Xuquuqaha aad ku Leedahay Waalidka iyo Ilaaliyaha

Minnesota, waa waajib saaran waalidiinta iyo ilaaliyeyaashu in ay daryeelaan carruurtooda ilaa ay ka gaaraan 18. Waalidku waxay kale oo samayn karaan oo fulinna karaan xeerar macquul ah. Waa in aad raacdid xeerarka waalidka ay jideeyaan. Waxaad xaq u leedahay in aad waalidkaa ka filatid in ay sugaan amnigaaga kuna daryeelaan.

Waalidkaagu wuxuu jidayn karaa xeerar ay ka mid yihiin:

• Xilliga aad guriga imaanaysid
   
• Meelaha aad aadi kartid
   
• Cidda aad waqti la soo qaadan kartid
   
• Shaqooyinka aad guriga ka qabanaysid
   
• In aad shaqayn kartid iyo in kale
   
• In aad aadi kartid barnaamijyada ka baxsan saacada iskoolka sida cayaaraha iyo naadiyada
   
• Kolka aad isticmaali karto baraha bulshadda ama telefisyoonka

Waalidku waxay adeegsan karaan awood macquul ah si ay u qabtaan ama u saxaan ilmahooda. Haddii waalidkaa ay adeegsadaan awood aan macquul ahayn, ka eeg sida caawinaad loo helo bogga soo socda.

Waa sharcidarro in waalidku:

• Adeegsado ama ku gooddiyo awood aan macquul ahayn ama edbin naxariisdarro ah
   
• Aysan siinnin ilmaha cunto, dhar, hoy, daryeel caafimaad, ama ilaalinta loo baahan yahay oo ku habboon ilamaha da’dooda
   
• Si ogaalka ay u oggolaadaan in ilmaha lagu sameeyo waxyeello jirka ama jinsga galmada ah
   
• Si ula kac ah ay ilmaha u oggolaadaan in uu ku sugnaado meel khatar ah
   
• Si ogaal ah ay u oggolaadaan in ilmahoodu joogaan meel lagu gado ama lagu hayo daroogo
   
• Ay oggolaadaan in ilmahoodu ku noolaadaan meel dhibaato leh ama khatar ah
   
• Ay ilmahooda ka dhaqaaqaan

Sida caadiga ah kama guuri kartid guriga haddaysan dhicin in:

• Waalidkaa ay aqbalaan
   
• Aad gaartay 18
   
• Aad ku biirtay ciidammada, ama
   
• Maxkamadi oggolaato

Haddii waalidkaa ku waxyeelleeyaan ama ku dayacaan, caawinaad doono!

Waalidkaa ama ilaaliyahaagu ma ku dayacaan, mase kuu geystaan waxyeello ah jirka, dareenka, ama jinsiga galmada? Ma u oggolaadaan in dad kale kuu geystaan waxyeello? Taasi hadday dhacdo waxaad caawinaad ka heli kartaa maxkamadda, xafiiska dhowrista carruurta ee degmada, boliiska, ama xafiiskaaga kaalmada sharciga (legal aid). 2-1-1 waa hay’ad ka jirta gobolka oo dhan oo ku siinaysa macluumaad iyo nambarro taleefan oo caawinaad aad ka heli kartid.

Ka wac halkaan: 2-1-1 (gobolka oo dhan)
Ama ku hadal khadka (online) halkaan:  www.211unitedway.org
Ama tekesti ku qor sibkowdkaaga (zip code) si aad caawinaad uga heshid meel kuu dhow halkaan:  898-211

Ogow: marmarka qaarkood, marka qof weyni uu ogaado in qof aan qaan gaarin lagu tacadiyayo, waa khasab inuu u sheego Hay’adda Ilaalinta Ilmaha (CPS). Taa waxaa la yiraa “soo sheegida waajibka ah.” Qareemaddu kuma jiraan soo sheegayaasha waajibku saaran yahay. Haddii aad u baahan tahay inaad ka hadasho wax ka socda guriga aadana doonayn in warbixin la sameeyo la siiyo hay’adda (CPS). Kala soo xiriir Barnaamijka Sharciga Da’ yarta (Youth Law Project) bogga ah youthlawproject@mylegalaid.org.

Haddii ay wax ku gaaraan ama aad ku jirtid khatar deg-deg ah, wac 911!

Xaaladda deg-degga ah, wac 911. Xaaladaha aan deg-degga ahayn, ama haddaad su’aalo qabtid, ama aad heli weyday caawinaaddii aad u baahnayd, ka wac hay’ada la yiraa Youth Law Project khadka is qorida ee MMLA ee ah (877) 696-6529. ama emayl noogu soo dir barta youthlawproject@mylegalaid.org.