Saib xyuas thiab Txiav txim txhua yam rau

Thaum ib tus neeg ua tsis tau abtsi rau nws tus kheej thiab tswj tsis tau nws lub neej, lub tsev hais plaub muaj feem tso cai rau ib tug neeg los pab. Los lus “incapacitated” txhais tau hais tias ib tus tij neeg yeej ua tsis tau txhua yam thiab tsis to taub lossis muaj peev xwm los txiav txim lossis cev lus thiab txiav txim zoo thiab kev nyabxeeb rau nws tus kheej. Txawm muaj kev pab los, lawv yeej ua tsis tau rau lawv tus kheej txog ntawm kev kho mob, ua zaub mob noj, khaub ncaws, nrhiav tsev nyob lossis kev ruaj ntseg, lossis los saib xyuas nyiaj txiag. Lub tsev hais plaub mam li txiav txim seb ib tug neeg puas yog yeej ua tsis tau txhua yam tiag.

Ib tug neeg uas muaj tus mob xwm li Alzheimer’s lossis vim muaj kev xiam oob qhab loj hlob tsis txhais tau hais tias nws yog ib tus neeg yeej ua tsis tau txhua yam. Lub tsev hais plaub yuav muab ntau yam coj los ntsuam xyuas tsis yog saib tus neeg qhov mob xwb thaum los txiav txim hais tias ib tus neeg yeej ua tsis tau txhua yam los ua tau.

Tej zaum lub tsev hias plaub mam li txiav txim seb puas yuav muab lub hwj chim rau tus neeg saib xyuas lossis tus txiav txim txhua yam rau tus neeg ntawm tej co tiam sis yuav tsis yog txhua yam ntawm tus neeg lub neej. Ntawm no hu uas “Limited Guardianship or Conservatorship” tau cai los saib xyuas thiab txiav txim tsawg. Thaum tsis muaj lwm txoj hauv kev los txhawb pab tus neeg li lawm thaum ntawm tsev hais plaub mam li tso cai tag nrho rau tus neeg saib xyuas los tus txiav txim txhua yam rau tus neeg.

Ntawm qhov tus neeg saib xyuas los tus txiav txim txhua yam rau tus neeg, tus ua xav tau kev pab tsis xiam nws cov cai tseem ceeb, xws li qhov cai mus pov npav los qhov cai tsis pub luag teb paub, tsuas yog lub tsev hais plaub muaj a qho tseem ceeb thiab ua daim ntawv hais meej txog qhov ntawm.

• Nyob rau hauv guardianship tus neeg uas xav tau kev pab hu uas tus neeg uas raug saib xyuas (yav tas hu uas ward). Tus neeg los pab saib xyuas hu uas tus guardian. Tus neeg saib xyuas los xyuas kom tus neeg raug saib xyuas tau txhua yam nws xav tau.

• Nyob rau hauv conservatorship tus neeg uas xav tau kev pab hu uas tus neeg uas raug txiav txim txhua yam rau (yav tas hu uas protected person). Tus neeg los pab txiav txim txhua yam rau tus neeg hu ua tus conservator. Tus neeg txiav txim txhua yam saib xyuas tag nrho cov nyiaj txiag rau tus neeg uas yuav raug kev txiav txim txhua yam rau.

Tej zaum, lub tsev hais plaub txiav txim muab ib tus neeg los pab saib xyuas thiab txiav txim txhua yam rau tus neeg. Lub tsev hais plaub nrhiav cov kev pab rau tus neeg yuav raug saib xyuas txiav txim txhua yam kom txais kev pab tsawg li tsawg tau.

Txoj kev saib xyuas lossis ua tus txiav txim txhua yam rau tus neeg yog ib yam ceem tseeb heev thiab tsuas yog txiav txim li ntawm thaum muaj ib qho tseem ceeb. Lub xeev Minnesota cov cai txhawb nqa tib neeg los mus sim lwm txoj hauv kev uas tsis nruj li no ua ntej mus ua ntaub ntawv los saib xyuas los txiav txhua yam rau tus neeg. Tej yam neeg sim tau yog:

• tsab ntawv tso cai txiav txim rau kev kho mob. Saib peb cov ntawv qhia tseeb Daim Ntawv Muab Cai Txiav Txim Kev Kho Mob.

• ua daim ntawv tso cai rau ib tus neeg sawv cev rau lwm tus neeg. Saib peb ntawv qhia tseeb Muab Rau Lwm Tus Los Sawv Cev Txiav Txim.

• xaiv ib tug neeg los sawv cev txias thiab tuav cov nyiaj los ntawm “social security,” lossis

• nhriav kev pab los ntawm ib tus neeg ua haujlwm pab neeg hu uas “case manager.”
   

Tus neeg los thov lub tsev hais plaub kom tso cai rau ib tus neeg ua tus saib xyuas yuav tsum piav qhia hais tias lawv twb sim ua tej yam lawm thiab vim li cas hos tsis pab lawv los tsis ua hauj lwm.

