Lus Nug Txog Faib Cuab Tam

Tom qab koj tag sim neej, koj cov “vaj tse” yuav tsum tau saib xyuas kom tiav.  Koj qhov “estate” yog vaj tse, av thiab cov nuj nqi koj tiv.  Yog koj qhov vaj tse muaj nqis ntau tshaj $75,000 ces yuav tau mus hais hauv tsev hais plaub faib ntiag tug.  Qhov $75,000 tsis yog cov vaj tse yog koj li ntiag tug los yog cuab tam muab rau neeg. Cov khoom vaj tse yog tsev thiab av.  Yog tias cov vaj tse nyob koj lub npe nkaus xwb tsis muaj npe muab rau leej twg, ces yuav tau mus hauv tsev hais plaub faib cuab tam.

Ib lub tsev hais plaub faib ntiag tug taw tsa ib tug neeg Sawv Cev Rau Koj  “Personal Representative” los leg cov dej num ntawm koj vaj tse  Koj yeej taw tau ib tug neeg nyob hauv koj daim ntawv tso cuab tam thaum tag sim neej ua koj tus neeg Sawv Cev Rau Koj, tabsis lub tsev hais plaub yuav tsum pom zoo.

Tus Neeg Sawv Cev Rau Koj teev ib qho zuj zuj ntawm cov vaj tse thiab tag nrho thiab cov nuj nqis koj muaj.  Tus Neeg Sawv Cev Rau Koj them koj cov nuj nqis, thiab muab txhua yam seem faib rau neeg es muaj cai (heir) tau txais koj lub neej.

Yog hais tias koj muaj ib daim puav pheej faib cuab tam nws yuav tsum tau hais tais koj xav muab cov vaj tsev faib li cas.  Yog hais tais koj tsis muaj daim ntawv faib cuab tam, qhov no hu ua “intestacy” tsis muaj ntawv faib cuam tam tseg thiab tsab cai lij choj hauv lub xeev muaj cov cai txog seb leej twb yog tus tau koj cov vaj tsev.  Txawm tais tsis muaj daim puav pheej faib cuab tam, koj cov vaj tse yuav muab rau koj tsev neeg tshwj tsis yog tias koj yeej tsis muaj ib tug txheeb ze es tseem muaj txoj sia nyob.  Yog tias muaj li no ces cov vaj tse “poob mus rau lub xeev”.  Saib peb daim ntawv qhia, Cov Lus Nquag Nug Txog Daim Ntawv Tseg Cov Cuab Tam Tom Qab Tas Sim Neej.

Kuj yuav siv lub tsev hais plaub faib cuab tam thaum muaj ib qho kev sib cav txog koj daim puav pheej faib cuab tam los yog tus kws txiav txim los txiav txim kom thiaj li paub faib cov vaj tse.

Yog hais tias koj yog tib tug tswv ntawm cov vaj tse thiab av thaum lub sij hawm koj tag sim neej, yuav tsum tau mus hauv tsev hais plaub faib cuab tam txawm tias koj cov cuab tam muaj nqis tsawg tshaj $75,000.  Tus neeg sawv cev rau koj mam muab cov vaj tse rau cov neeg koj tso khoom rau.  Cov neeg txais cuab tam yuav tsum hloov npe ceev cia kom yog nws li ntiag tug.

Yuav “zam mus faib cuab tam” txhais tias tus neeg txais cuab tam tsis tas yuav mus hauv lub tsev hais plaub faib cuab tam.  Piv txwv ntawm qhov tshwm sim zoo li no, yog tias koj sib koom tso nyiaj hauv ib tus askhauj hauv tsev ceev nyiaj nrog ib tug neeg, los yog koj koom ua tswv ntawm ib qho av.  Thaum koj tag sim neej, tus neeg ntawd cia li los ua tus tswv ntawm tus askhauj los yog ntawm daim av.  Tsis tas yuav mus hais hauv tsev hais plaub faib cuab tam, thiab zam dhau tsis tas mus hauv lub tsev hais plaub faib cuab tam.  Qhee qhov nyiaj ceev tseg, khoom plig tau muab pub ua ntej tag sim neej, thiab cov ntawv pov fwm txoj sia isalas yog txhua txoj kev zam ua ntawv mus faib cuab tam hauv tsev hais plaub.  Ntxiv thiab, teev cov npe yog tus neeg txais cov ntiag tug yuav ua rau cov ntiag tug ntawd ncaj qha mus rau tus neeg txais ntiag tug, yog li ntawd tsis tas yuav mus hauv tsev hais plaub faib cuab tam rau cov ntiag tug ntawd.

Yog tus neeg txais cuab tam yeej muab teev npe rau cov vaj tse thiab.  Ib txoj kev zam ua ntawv mus faib vaj tse mas yog kos npe kom raws cai thiab coj mus zwm cia ntawm cov kev hloov npe Transfer on Death Deed (TODD) ua ntej koj tas sim neej.  Tus neeg txais (grantee) ntawm TODD yuav yog tus tswv tom qab koj tag sim neej thiab tsis tas yuav mus hauv tsev hais plaub faib cuab tam.  Saib daim ntawv qhia Ntawv Muab Khoom Ntiag Tug Thaum Tag Sim Neej. 

Nws tsis yog ib qhov zoo tas li thaum zam kom txhob tau mus tsev hais plaub faib cuab tam.  Mus hauv tsev hais plaub faib cuab tam tsis kim npaum li cas los yog siv sij hawm ntev tshwj tsis yog tias koj vaj tse loj thiab tsis yooj yim, los yog koj cov neeg txais cuab tam sib txeeb koj vaj tse.  Qee zaus zam kom dhau qhov mus hauv tsev hais plaub faib cuab tam poob nyiaj ntau tshaj li qhov mus hauv tsev hais plaub sib faib cuab tam.

