Daim Ntawv Faib Cuab Tam Thaum Muaj Sia Nyob

Daim ntawv faib cuab tam thaum muaj sia nyob yog ib txoj kev tswj tej ntiag tug.  Koj tau tag nrho cov txiaj ntsim thaum tseem muaj sia, thiab koj tus “thawj coj tom qab” mam tswj koj tej ntiag tug rau koj yog koj tsis meej pem lawm.  Yog muaj nyiaj txaus, daim ntawv faib ntiag tug thaum muaj sia nyob cia koj muab cov ntiag tug rau cov neeg koj hlub (lossis koomhaum pab neeg) tom qab koj tas sim neej tsis tas mus hais hauv tsev hais plaub faib ntiag tug. 

Daim ntawv faib ntiag tug thaum muaj sia nyob yog ua thaum koj tseem muaj sia nyob.  Muab tej co ntiag tug pauv los rau hauv daim ntawv faib ntiag tug thaum muaj sia nyob thaum koj tseem ua neeg nyob.  Tom qab koj tas sim neej, mam muab tej ntiag tug pauv rau cov neeg koj tseg khoom rau tsis tas mus hais hauv tsev hais plaub faib ntiag tug.

Nco ntsoov, daim ntawv faib ntiag tug thaum muaj sia nyob tsuas suav qhov ntiag tug muab sau rau hauv xwb.  Yuav tsum ua daim ntawv “cia li-mus rau” nrog daim ntawv ntawv faib ntiag tug thaum muaj sia nyob txhua zaus.  Daim ntawv cia li-mus rau yog ib daim ntawv raws kevcai kom koj ntiag tug cia li pauv mus rau hauv daim ntawv faib ntiag tug thaum muaj sia nyob koj twb teem tau lawm.  Yog daim ntawv cia li-mus rau ua tau, koj yeej tseem tau mus hais hauv tsev hais plaub faib ntiag tug.  

• Daim ntawv faib ntiag tug (irrevocable) hloov/xaus tsis tau yuav pauv los xaus tsis tau tom qab xee npe lawm.  
• Daim ntawv faib ntiag tus (revocable) hloov/xaus tau yuav hloov lossis xaus tau thaum twg los tau, tsuav koj tseem meej pem.

Nws yeej zoo tshaj yog mus tham nrog tus kws lij choj uas paub pab koj txiav txim siab seb daim ntawv faib ntiag tug thaum muaj sia nyob puas zoo rau koj.  Yog txiav txim siab los teem ua daim ntawv faib ntiag tug thaum muaj sia nyob, tus kws lij choj mam li ua cov ntawv kom haum li koj qhov koj toobkas. Ces tus kws lijchoj mam li pab koj muaj cov ntiag tug sau rau hauv daim ntawv faib ntiag tug. Tej zaum daim ntawv faib ntiag tug thaum muaj sia nyob txhua-leeg-siv tau yuav tsis pab koj.   

Ceev fab cov neeg pheej txhob kom koj yuav ib phau ntawv faib ntiag tug thaum muaj siab nyob.  Tsis txhob tham nrog cov neeg uas kom koj yuav tsum xee tej yam dabtsi tam sim ntawd lossis kom them nyiaj ua ntej koj muaj sijhawm tshawb xyuas ntxiv.  Tej lub tuam txhab tsuas yog xav muag lawv pob ntawv twb sau ua ntej lawm.  Lawv tsis xav txog tias nws puas haum koj tej kev toobkas. Yog daim ntawv faib ntiag tug thaum muaj sia nyob ua-koj-tus-kheej ua tsis yog, tej zaum yuav ua teebmeem uas tau siv nyiaj los kho.  

Txawm hais tias tej zaum koj yeej ua tau daim ntawv tseg cuab tam koj tus kheej, nws nyuaj heev yog tsis muaj ib tug kws lijchoj pab. Ib tug kws lijchoj saib koj qhov teebmeem thiab piav tau txhua yam rau koj. Yog koj tsis muaj cuab tam ntau thiab koj tsis txwv cov nyiaj txiag koj tseg tom qab rau ib tug neeg, koj tsis tas ua daim ntawv tseg ntiag tug. 

Lub hauv paus, koj ua lossis teem daim ntawv faib ntiag tug thaum muaj sia nyob los ntawm xee npe cog lus rau daim ntawv faib ntiag tug thaum muaj sia nyob. Daim ntawv faib ntiag tug thaum muaj sia nyob yuav tsum xee npe los ntawm:

• tus neeg uas cov nyiaj thiab ntiag tug yuav raug saib los ntawm daim ntawv faib ntiag tug thaum muaj sia nyob (tus Faib Ntiag Tug—koj) thiab
   
• tus neeg yuav los tswj cov ntiag tug (tus Tswj Ntiag Tug).
   

