Cov Cai rau Tsev Laus Muaj Kev Pab thiab Tsev Laus hauv Minnesota

Tej zaum cov Tsev Laus Muaj Kev Pab thiab Tsev Laus Muaj Kho Mob thiab Tu Neeg yuav zoo sib xws. Daim ntawv no qhia txog tej yam sib txawv. Hu rau lub Senior LinkAge Line ntawm 1-800-333-2433 kom paub ntxiv txog ib qhov chaw saib xyuas tu thiab qhov twg yuav zoo tshaj rau koj.

Cov Tsev Laus Muaj Kev Pab muaj chaw nyob thiab kev pab ua zaub mov noj txhua hnub, tu vajtse, pab txoj kev nyob txhua hnub, kev ua si lossis kev pab hu thaum muaj xwm ceev.

Tsev Laus Muaj Kev Pab suav tau:

• lub tsev thiab chaw siv tau
• cov chaw so haujlwm lawm
• chaw pab kho kom nco qab thiab tsev tu mob
• cov tsev loj xauj uas muaj kev pab

Tus nqi rau Tsev Laus Muaj Kev Pab yog thaj tsam li $4,500 tauj ib hlis tabsi tej zaum tsawg dua lossis ntau tshaj ntxiv. 

• Tsis yog tagrho cov Tsev Laus Muaj Kev Pab yuav txais nyiaj los ntawm tsoom fwv.  Nco ntsoov xyuas.
• Yog koj xav kom tsoom fwv pab them rau koj qhov Tsev Laus Muaj Kev Pab koj yuav tau ua daim ntawv Medical Assistance (MA) them ntev THIAB qhov MN Choices kev ntsuam xyuas.
• Koj tej zaum yuav tau them rau koj qhov tsev tu koj tus kheej txog thaum koj daim ntawv MA raug pom zoo tso. Feem ntau qhov no yog ob peb hli. 
• MA them tau cov kev pab koj toobkas, tabsis tej zaum koj yuav tau them nqi tsev xauj thiab noj haus. Tej zaum ib co neeg yuav txais tau kev pab los ntawm ib lub khooskas hauv lub xeev hu ua Housing Support. Yuav kom siv Housing Support, koj qhov Tsev Laus Muaj Kev Pab yuav tsum tsis pub nqi xauj tsev thiab noj haus tshaj $1,135 tauj ib hlis.   
• MA muaj qhov txwv koj cov khoom ntiag tug.  Yog koj muaj ntiag tug ntau heev, koj tej zaum yuav tau tham nrog ib tug kws lij choj uas ua hauj lwm nrog kev npaj MA.  Tus kws lij choj mam nrog koj tham txog txoj kev zoo siv koj cov nyiaj thiab ntiag tug rau koj cov hom phiaj.

• xav txog cov kev pab koj xav tau thiab koj xav nyob qhov twg
• www.minnesotahelp.info yog ib qho chaw qhia ntxiv txog Tsev Laus Muaj Kev Pab nyob Minnesota.
  -   Nyob saum toj sab xis ntawm qhov "home page", nias qhov [Select Language] ces xaiv [Hmong] rau Google cov lus txhais lub vas sab.
  -   Nias rau “Cov Neeg Laus” 
  -   Nias rau “Lub tsev nyob” (hauv qab “Xav Paub”)
  -   Nias rau “Txhawb Cov Vaj Tsav”
  -   Xaiv ib qho hom lus
   
• Yog tau, nug cov neeg nyob ntawd tam sim no seb lawv xav li cas

Koj muaj cov cai no nyob hauv txoj cai:

• Cov neeg xauj tsev cov cai – saib peb phau ntawv Cov Neeg Xauj Tsev Cov Cai Hauv Xeev Minnesota 
• txoj cai kom tu zoo thiab cov kev pab cuam
• txoj cai kom saib tau thiab hwm koj
• tsis txhob raug kev ua phem rau lossis tsim txom
• txoj cai txiav txim rau koj lub neej rau koj tus kheej
• txoj cai tsis pub luag tej paub
• txoj cai kom muab koj cov ntaub ntawv txog tus kheej thiab noj qab haus huv khaws tsis pub luag tej paub
   

Saib peb daim ntawv qhia Txoj Cai Assisted Living Bill of Rights. Ib co kev cai tseem ceeb nyob hauv yog:

• Ua ntej koj tsiv mus rau lub tsev laus muaj kev pab, yuav tsum muaj ib daim ntawv cog lus. Daim ntawv cog lus yuav tsum sau txhua yam uas koj pom zoo txog ntawm lus tsev nyob thiab cov kev pab cuam thiab tus nqi yog pestsawg. Koj thiab lub chaw kos npe rau daim ntawv cog lus.
• Thaum koj kos npe rau daim ntawv cog lus, koj yuam tsum taw ib tug neeg los ua “tus xaiv sawv cev rau koj.” Tus neeg no pab koj, txais cov ntaub ntawv txog tej yam uas yuav cuam tshuam koj, thiab sawv cev rau koj thaum koj toobkas. Taw ib tus neeg koj ntseeg siab.
• Koj muaj txoj cai los hais lus tsis txaus siab txog koj vajtse thiab cov kev pab cuam. Koj muaj txoj cai paub hais tias tus neeg ua haujlwm twg yog tus koj mus hais lus tsis txaus siab tau rau. Lwm yuav tsum teb koj raws sijhawm.

