Cov Lus Nquag Nug Txog Daim Ntawv Tseg Cov Cuab Tam Tom Qab Tas Sim Neej

Daim ntawv “will” qhia tias koj xav kom muaj koj cov cuab tam ua li cas tom qab tas sim neej. Khoom ntiag tug muaj xws li yus cov khoom thiab nyiaj txiag. Cov neeg koj tseg koj cov caub tam rau hu cov neeg txais cuab tam. Hauv koj daim ntawv tseg caub tam tom qab tas sim neej, koj taw ib tug los saib xyuas kom ua raws li koj cov kev siab nyiam. Tus neeg ntawd hu ua tus Sawv Cev Rau Koj. Yog koj tsis taw ib tug neeg Sawv Cev Rau Koj, chav Tsev Hais Plaub Faib Cuab Tam (Probate Court) yuav taw ib tug rau koj. Qee zaus Tus Sawv Ces Rau Koj hu uas Tus Tswj Faib (Executor).

Yog koj tas sim neej es tsis muaj daim ntawv tseg cuab tam tom qab tas sim neej, nws muaj kevcai hauv lub xeev hais tias muab koj cov cuab tam sib faib li cas.  Nws mus rau koj tsev neeg raws li teem los ntawm txoj kevcai.

Ib co neeg txhawj tias tsam lub xeev yuav lawv cov cuab tam yog tias lawv tas sim neej es tsis muaj daim ntawv tseg cuab tam tom qab tas sim neej.  Qhov no muaj tsawg tsawg xwb.  Lub xeev tsuas muab tau koj cov cuab tam yog tias:

• Koj cov cuab tam tsuas muaj koj lub npe xwb thaum koj tas sim neej, thiab
• Koj tsis muaj cov txheeb ze koom roj ntsha lossis yuav los tu.

Koj yuav tsum muaj daim ntawv tseg cuab tam tom qab tas sim neej yog tias koj xav:

• tseg cuam tam rau tus phoojywg lossis lub koom haum pab neeg tsis yog tsev neeg
• tseg cuam tam rau cov neeg uas yuav tsis tau dabtsis raws li lub xeev cov kevcai faib cuam tam.  Nws muaj ib cov lus qhia txog MN neeg tau cuam tam hu uas a table of MN heirship (lus Askiv xwb) nyob hauv MN tus thawj kws lij choj qhov vas sab uas qhia tias txoj kevcai muaj faib li cas.
• muab tej yam khoom rau tej co neeg  
• tseg ib tug tawm uas yuav tau txais cuab yeej ntawm koj raws li lub xeev txoj kevcai
• muab koj cov cuam tam faib tsis sib npaug rau cov txais koj cov cuam tam
• taws ib tug los saib xyuas tus menyuam tsis tau muaj hnub nyoog
• kom txhob muaj sib ceg ntawm cov neeg hauv cuab yig

Koj tsis tas muaj daim ntawv tseg cuam tam tom qab tas sim neej yog tias:

• Koj tsis muaj vajtse ua koj lub npe xwb. Vajtse koj muaj yog nrog ib tug lossis tshaj tus tswv lossis xws li vajtse uake txog ib tug tas sim neej.
   
• Yog koj muaj vajtse ua koj npe xwb, tabsis koj sau ib tug lossis tshaj tus neeg rau nyob hauv Daim Ntawv Hloov Npe Tom Qab Tas Sim Neej (Transer on Death Deed), uas twb muab rau nroog lub hoobkas zwm npe khaws cia.  Saib peb daim ntawv tseeb Ntawv Muab Khoom Ntiag Tug Thaum Tag Sim Neej.
   
• Koj muaj cov neeg ua tso lawv npe sau rau hauv koj cov cuab tam, xws li askhauj tom tuam txhab ceev nyiaj thiab chaw tso peev (stocks).
   