Tus tswj ntiag tug yuav tsum ua raws li cov lus qhia koj sau nyob hauv daim ntawv faib ntiag tug thaum muaj sia nyob. Tus tswj ntiag tug kuj yuav tsum ua raws li cov kevcai tswj hwm cov ntiag tug thiab tswj tej vajtse. 

Ces koj hloov tus tswv thiab kev tswj ntawm tej ntiag tug mus rau hauv daim ntawv faib ntiag tug thaum muaj sia nyob. Cov neeg txais koj tej ntiag tug tam sim no thiab cov yuav txais koj tej ntiag tug tom qab koj tas sim neej hu uas cov tau khoom ntiag tug. Koj kuj yog tus tau khoom ntiag tug thaum koj tseem muaj sia nyob thiab. 

Tej co neeg xav tau daim ntawv faib ntiag tug thaum muaj sia nyob kom tsis txhob tau mus hais hauv tsev hais plaub faib ntiag tug. Ceev fab! Cov ntawv faib ntiag tug no totaub nyuaj thiab kim. Xa kom zoo zoo thiab mus nrhiav tswv yim ntawm kws lijchoj. Feem ntau, nws yeej muaj lwm cov kev yoojyim dua taug kom tsis txhob tau mus rau qhov kev cai faib ntiag tug.

Zoo li ib txwm nyob rau daim ntawv faib ntiag tug, koj yog tus tso ntiag tug, tus tswj ntiag tug, thiab tus txais ntiag tug.  Qhov no tsuas txhais tias nws yog koj cov ntiag tug, thiab koj tshwj nws thaum koj tseem muaj sia nyob.  Thaum koj tas sim neej, muab tej ntiag tug rau lwm cov neeg txais ntiag tug uas koj sau npe rau hauv koj ntawv faib ntiag tug thaum muaj sia nyob.  

Sau Cia:  Koj tsis tas yog tus tswj ntiag tug.  Tus tshwj ntiag tug yog lwm tus neeg tau lossis tuam txhab tuav nyiaj txiag, xws li lub tuam txhab ceev nyiaj.  Koj yuav tsum taw lwm tus tswj ntiag tug los lis haujlwm tauj mus thaum koj tswj tsis tau ntiag tug lwm thiab thaum koj tas sim neej.  Yog koj tsis taw ib tug los lis haujlwm tauj ces tsev hais plaub yuav tau los cuam tshuam—qhov ntawv yuav kim thiab tej zaum yuav tsis zoo li koj siab nyiam! 

Tau.  Qhov nov yog ib qhov zoo txog daim ntawv faib ntiag tug thaum muaj sia nyob.  Tom qab koj tas sim neej, tus tswj ntiag tug, lossis tus tswj lawv qab, mam li muab cov ntiag tug hauv daim ntawv faib ntiag tug thaum muaj sia nyob rau cov neeg koj tseg ntiag tug rau tsis tas mus hais hauv tsev hais plaub faib ntiag tug.  Qhov no tsis tau them nqi thiab tsis muaj kev ncua hauv tsev hais plaub faib ntiag tug.  Ntxiv ntawd, siv daim ntawv faib ntiag tug thaum muaj sia nyob tsis muaj leej twg paub, tsis zoo li tsev hais plaub faib ntiag tug uas rau rooj plaub neeg pom tau yog nrhiav.  Saib peb daim ntawv qhia, Lus Nug Txog Faib Cuab Tam.

Muaj.  Nov yog ib co piv txwv:

• Yog 2 tug neeg sib koom yuav tsev ua ke, feem ntau tsis tau mus hauv tsev hais plaub faib ntiag tug. Thaum ib tug tas sim neej, lub tsev cia li yog tus tseem muaj sia li. 

• Tsis tau mus hauv tsev hais plaub faib ntiag tug rau cov ntiag tug twb sau tus neeg yuav txais lub npe lawm. Piv txwv, nyiaj isalas txoj sia cia li mus rau tus neeg sau npe txais tsis tas mus hauv tsev hais plaub faib ntiag tug. Tim yam li tus askhauj tom tsev ceev nyiaj thiab tus askhauj so haujlwm “retired” yog sau muaj tus neeg txais.
   
