Saib lub thawv uas haum koj qhov xwm txheej.
- Kuv nrhiav tsev nyob
- Kuv thov tsev luam, tsev kem luam, USDA Tsev Nyob Deb Nroog, cov tsev them nqi tsawg Low Income Housing Tax Credit (Section 42) lossis Daim Ntawv Them Tsev Section 8.
- Lawv tsis txais kuv daim ntawv.
- Muaj ib tug hauv kuv tsev neeg yog tus neeg raug ntaus hauv tsev lossis raug yuam deev.
- Kuv daim ntawv thov tsis tau vim hais tias raug tus neeg ua phem rau lossis ntaus, zes/thab lossis qub yuam deev kuv lossis ib tug neeg hauv tsev neeg LOSSIS vim hais tias lwm yam uas tshwm sim vim tus neeg ua phem/ntaus ua. (pivtxwv: Kuv them tsis tau nqi tsev vim tus neeg ua phem nyiag kuv cov nyiaj).
Yog koj teb “yog” rau tagnrho cov lus nyob hauv lub thawv, koj muaj feem tau kev tiv thaiv los ntawm VAWA. Sau daim ntawv txuas nrog daim ntawv qhia no. Muab daim ntawv no rau cov neeg saib xyuas kev cai tsev lossis tus tswv tsev thiab qhia lawv hais tias koj muaj kev tiv thaiv los ntawm VAWA thiab koj xav tau dabtsi. Nco tsoom sau npe rau daim ntawv thiab khaws ib daim cia rau koj tus kheej.
- Kuv twb yog tus neeg xauj tsev nyob lawm
- Kuv nyob tsev luam, tsev kem luam, USDA Tsev Nyob Deb Nroog, cov tsev them nqi tsawg Low Income Housing Tax Credit (Section 42) lossis kuv muaj ib Daim Ntawv Them Tsev Section 8.
- Kuv tau ib daim nqi rau tej khoom puas tus neeg ntaus lossis ua phem ua.
- Kuv tau daim ntawv qhia tias ua txhaum daim ntawv xauj tsev, daim ntawv xaus lossis yuav ntiab tawm tsev.
- Muaj ib tug neeg hauv kuv tsev neeg tau yog tus neeg raug ntaus hauv tsev lossis raug yuam deev.
- Lawv tsub nqi tuaj kuv them, rho tawm, lossis ntiab tawm vim tus neeg ua phem lossis ntaus, zes/thab lossis qub yuam deev kuv lossis ib tug neeg hauv tsev neeg LOSSIS vim hais tias lwm yam uas tshwm sim vim tus neeg ua phem/ntaus ua. (pivtxwv: Kuv them tsis tau nqi tsev vim tus neeg ua phem nyiag kuv cov nyiaj)
- Kuv toobkas tsiv mus nyob lwm chav tsev pab them nqi tsev kom tus neeg raug ua phem rau hauv tsev neeg lossis yuam deev hauv kuv tsev neeg thiaj khiav dim teebmeem kub ntxhov ntawm tus neeg ntaus lossis ua phem.
- Kuv toobkas “xa” kuv qhov Section Voucher 8 mus rau qhov chaw tshiab thiaj pab tiv thaiv kev noj qab hauv huv lossis kev ruaj ntseg ntawm tus neeg raug ua phem rau los ntawm raug ntaus hauv tsev lossis yuam deev hauv kuv tsev neeg.
- Kuv toobkas qhov chaw pab them nqi tsev lossis kuv tus tswv tsev muab tus neeg ntaus lossis ua phem lub npe rho tawm hauv daim ntawv xauj tsev tabsis cia kuv thiab kuv tsev neeg nyob hauv daim ntawv xauj tsev.
- Kuv tau nyiaj tsawg dua lawm vim qhov kev raug ntaus hauv tsev lossis yuam deev, yog li kuv toobkas kom rov laij kuv tus nqi tsev tamsim no.
- Kuv txiav txim siab muab kuv kem tsev xauj tsoomfwv pab them nqi tsev tso tseg es tsiv tawm kom muaj kev nyab xeeb. Kuv mam li xaiv hnub yuav tsiv tawm. Kuv tsis tso tseg txoj cai tau nyiaj cas tsev rov qab.
Yog koj teb “yog” rau ib qhov cov lus nyob hauv lub thawv, koj muaj feem tau kev tiv thaiv los ntawm VAWA. Sau daim ntawv txuas nrog daim ntawv qhia no. Muab daim ntawv no rau qhov chaw saib xyuas tsev, tus tswv tsev thiab qhia lawv hais tias koj muaj kev tiv thaiv los ntawm VAWA thiab koj xav tau dabtsi. Nco tsoom sau npe rau daim ntawv thiab khaws ib daim cia rau koj tus kheej.