• Koj tsis muaj vajtse ua koj lub npe xwb thiab koj cov caub tam (tsis muaj cov neeg tau tom qab koj tas sim neej) tagnrho yog $75, 000 lossis tsawg dua.  Yog li ntawd, tsev neeg mam li ua ntawv muaj los muab cov cuab tam hloov ua lawv npe tsis tas mus chav tsev hais plaub faib cuab tam. Saib peb daim ntawv qhia Lus Nug Txog Faib Cuab Tam.
   
• Koj yuav tseg koj cov cuab tam rau tsev neeg raws li txoj kevcai teem tseg (saib saum toj).  Pix txwv, yog tus poj ntsuam uas muaj 2 tug menyuam tas sim neej, txoj kevcai yuav muab ib tug menyuam ib nrab ntawm nws cov cuab tam.  Yog nws xav yuav li no, tsis tas nws xav yuav li no, nws tsis toobkas muaj daim ntawv tseg cuab tam tom qab tas sim neej, tabsis tej zaum chav tsev hais plaub faib cuab tam tseem xav kom muaj.

Tsis ua. Daim ntawv tseg cuab tam tom qab tas sim neej tsuas ua tau tom qab koj tas sim neeg.  Yog koj xav kom muaj ib tug los saib xyuas khoom yog koj xiam oob qhab lossis ua tsis taus lawm, koj yuav tsum sau lawv npe rau Daim Ntawv Txiav Txim Siab thiab/lossis Txiav Txim Siab txog Kho Mob (Durable Power of Attorney and/or Health Care Directive).

Saib peb cov ntawv tseeb, Daim Ntawv Muab Cai Txiav Txim Kev Kho Mob thiab Muab Rau Lwm Tus Los Sawv Cev Txiav Txim.

Koj tus Sawv Cev Rau Koj saib xyuas koj tej ntiag tug thiab lis koj tej nuj nqis.  Tom qab siv koj cov nyiaj los them tej nuj nqi, nws faib koj tej ntiag tug rau cov neeg koj tseg rau raws li hais hauv koj daim ntawv tseg cuab tam tom qab tas sim neej.  Nws ua zoo xyuas thiab them isalas txoj sia thiab nyiaj so tom haujlwm.  Nws yog ib txoj haujlwm tseem ceeb.  Nug tus neeg koj xav taw ua koj tus Sawv Cev Rau Koj seb nws puas kam ua tso.

Yog koj tus Sawv Cev Rau Koj toobkas tsev hais plaub lus txiav txim los hloov koj tej ntiag tug lossis yog muaj lus tsis sib haum txog daim ntawv tseg cuab tam tom qab tas sim neej, nws muab koj daim ntawv tseg cuab tam tom qab tas sim neej coj mus rau Tsev Hais Plaub Faib Cuab tam.

Chav tsev Hais Plaub Faib Cuab tam txiav txim siab seb daim ntawv tseg cuab tam tom qab tas sim neej puas tseeb tiag, txiav txim txog cov kev sib haum ntawm daim ntawv tseg cuab tam tom qab tas sim neej, thiab txiav txim kom hloov npe rau vajtse, tsheb thiab lwm cov ntiag tug uas muaj ntaub ntawv.  Yog koj daim ntawv tseg cuab tam tom qab tas sim neej tsis muaj tus Sawv Cev rau koj, tsev hais plaub yuav taw ib tug. 

Yog koj cuab tam muaj nqi tsawg tshaj $75,000 tej zaum yuav tsis tau coj koj daim ntawv tseg cuab tam tom qab tas sim neej mus hais hauv chav tsev hais plaub faim cuab tam. Saib peb daim ntawv tseeb, Lus Nug Txog Faib Cuab Tam.

Tej zaum koj mus yuav tau ib daim ntawv hauv tej co khw muag ntawv, hauv online lossis tej phau ntawv pab-tus-kheej.  Tej zaum cov ntawv no yuav siv tau  tabsis nrog tus kws lij choj tham seb daim ntawv puas dhos rau koj lub neej thiab ua raws li lub xeev txoj kevcai.  Nws muaj cov kevcai koj yuav tsum ua raws kom koj daim ntawv tseg cuab tam tom qab tas sim neej raws kevcai. 