• Cov Tsev Laus Muaj Kev Pab yuav tsum muaj ntawv tso cai. Qhov no kuj hais txog  cov muaj kev pab rau qhov kev cim xeeb lossis tsis nco qab thiab kev txiav txim (dementia). Mus xyuas ntawm Minnesota Department of Health kom paub tseeb tias qhov chaw koj xav mus nyob puas muaj ntawv tso cai. Hu lwm ntawm 651-201-4200 lossis xa email rau lawm ntawm health.assistedliving@state.mn.us.
• Lawv tsuas muaj cai xaus koj daim ntawv cog lus thiab hais kom koj tawm yog hais tias muaj kev tsim nyog, xws li:
  • koj tsis them tus nqi txhua hli
  • koj tsis ua li qhov koj hais hauv daim ntawv cog lus
  • lawv tu tsis tau koj lawm vim tias koj txoj kev noj qab haus huv hloov lwm lossis coj
  • koj tus cwj pwm cuam tshuam nrog cov cai, kev ruaj ntseg lossis noj qab haus huv rau lwm cov neeg nyob hauv lossis neeg ua haujlwm
     
• Koj muaj cai rov mus hais yog lawv muab koj daim ntawv cog lus xaus. Koj rov mus hais rau ib tug kws txiav txim mloog nyob ntawm lub hoobkas Minnesota Office of Administrative Hearings. Koj rov mus hais tau dua cov khoom xws li:
  • ib los lus nug hais tias xaus daim ntawv cog lus puas raws cai
  • koj puas xav hais tias lawv ua txhaum cai
  • koj kho tau yam uas lawv yuav xaus koj daim ntawv cog lus
  • koj tsis pom zoo hais tias lawv tu tsis tau koj lawm
  • koj tsis pom zoo hais tias koj tus cwj pwm cuam tshuam nrog lwm tus cov cai, kev ruaj ntseg lossis noj qab haus huv
  • xaus daim ntawv cog lus yuav ua koj raug mob lossis tsis nyabxeeb
     
• Yog hais tias lub Tsev Laus Muaj Kev Pab xav muab cov kev pab cuam lawv muab rau koj xaus, koj yeej tseem nyob tau ntawm qhov chaw ntawd yog hais tias koj coj koj cov kev pab cuam tuaj es them nyiaj rau lawv.
• Yog hais tias koj yuav tsum tau tsiv tawm, lawv yuav tsum pab tshem koj mus rau lwm qhov chaw. Lawv muab koj tsiv tsis tau mus rau ib qhov chaw uas tsis nyabxeeb lossis ib qhov chaw uas tsis muaj cov kev pab cuam koj toobkas. 
• Tsuas tus khub nrog koj nyob pom zoo, ces koj nruab tau ib lub koob yees duab rau koj lub hoob los soj ntsuam koj txoj kev nyab xeeb. Koj yuav tsum tau muab daim ntawv kos npe rau qhov chaw koj nyob Assisted Living Facility yog koj xav nruab lub koob yees duab.    Koj mus nrhiav cov ntaub ntawv no ntawm health.state.mn.us/facilities/regulation/emonitoring/.
• Yog koj lossis ib tug neeg saib xyuas koj 
  • ua daim ntawv tsis txaus siab 
  • ua daim ntawv ua phem, lossis 
  • sawv cev rau cov cai koj muaj 

qhov chaw koj nyob thiab/lossis cov neeg ua haujlwm ua tsis tau dabtsi phem los pauj txiaj ntsim rau koj. 

• Koj muaj txoj cai kom txais tau ntaub ntawv/lus uas koj totaub zoo tshaj. Xws li  hais lwm hom lus, nrog rau ntawv rau cov neeg dig muag “braille” lossis ASL piav tes.

Cov Tsev Laus Muaj Kev Kho Mob thiab Tu Neeg muaj cov kev cai thiab kev tiv thaiv ntau dua. Tej zaum Medicare yuav pab them ib feem nqi rau koj nyob hauv.

Medical Assistance (MA) pab them tau rau Tsev Laus.

Koj muaj cai li cov neeg xaub tsev.  Koj muaj cai li hais saum toj raws Tsev Laus Muaj Kev Pab.  Koj kuj mua kev tiv thaiv ntau tshaj.

Muaj 6 nqi lus thiaj tso tawm tau koj hauv Tsev Laus:

1. Koj noj qab nyob zoo ntxiv tuaj
2. Koj lub chaw raug kaws
3. Koj tiv nqis tsev
4. Koj tsis muaj kev nyab xeeb
5. Lwm tus tsis nyab xeeb yog koj nyob ntawd
6. Lub chaw ua tsis tau raws li koj kev toobkas

Muaj ib qho Health Care Bill of Rights hauv Minnesota txoj cai. Nws tiv thaiv koj kom yuam tsis tau koj noj tshuaj lossis kho mob yog koj tsis kam.

• Tham nrog koj lub chaw nyob. Tej zaum yuav sib kho tau thiab kho qhov teebmeem.

• Hu ib tug MN Ombudsman rau Long-Term Care ntawm 1-800-657-3591

• Hu MN Office of Health Facility Complaints ntawm 1-800-369-7994

Senior Linkage xov tooj 1-800-333-2433.