• Ib tus neeg saib xyuas muaj hwj chim txiav txim rau tus tib neeg – Lawv txiav txim rau tus tib neeg xws li, kev kws kho mob, lossis seb tus neeg yuav nyob qhov twg.

• Ib tus txiav txim txhua rau tus neeg yam muaj hwj chim txog qub txeeg qub tes – Lawv saib xyaus tus neeg cov nyiaj txiag thiab cov vaj tse/av. Lawv saib xyuas cov tau nyiaj los thiab them cov nuj nqis.
   

Tus neeg saib xyuas lossis tus txiav txim txhua yam rau tus neeg yuav tsis raug siv nws cov nyiaj los them. Lawv siv cov nyiaj los ntawm tus neeg raug saib xyuas lossis tus txiav txim txhua yam. Tiam sim lawv yuav tsum tau qhia lub tsev hais plaub – feem ntau txhuas xyoos – cov nyiaj tuaj rau tus neeg raug saib xyuas lossis tus txiav txim txhua yam, muab cov nyiaj siv li cas thiab vim li cas. Lawv yuav raug txim tau yog tias lawv siv cov nyiaj tsis ncaj ncees.

Tus neeg saib xyuas lossis tus txiav txim txhua yam yuav tsum nrog tus neeg raug saib xyuas lossis tus raug txiav txim txhua yam rau thiab ua raws li lawv saib xav kom zoo li zoo tau. Tus neeg saib xyuas lossis tus txiav txim txhua yam yuav tsum tau ua qhov zoo tshaj rau tus neeg raug saib xyuas lossis tus raug txiav txim txhua yam.

Piv txwv, tus neeg saib xyuas tsis muaj cai kam tej kev kho mob rau tus neeg raug saib xyuas yog nws paub tias cuam tshaum tus neeg raug saib xyuas txoj kev ntseeg. Lawv tsis muaj txoj cai txwv txoj kev ywj pheej ntawm tus neeg raug saib xyuas tsuas yog thaum toobkas los tiv thaiv lawm ntawm kev xwm txheej.

Tus neeg raug saib xyuas lossis raug txiav txim txhua yam yeej muaj cai. Nyob ntawm lub tsev hais plaub txiav txim li cas tej zaum lawv muaj cai tsawg. Tiam sis feem ntau, lawv yeej muaj cov cai no:

• Saib tau lawv muaj nuj nqe. Qhov no nrog rau hwm tus neeg txoj kev kho mob thiab lawv kev ntseeg dab qhuas.

• Mus kev kho mob kom raws sijhawm.

• Tswj cov khoom hauv lub neej uas lub tsev hais plaub tsis tau txiav txim tias yog lwm tus txoj luag hauj lwm.

• Muaj ib tus neeg saib xyuas lossis tus txiav txim txhua yam uas raw li nws lub saib xav tau.

• Nug lub tsev hais plaub yog lawv xav hloov qhov chaw lawv nyob lossis txwv tsis pub leej twg muab lawv chaw nyob.

• Txiav txim saib yuav ua li cas rau lawv tej khoom xws li cov khaub ncaws, cov rooj tog, thiab tsheb. Lawv muaj txoj cai nug lub tsev hais plaub los saib xyuas tus tus neeg saib xyuas lossis tus txiav txim txhua yam cov kev npaj yuav muab nws cov khoom ua li cas.

• Tsis pub leej twg paub

• Xaiv cov neeg lawv xav tham nrog thiab mus saib nrog (tsuas yog hos muaj kev ntseeg tsam tus mus saib ntawm lam ua phem rau nws txoj kev nyab xeeb los kev noj qab haus huv).

• Sib yuav. Tiam sis tej zaum yuav tsum tau kev tso cai los ntawm tsev hais plaub.

• Muaj menyuam. Tus neeg raug saib xyuas lossis tus raug txiav txim txhua yam rau yeej muaj txoj cai los pom zoo lossis tsis pom zoo txog muaj me nyuam.

• Nug lub tsev hais plaub kom xaus lossis hloov tus neeg saib xyuas lossis tus txiav txim txhua yam.

• Muaj ib tus kws lij choj los sawv cev rau txhua rooj plaub, nrog rau los pab lawv thov lub tsev hais plaub hloov tej yam uas xav hloov.

• Pov npav

• Ua tsab ntawv rau kev kho mob thiab los xaiv ib tus neeg los sawv cev rau kev kho mob. Saib peb cov ntawv qhia tseeb Daim Ntawv Muab Cai Txiav Txim Kev Kho Mob.

Tus neeg tau mus ua ntaub ntawv (hu ua Petition) los nug lub tsev hais plaub los txiav txim xaiv lawv lossis lwm tus neeg los ua tus neeg saib xyuas lossis tus txiav txim txhua yam rau tus neeg xav tau kev pab. Tus neeg xav txais tau kev pab yuav tsum tau txais daim ntawv ua thov haiv tsev plaub. Tus neeg xav tau kev pab muaj cai muaj ib tus kws lij choj. Yog lawv tsis muaj nyiaj them ib tus kws lij choj, lub tsev hais plaub muaj feem yuam kom lub nroog them ib tus kws lij choj.

