam tawm tau yog lus Askiv xwb.

Nco cia: Qhov txheej txheem thiab hloov chaw nyob txawv yog hais tias koj rooj plaub muaj:

ib daim ntawv VAWA (tsev neeg sib ntaus)
ib daim ntawv thov T Visa (neeg raug quab yuam ua niam ntiav lossis qhev
ib daim ntawv thov U Visa (raug ua phem rau)
Ib daim ntawv I-751 zam kev los ntawm raug ntau/raug ua phem.

Tus txheej txheem no txawv rau cov rooj plaub no txawm hais tias koj ua tau daim LPR (tau daim npav ntsuab) lossis yog koj thov los ua ib tug xam xaj (daim ntawv Form N-400).

Mus rau http://www.uscis.gov/addresschange. Nias tus cim xib xub tig rov hauv nyob ntawm ib sab hais tias “Victims of Domestic Violence, Human Trafficking and Other Crimes.” Lossis tham nrog ib tug kws lijchoj immigration rau cov rooj plaub no.

Online:
Yog yuav mus thov online koj yuav tsum muaj ib tug USCIS askhauj. Yog koj tsis muaj ib tug, koj yuav tsum mus tsim ib tug. Thaum koj muaj ib tug askhauj lawm, mus sau npe thiab nrhiav cov ntaub ntawv seb yuav hloov koj qhov chaw nyob li cas. Daim ntawm online tsuas yog hais lus Askiv xwb. USCIS hloov koj qhov chaw nyob tshiab tamsim ntawd rau koj yog koj mus hloov online.

Nco tsoom luam nplooj ntawv povthawj thaum koj ua tas. Qhov no yuav pab koj muaj povthawj hais tias koj qhia USCIS txog koj qhov chaw nyob tshiab lawm.

Xa Ntawv Mus:
Yog koj xav muab daim ntawv xa mus, mus rau ntawm www.uscis.gov/AR-11. Nias rau AR-11, Alien’s Change of Address Card Form (PDF, 301 KB). Qhov no yuav qhib daim ntawv rau koj. Koj ua tau daim ntawv no hauv lub computer thiab muab luam tawm, los yog siv xaum sau. (lus Askiv xwb).

Tom qab koj ua tag lawm, luam ib daim qauv rau koj khaws cia. Qhov chaw noyb uas koj yuav xav daim ntawv mus yog nyob nplooj ntawv ob ntawm daim ntawv. Nws yog ib lub tswv yim zoo xa kom lawv ntaub thwj rau thiab kom tus neeg es txais tau daim ntawv yuav tsum tau kos npe qhia tias lawv txais tau lawm. Lub chaw xa mam li qhia koj tias koj ua qhov no. Ua li no, koj thiaj paub thaum USCIS txais tau lawm, thiab koj muaj povthawj tias koj xa lawm.

Nws yuav siv sijhawm ntev txog li 3-4 limtiam rau USCIS los hloov koj qhov chaw nyob tshiab rau hauv koj cov ntaub ntawv yog koj xa uas ntaub ntawv mus hloov. Yog xwm ceev, yuav tau hloov chaw nyob tamsim-ntawd nws yuav zoo tshaj yog koj mus hloov online lossis hu xovtooj.

Hu Xov Tooj:
Yog koj toobkas qhia koj qhov chaw nyob tshiab tam sim ntawd hu rau USCIS Customer Service ntawm 1-800-375-5283. Yog koj xav tias lawv yuav xa koj daim ntawv tso cai ua haujlwm los koj daim npav ntsuab sai sai, ces nws yog tswv yim zoo yog koj hu mus nug seb koj chaw nyob puas tau hloov. Koj yuav tsum tau muab tagnrho cov ntaub ntawv rau lawv li cov koj sau rau daim ntawv AR-11, tabsis koj tsis tas sau daim ntawv xwb.

Tom qab koj nrog lawv tham tag lawm, tus neeg teb xov tooj ntawm USCIS Customer Service Representative yuav tsum muab ib tug lej cim rau koj. Sau tus lej cim ntawd cia. Koj kuj nug tau kom lawv xa tus lej cim no tuaj rau koj. Tus neeg teb xov tooj hauv USCIS Customer Service Representative yuav tsum xa ib daim ntawv tuaj qhia koj txog koj tsab xov tooj koj hu. Ceev daim ntawv ntawm USCIS cia! Yog koj tsis tau txais daim ntawv no li 30 hnub tom qab koj hu lawv, rov qab hu dua.

Rau Cov Ua Ntaub Ntawv Tos Lwm Tus Neeg:
Yog koj yog xam xaj Meskas los yog tsis yog xam xaj ua ntawv tos neeg, koj yuav tsum tau hloov koj lub chaw nyob tshiab es yog sau daim ntawv Form I-865, Sponsors Notice of Change of Address. Yuav tsum muab daim ntawv no xa mus rau USCIS, thiab ua tsis tau hauv vas sab. Luam daim ntawv no tawm ntawm USCIS lub vas sab, ntawm www.uscis.gov/I-865. (lus Askiv xwb)

Yog koj tsis tau muaj xam xaj thiab koj ua ntawv tos lwm tus neeg, koj yuav tsum tau ua ob daim ntawv AR-11 thiab Form I-865.

Yog kuv tsis qhia chaw nyob tshiab ne?

Tej zaum koj yuav raug tsub lub txim txhaum teem “misdemeanor.” Tseem ceeb heev uas koj yuav tsum qhia thaum koj hloov chaw nyob tshiab rau daim ntawv AR-11 tsis pub dhau 10 hnub thaum koj tsiv tsev.