Ib daim ntawv puav pheej faib cuab tam teev zoo yuav pab kom tsis txhob muaj kev sib txeeb cov vaj tsev hauv lub tsev hais plaub faib cuab tam.

Muaj daim puav pheej faib cuab tam yuav zam tsis tau mus sib hais Tsev Hais Plaub Faib Cuab Tam tas mus li.  Nws nyob ntawm seb cov vaj tse ntawm koj ntiag tug yog dabtsi, nws raug tus nqi ntau npaum li cas, seb koj tib leeg yog tus tswv xwb los yog koom nrog lwm tus, thiab leeg twg yog tus koj xav kom tau.

Yog hais tias koj tsev neeg tsis pom zoo nrog rau daim ntawv puav pheej faib cuab tam los yog qhov sib faib vaj tse, lawv yeej tawm tsam tau rau daim ntawv puav pheej faib cuab tam thiab lub Tsev Hais Plaub Faib Cuab Tam yuav tsum tau txiav txim tias leej twg yog tus tau cov vaj tse nov.  Tsev hais plaub faib cuab tam yuav tsum tau ua thaum tsis muaj daim ntawv puav pheej faib cuab tam thiab, yog tsev neeg tsis pom zoo txog qhov sib faib vaj tse.

Yog hais tias koj lub vaj tse tsawg tshaj $75,000, koj cov neeg txais cuab tam feem ntau yeej muab tau koj cov vas tse es tsis tas mus hauv tsev hais plaub los siv daim ntawv “Affidavit for Collection of Personal Property” Daim Ntawv Mus Muab Ntiag Tus.”

Koj mus muab tau daim ntawv no (lus Askiv xwb) hauv tsev hais plaub los yog nrhiav tau hauv online ntawm www.mncourts.gov.  

Cov khoom ntawm koj li ntiag tug muaj xws li askhauj tom tsev ceev nyiaj, stocks, thiab rooj tog thiab khoom tus kheej, tabsis tsis yog koj lub tsev los yog vaj tse av.

Yog hais tias koj tus Neeg Sawv Cev Rau Koj qhia rau koj cov neeg txais cuab tam cov khoom twg lawv thiaj li tau, nyob qhov twg thiab muab daim qauv ntawm daim (Affidavit) Ntawv Povthawj rau lawv.

Cov neeg txais cuab tam yuav tsum ntau nqa daim ntawv Povthawj, nrog rau daim ntawv pov thawj tus neeg tau tag sim neej (death certificate) mus rau tom lub tuam txhab ceev nyiaj los yog lwm qhov tuav cov vaj tse.  Qhov ua tau 30 hnub tom qab hnub tim tag sim neej.

Ua twb zoo xav ua ntej tso! Ua li no mas yuav tsim teeb meem thaum koj tseem muaj txoj sia nyob.  Tsev hais plaub faib cuab tam tsis phem npaum li tib neeg xav.  Lawv xav tias nws yuav kim tshaj li qhov ib txwm them.

Piv txwv: 
Yog koj txiav txim siab tias koj xav muag tag nrho vaj tse los yog xav yuav tsev, lwm tus neeg koj ntxiv npe rau yuav tsum pom zoo.  Yog hais tias lawv tsis pom zoo koj yuav muag tsis tau lub tsev.  Tej zaum lawv yuav sim muag lawv qhov feem xyuam ntawm lub tsev rau lwm tus neeg thiab koj yeej hais tsis tau kom lawv tsum.

Yog koj tso ib tug neeg twg lub npe rau hauv koj tus askhauj hauv tuam txhab ceev nyiaj, tus neeg ntawv rais los ua ib tug tswv nrog koj.  Tus neeg ntawm muaj cai muab tau cov nyiaj ntawd tib yam li koj, thiab kuj yuav sim muab cov nyiaj.  Ntxiv mus thiab, yog tias cov nyiaj no ntau heev, koj yuav tau them qhov se hu ua “gift tax” khoom plig se.

Nrog ib tug kws lij choj tham ua ntej koj tso ib tug neeg twg lub npe rau hauv koj ib tug askhauj twg los yog rau koj tej vaj tse.

Muaj ib hnub koj yuav xav tau daim ntawv kho mob Medical Assistance (MA) kom thiaj pab tau koj cov nuj nqi kho mob es siab heev los yog pab them nqi rau tsev laus tu koj.  MA muaj qhov txwv tau nyiaj ntau npaum li cas thiab muaj cuab tam ntau npaum li cas muaj tau.  MA muaj ib txoj cai tsis pub muab koj li ntiag tug pub rau lwm tus kom koj thiaj li tau daim ntawv kho mob MA.

Thaum koj ua daim ntawv thov, koj yuav tsum tau qhia rau MA txog cov ntiag tug koj muab pub rau lwm tus, cov khoom koj muab tso rau hauv “trust” los yog muab muag tsawg tshaj li tus nqi ntawm 5 xyoos tas los.  Tso ib tug neeg lub npe rau daim ntawv yuav tsev los yog hauv tus askhauj tom tuam txhab ceev nyiaj yog hloov cov khoom ntawm koj ntiag tug mus rau lwm tus.  Koj yuav tau qhia kom paub tseeb tias kev hloov no yog lwm yam es tsis yog hloov kom koj tau kev pab rau daim ntawv kho mob MA.  Zam tsis ua ntaub ntawv faib cuab tam tsis yog ib qhov laj thawj es lees txais tau.  Nrog ib tug kws lij choj paub txog hloov vaj tse thiab paub txog daim ntawv kho mob MA ua ntej koj yuav hloov ib qho cov khoom ntawm koj ntiag tug.