Bartaha Afka Ingiriiska: Xaquuqdaada ah Helida Tacliin Sinaan ah

Bartayaasha afka Ingiriisku (ELL), ee sidoo kale loogu yeero Ingiriis Af Labaad ah (ESL), waxa ay xaq u leeyihiin inay ku helaan fursado u sinaan tacliinta iskuulka ah. Taa macnaheedu waa waxaa jira nidaamyo ah sida uu iskuulku uu uga caawiyo ardaydaa inay ku najaxaan tacliintooda.

Iskuulku waa inuu:

• Cadeeyaa ardayda u baahan fasalada Afka Ingiriisiga ah.
• Lahaado barnaamij ELL ah oo la xaqiijiyey inuu shaqaynayo uuna ka caawiyo ardayda inay najaxaan.  
• Qoro tababarana shaqaale si ay ula shaqeeyaan Ardayda EEL ka.  
• Uu qiimeeyo barnaamijka uuna isbedelo ku sameeyo hadii ardaydu aysan ka soo baxayn hadafyada loo dajiyey.
• Ka caawiyo ardaydu inay bartaan Ingiriiska iyo inay ka soo baxaan heerarka waxbarasho ee dhamaan ardayda gobolka oo dhan la rabo inay ka soo baxaan.

Iskuulku waa inuu:

• Helaa qaab uu ugula kula hadli karo waalidka afkooda uuna helaa jidad ay iyagu qayb uga noqon karaan tacliinta ilmahooda.
• Ugu sheego 10-cisho gudahood kolka ilmahooda loo aqoonsato arday EEL ah.
• U tilmaamaa waalidka adeegyada la fidiyo waxa ay yihiin iyo hadafyada uu ardaygu u baahan yahay inuu ka soo baxo si uu u dhamaystiro barnaamijka. Iskuulku waa inuu waalidka ogaysiiyaa inay xaq u leeyihiin inay diidi karaan adeegyadaa.
• Ogaysii waalidka hadii barnaamijka ardayda EEL uusan ka soo bixin hadafyada sanadkii.

• Ka sooci karaan ardayda ELL ka ardayda kale qayb weyn oo waqtiga maalintii iskuulka ah.  
• U diidi karaan ardayda ELL ka barnaamijyada qaniyeynta ah ama koorsooyinka jaamacad u diyaargarowga ah.
• Ugu sooci karaan si joogta ah ardayda ELL ka qaybaha hoose ee farsamada gacanta lagu barto.