• Koj siv tau qhov Hloov Thaum Tas Sim Neej thiaj tsis tau kom tsev hais plaub faib ntiag tug muab koj lub tsev rau lwm tus thaum koj tas sim neej.  Saib peb daim ntawv qhia, Ntawv Muab Khoom Ntiag Tug Thaum Tag Sim Neej.   

Yog ua daim ntawv faib ntiag tug thaum muaj sia nyob thaum koj tseem muaj peev xwm, tus tswj ntiag tug (lossis tus tswj ntiag tug lawv qab) tswj cov ntiag tug rau koj yog tias koj tsis muaj peev xwm lawm.  Yuav tsum tswj tej ntiag tug kom zoo rau koj thaum koj tseem muaj sia nyob.

TSEEM CEEB:  Yuav tsum muaj daim ntawv tso cai rau lwm tus lis koj ntiag tug rau koj cov ntiag tug uas tsis sau rau hauv daim ntawv faib ntiag tug thaum muaj sia nyob.  Piv txwv, muab tsis tau qhov IRA sau rau hauv koj daim ntawv faib ntiag tug thaum muaj sia nyob.  Qhov IRA yuav tsum nyob rau koj lub npe nkaus xwb.  Saib peb daim ntawv qhia Muab Rau Lwm Tus Los Sawv Cev Txiav Txim.  

Yog koj ntiav ib tug los pab koj, feem ntau ua daim daim ntawv faib ntiag tug thaum muaj sia nyob kim dua daim ntawv tso cuab tam tom qab tas sim neej.

• Vim tias daim daim ntawv faib ntiag tug thaum muaj sia nyob nyuaj dua ces tau them tus kws lij choj kim dua los ua daim ntawv no piv rau los ua daim ntawv tso cuab tam tom qab tas sim neej.
   
• Tsuas siv tau daim ntawv faib ntiag tug thaum muaj sia nyob yog tias koj pauv ntiag tug mus rau hauv.  Feem ntau, koj toobkas tus kws lij choj los lis tej kev hloov, tshwj xeeb yog koj hloov vajtse. 
   
• Yog tus tswj ntiag tug yog ib lub tuam txhab nyiaj, nws kev ib tug nqi los tswj daim ntawv faib ntiag tug.
   

Yog koj yeej zam tsis tau txoj kev mus cai faib ntiag tug los ntawm lwm txoj kev thiab muaj cuab tam ntau heev, tej zaum daim ntawv faib ntiag tug thaum muaj sia nyob yuav pheej yig dua daim ntawv tso cuab tam tom qab tas sim neej vim tias daim ntawv tso cuab tam tom qab tas sim neej yuav tsum tau mus hais hauv tsev hais plaub faib ntiag tug. 

Qhov lus nug tseeb kom teb yog: Qhov twg kim dua rau koj, daim ntawv faib ntiag tug thaum muaj sia nyob LOSSIS los coj koj tej ntiag tug mus faib hauv tsev hais plaub faib ntiag tug? Nws nyob ntawm koj qhov teebmeem, ua li thiaj zoo yog  koj mus nrog ib tus kws lijchoj tham txog qhov no.

Tej zaum tsis zoo. Nws yog li no vim siv tau daim ntawv tso cai rau lwm tus lis koj ntiag tug los tswj nyiaj txiag thiab muab rau tus koj xav los ntawm sau nws npe ua tus txais ntiag tug nyob ntawm cov nyiaj koj muaj thiab koj cov vajtse.

Tabsis qee zaus, tej zaum hom muaj ib qho zoo koj xav cia rau hauv daim ntawv faib ntiag tug thaum muaj sia nyob los tswj nyiaj txiag. Ib qho piv txwv zoo yog koj muaj coob leej koj xav muab koj tej ntiag tug rau thaum koj tas sim neej. Tej zaum koj yuav ua tsis tau li no yog muaj daim ntawv tas sim neej hloov lossis tus neeg txais nyog hauv koj tus askhauj.  

Feem ntau, pab tsis tau. Yog koj thov Pab Them Kho Mob (MA) los them tu mob ntev, lub xeev suav tias koj cov ntiag tug nyob hauv ntawv faib ntiag tug thaum muaj sia nyob li ntiag tug siv tau.  Qhov no txhais tau tias lawv yog ntiag tug koj siv tau los them rau txoj kev tu koj.  Koj yuav tsum tau siv cov ntiag tug kom tas thiaj muaj feem txais tau cov kev pab li MA.  Tej zaum yuav muaj tej yam teebmeem xws li no es thiaj li zoo yog koj nrog ib tug kws lij choj tham seb ua ntawv faib ntiag tug thaum muaj sia nyob puas zoo rau koj.