Tus neeg uas daim ntaub ntawv thov yuav tswm qhia tau pov thawj “meej thiab txaus ntseeg” tsim nyog muaj tus neeg saib xyuas lossis tus txiav txim txhua yam. Qhov no tej zaum yuav nyuab yog tus neeg xav tau kev pab tsis pom zoo. Tej zaum daim ntawv txiav txim yuav muab tus neeg saib xyuas lossis tus txiav txim txhua yam hwj chim tag nrho, tiam sis tej zaum yuav rau tej yam kev toobkas xwb.

Nws muaj cov ntaub ntawv mus nug lub tsev hais plaub los pib ntaub ntawv ua tus neeg saib xyuas lossis tus txiav txim txhua yam rau leej twg xav tau kev pab. (lus Askiv xwb)

Mus ntawm www.mncourts.gov.         

• Nias rau Get Forms
• Nias rau Guardianship/ Conservatorship

Lub tsev hais plaub yog tus los txiav txim taw tus neeg saib xyuas lossis tus txiav txim txhua yam. Lub tsev hais plaub tej zaum xaiv:

• tus neeg uas tab tom saib xyuas tus neeg ntawm nyob hauv lub xeev no lossis lwm lub xeev

• tus neeg ua hauj lwm xaiv los ntawm tus neeg xiav txim rau kev kho mob lossis tus neeg sawv cev rau lwm tus neeg.

• tus txij nkawm lossis tus neeg nws hais tseg hauv tsab ntawv tso khoom tseg thaum tas sim neej

• ib tus me nyuam muaj 18 xyoo rov sauv

• tus neeg ntawm niam lossis txiv, lossis

• Ib tug neeg nws txoj haujlwm yog los ua ib tus kws saib xyuas lossis txiav txim txhua yam
   

Feem ntau, tus neeg tau nyiaj los tu neeg xws li ib tus neeg ua hauj lwm kho mob lossis neeg ua hauj lwm hauv tsev laus ua tsis tau ib tus neeg saib xyuas lossis tus txiav txim txhua yam.

Yog tsim nyog taw 2 tus neeg los saib xyuas lossis txiav txim txhua yam, muab piv xwv ob tug me nyuam uas muaj 18 xyoo rov sauv rau ib tus laus uas tsis nco qab los paub abtsi, ces lub tsev hais plaub mauj feem taw ob tus neeg los sib koom ua tus neeg saib xyuas lossis tus txiav txim txhua yam.

Muaj. Tus neeg saib xyuas lossis tus txiav txim txhua yam yeej nyob rau hauv txoj cai ntawm tsev hais plaub, thaib tus neeg raug saib xyuas lossis raug txiav txim txhua yam muaj feem nug lub tsev hais plaub los yuam lawv ua lwm yam txawv.

Tus neeg raug saib xyuas lossis txiav txim txhua yam rau muaj txoj cai muaj ib tus kws lij choj los sawv cev rau nws txhua rooj plaub hais txog raug saib xyuas los txiav txim txhua yam rau. Yog tus neeg paub nws tus kws lij choj tsev hais plaub muab yog leeg twg nws muaj cai tiv tauj kom pab nws. Ib tus neeg muaj cai hu lossis sau ntawv mus rau hauv chav tsev hais plaub txog saib xyuas thiab faib khoom cuab yeej cuab tam (Probate) thov hais rooj plaub thiab thov lawv muab ib tus kws lij choj pub dawb los pab lawv.

Tau. Lub tsev hais plaub muaj feem xaus qhov kev saib xyuas lossis txiav txim txhua yam rau yog tus neeg raug saib xyuas lossis txiav txim txhua yam rau muaj puav pheej los qhia tias lawv tsis xav tau kev pab lossis kev tiv thaiv. Feem ntau, ib tus kws kho mob, tus kws ua haujlwm pab neeg lossis tus kws kho nyuaj siab yuav tsum tuaj teev lus hais tias tus neeg raug saib xyuas yeej leg tau tus kheej tej dej num. Yog lub tsev hais plaub pom zoo, txoj kev saib xyuas xaus thiab tus neeg raug saib xyuas los txiav txim txhua yam rau muaj ywj pheej txiav txim nws tus kheej.

Yog koj xav tau ntaub ntawv qhia ntxiv mus, nws muaj ib daim yees duab Guardianship and Conservatorship video los ntawm hauv Minnesota Judicial Branch nyob rau www.mncourts.gov. (lus Askiv xwb)

• Nias rau Help Topics

• Nias rau Conservatorship lossis nias rau Guardianship

• Nyob rau hauv qab kem Overview, nias rau Guardianship/Conservatorship Video
   

Kuj muab ib qhov hauv Minnesota Judicial Branch Guardianship and Conservatorship Manual (lus Askiv xwb). Nws nyob rau tib qhov chaw daim yees duab saum toj no tiam sis nyob rau hauv ntawm Rules, Laws, & Resources kem.