USCIS yuav tsum muaj pov thawj tias koj txhob txwm tsis qhia koj qhov chaw nyob tshiab. Yog pom tau tias koj txhaum lub txim no, tej zaum koj yuav raug nplua mus txog $200 thiab raug kaw ntev txog li 30 hnub. Tej zaum muab koj xa rov qab tau thiab.

Qhia thaum hloov chaw nyob tshiab no yog ib txog luag hauj lwm uas cov neeg tsis tau yog xam xaj yuav tsum ua yog lawv xav nyob hauv tebchaws Meskas, los yog xav tau kev pab rau neeg txawv tebchaws yav tom ntej no.

Yog koj yog ib tug ua ntaub ntawv tos lwm tus neeg uas tsis qhia koj lub chaw nyob tshiab hauv daim ntawv Form I-865 tsis pub dhau 30 hnub, tej zaum koj yuav raug nplua vim koj tsis qhia qhov chaw nyob tshiab.

Cov Ntaub Ntawv Tseem Tsis Tau Txiav Txim

Yog koj ua hloov chaw nyob hauv vas sab, lub vas sab nug koj txog cov ntawv thov tseem tsis tau txiav txim siab.

Lub vassab nug koj kom muab tus naj npawb ntawm daim ntawv thov tseem ua tsis tau tiav. Tus naj npawb no nyob saum toj ntawm txhua daim ntawv koj tau txais hais txog koj rooj plaub. Nws pib nrog 3 tug niam ntawv thiab muaj 10 tus naj nawb tom qab.
Ntaus cov ntawv, ces lub chaw haujlwm USCIS uas yog lub saib xyuas koj daim ntawv ua tsis tau tiav yuav paub tamsis ntawd.
Luam daim ntawv pov thawj tias koj yeej tau qhia qhov kev hloov chaw nyob tshiab thiab ceev cia nrog koj cov ntawv pov thawj.
Koj muaj feem hu mus qhia koj qhov chaw nyob tshiab kom paub hais tias lawv tau qhov yog lawm.

TSEEM CEEB:
Yog koj cov ntaub ntawv tseem tom kev txiav txim siab thiab koj tsis qhia koj qhov chaw nyob tshiab rau USCIS rau daim ntawv thov ntawd, koj yuav tsis tau txais cov daim ntawv los ntawm USCIS txog kev txiav txim los yog lwm yam ntaub ntawv tseem ceeb txog koj cov ntaub ntawv. Tej zaum qhov no yuav ua rau USCIS tsis kam qhov koj thov kom tso cai rau koj nyob tebchaws Meskas. Nyob rau qee rooj, tej zaum kuj yuav ua rau cov neeg ua haujlwm tswj neeg txawv tebchaws muab koj tso rau qhov xa rov qab.

Yog chaw xa ntawv tsis paub koj qhov chaw nyob tshiab thiab, tej zaum lawv yuav xa koj daim ntawv tso cai ua hauj lwm los yog daim npav ntsuab tshiab mus rau qhov chaw nyob qub. Yuav suav tias koj daim npav ntsuab pawv lawm. Qhov no txhais tau tias koj yuav tsum tau rov qab ntawv thov dua tshiab rau koj daim ntawv tso cai ua hauj lwm los yog daim npav ntsuab tshiab. Tej zaum koj yuav tau rov qab them cov nqi ua ntawv dua thiab. Qhia koj qhov chaw nyob tshiab rau lub chaw xa ntawv “post office” thiab rau USCIS kom tsis txhob muaj teebmeem.

Yog xa koj daim npav muab mus rau lub chaw nyob tsis yog, tej zauj lwm tus neeg yuav siv daim npav tias yog koj. Yog koj paub tias xa koj daim npav ntsuab mus rau koj qhov chaw qub lawm, tej zaum koj yuav tsum qhia rau tub ceev xwm tias koj daim npav raug nyiag lawm.

Koj kuj xa tau ib daim ntawv txog qhov koj hloov chaw nyob mus rau lub hoobkas uas koj daim ntawv thov tseem ua tsis tau tiav. Qhov no, thiaj li kom paub tseeb tias USCIS yeej txais tau cov ntaub ntawv hloov lawm. Yog tias koj xav ua li no, sau ib daim ntawv uas muaj:

tag nrho koj lub npe
koj tus naj npawb ntawm daim npav ntsuab
koj daim ntawv thov tus lej cim, thiab
koj qhov chaw nyob tshiab thiab chaw nyob qub

Xa daim qauv ntawm daim ntawv tias lawv tau txais koj daim ntawv thov (receipt notice) uas tseem tsis tau muaj kev txiav txim siab. Xa daim ntawv hauv chaw xa ntawv mus rau chaw ua lub hoobkas USCIS uas saib xyuas koj cov ntawv.

Xa daim ntawv kom yog certified mail. Xa daim ntawv mus kom muaj qhov tus xee npe tias tau txais lawm. Ceev ib daim qauv ntawm daim ntawv no cia thiab ceev daim receipt es koj xa certified mail mus.

Nco ntsoov!

Yog koj ntawv thov nyob tebchaws Meskas no txuam cov ntawv I-360, I-918, I-914 los yog I-751 (raws li kev ua phem sib ntaus hauv tsev, kev yuam tib neeg ua niam ntiav, lossis lwm yam kev ua txhaum) koj yuav hloov TSIS TAU koj lub chaw nyob hauv vas sab los yog hauv xov tooj. Koj yuav tsum ua raws li cov kev cob qhia tshwj xeeb ntawm http://www.uscis.gov/addresschange. (lus Askiv xwb).