Txoj cai tseem ceeb tshaj yog yuav tsum muaj 2 tug povthawj saib koj kos npe rau koj  daim ntawv tseg cuab tam. Nkawv yuav tsum tau kos npe thiab. Yog hais tias tsis muaj 2 tug povthawj, koj daim ntawv tseg cuab tam yuav siv tsis tau. Cov povthawj yuav tsum tsis txhob yog ib tug neeg muaj npe nyob hauv daim ntawv tseg cuab tam thiab ib tug neeg hauv tsevneeg. Cov povthawj yuav tsum yog:

• muaj hnub nyoog tshaj 18 xyoo
• txaus siab xee npe
• totaub yam nws uas

Tsis tau, hauv Minnesota, tsis tas koj ntaus thwj rau koj daim ntawv tseg cuab tam tom qab tas sim neej thiaj yuav siv tau raws kevcai.  Tabsis Minnesota cia koj ua koj daim ntawv tseg cuab tam tom qab tas sim neej “tim khawv-rau tus kheej.”  Yog koj xav ua li ntawd koj yuav tsum mus rau ib tug muaj cai ntaus thwj.  Tim khawv rau tus kheej yuav pab kom koj daim ntawv tseg cuab tam tom qab tas sim neej siv tau yog tias muaj neeg tawm tsam hauv tsev hais plaub.  Nws kuj ua tau mus ceev dua hauv chav tsev hais plaub faib cuab tam vim tsev hais plaub yuav txais es tsis tas tiv tauj cov neeg tim khawv uas xee daim ntawv.

Yuav ua koj daim ntawv tseg cuab tam tom qab tas sim neej ua tim khawv rau tus kheej, koj thiab koj cov tim khawv mus ntawm tus muaj cai ntau thwj thiab xee daim ntawv lav tias koj yog leejtwg thiab nej txhua tus paub nej xee koj daim ntawv tseg cuab tam tom qab tas sim neej.  Ua zoo xyuas kom nej txhua tus muaj nej cov duab ID.

Koj yuav tsum muaj tsawg kawg yog 2 tug tim khawv.  Nkawv yuav tsum: 

• muaj hnub nyoog tshaj 18 xyoo
• txaus siab xee npe
• totaub yam nws uas
   

Daim ntawv tseg cuab tam tom qab tas sim neej hloov ua tim-khawv-rau-tus-kheej thaum twg los tau.   

Tsis tas yuav nqa daim ntawv tseg cuab tam tom qab tas sim neej mus rau qhov twg tom qab sau tag lawm, tabsis zoo dua yog lwm tus nrhiav tau tom qab koj tas sim neej.  Muab nws khaws cia rau qhov chaw zoo.  Koj muab tau rau koj tus Sawv Cev Rau Koj vim tus no yog tus koj ntseeg siab thiab tus yuav saib xyuas kom ua raws li koj siab xav.  Cia kom koj tus Sawv Cev Rau Koj paub mus nrhiav nyob qhov twg.  Yog koj muab cia rau lub thawv hlau lossis thawv hlau tom tuam txhab ceev nyiaj, ua zoo kom lawv mus muab tau.  

Hauv Minnesota, lub chav tsev hais plaub faib cuab tam lossis tus tshwj tsev hais plaub lub hoobkas khaws cov ntawv tseg cuab tam tom qab tas sim neej rau neeg dawb lossis them ib tug nqi me me.  Koj muaj cai rov mus nqa koj daim ntawv tseg cuab tam tom qab tas sim neej thaum twg los tau.

Yog tus kws lij choj pab koj ua koj daim ntawv tseg cuab tam tom qab tas sim neej, tej zaum lawv yuav kam tuav rau koj.  Yog koj ua li no, qhia kom koj tus Sawv Cev Rau Koj thiab/lossis tsev neeg paub tias tus kws lij choj tau lawm.